Aizaia 14:29 - Edo Bible (E Baibol Ẹdo) Version 1996

²⁹ Ivbi e Filistia, orhokhua ne ọ ya gbele uwa bunnọ, sokpan, emwi ne uwa gha ghọghọ yi i zẹdẹ rrọọ. Ẹyẹn okpa gha wu, ọvbehe ne ọ rhia sẹẹ ọre ghi rhie ihe ẹre. Ekẹn ẹyẹn ghi gbe Ugbogiorinmwi ne ọ tin ladian.

Aizaia 14:29 ပူးပေါင်းရင်းမြစ်များ

II Ọba 18:8

Obọ ẹre ke ukhunmwu ne ivbi e Filistin, ọ na mu okuo ifuemwi gha rrie ehe ne iran ye kevbe igue ne ọ kpọlọ sẹẹ ya sẹ egbe ne ọ kanmwa sẹẹ. Ke Gaza kevbe otọe ni lẹga ẹre hia.

II Krọnikol 26:6

Uzaia keghi mu okuọ gie ivbi e Filistia. Ọ keghi dunmwu ekẹn ne a gbe lẹga e Gat, e Jamnia, kevbe Asdọd sotọ, ọ keghi vbe gba odin gaa ore ẹvbo eso vbe ọkpẹn Asdọd kevbe Filistia.

II Krọnikol 28:18

Vbe uwu ẹghẹ ọkpa na, ivbi e Filistia keghi vbe gha mu okuọ yo avbe ẹvbo ni rre ototọ oke vbe odẹ orrie kevbe odẹ ekẹn e Juda iran keghi khọn mu e Bẹt Siemẹs, Aijalọn kevbe Gẹdẹrọt kevbe avbe ore nekhua ighẹ Soko, Timna kevbe Gimzo deba igue ni lẹga iran. Iran keghi wa yin evba ọghe etẹbitẹ.

Itan 24:17

Ghẹ gha ghọghọ vbe emwi dan a rruan oghian an; ọ gha de, ghẹ vbe ghọghọ ua.

Aizaia 11:14

Iran gha koko dekun e Filistia ni rre odẹ ọlarrie owẹn, iran ghi vbe fu iran ni rre odẹ ahọ emwi viọ. Iran gha khọn ivbi Idọm kevbe Moab, ivbi Amọn ghi gha họn ẹmwẹ ne iran.

Aizaia 11:8

Ovbi ọmọ obọ sẹtin gha ku vbe ehe ne ẹyẹn ne ọ mwẹ obi ye vbe ne ẹ i na ho ẹre ẹmwẹ.

Aizaia 14:31

Wa gha go, ne uwa vbe gha tu nọ iyobọ, wa ne avbe okpẹvbo e Filistin hia. Wa runran, wa hia fẹẹrẹ. Amẹ ne ọ bii ne ọ re ebubẹ, ke odẹ okuọ dee, ivbiyokuo ne avbiẹrẹ okpa i rre otu ẹre.

Aizaia 2:6

E Nọyaẹnmwa, wẹ mianmian avbe emwa ruẹn ne, ighe avbe ivbi e Jekọb. Uyinmwẹ oso ọ re ọ ghi gba otọe nii hia, ke odẹ ahọ yasẹ Filistia. Uyinmwẹ, ẹvbo ẹrrẹe ọ re avbe emwa nii ghi yin.

Aizaia 30:6

Ọna ọre uhunmwu ne Osanobua gie vbekpa avbe aranmwẹ ni rre ato odẹ ekẹn: “Avbe ukọ nii khian la ẹvbo dan ne avbe oduma ye kevbe avbe ẹyẹn ni mwẹ obi dan kevbe avbe Ugbogiorinmwi ni tin. Iran keghi kun emwiokọ ighobioye vuọn ekẹtẹkẹtẹ kevbe kamẹl iran ne a viọ gie uhunmwu ẹvbo ne ẹ i mwẹ iyobọ ne ọ gha sẹtin ru.

Jerimaia 47:1

Vbe ọ te sẹ ẹghẹ ne ọba Igipt na mu okuo gha rrie Gaza, e Nọyaẹnmwa keghi gunmwẹ guaan vbe ekpa e Filistia.

Eve Orriara 2:17

E Nọyaẹnmwa ye ru ẹe vbene ọ wẹ rẹn re ru ẹe: Ọ fuẹn ima an vbe ne a i na mwẹ itohan, zẹ vbene ọ taa ẹe yotọ ke ẹghẹ nii gha dee. Ọ gie obọ avbe eghian mwa ke ukhunmwu, ọ keghi ye ọyẹnmwẹ sẹ iran ye udemwẹ mwa.

Ezikiẹl 25:15

E Nọyaẹnmwa ne Udazi khare wẹẹ, “Ivbi e Filistin rria emwa ne iran gba re eghian egbe dee ẹdẹ ikhi dan, iran kevbe ye ohu ne ọ mu iran fuẹn iran an.

Ezikiẹl 26:2

“Ovbi ọmwa, ghe emwi ne ivbi e Taia wee ba. Iran gha go kha wẹ a guọghọ e Jerusalẹm nẹ! Ẹtin ẹki ne ọ te do fo. Ẹ i ghi gu ima suan ọvbehe!

Ezikiẹl 35:15

zẹ vbene uwẹ vbe ghọghọ ye ọfuan ọghe Izrẹl ne emwi obọ mwẹ. E Sẹa ne oke nọkhua, ẹn, kevbe otọe Idom hia gha dihoi rua. Ẹghẹ nii, emwa hia gha do rẹn ighe mẹ ọrọre Nọyaẹnmwa.”

Hozia 9:1

Wa ne ivbi Izrẹl, wa dobọ ne uwa na ru emwi ukpo uwa zẹ vbe emwa ni ga ẹbọ yi, wa fi iyeke gbe Osanobua uwa nẹ, ekhọe uwa ma vbe lelẹe. Ehe ne otọe nii sẹe ehe ne ọ rhanmwẹ, ọ re uwa na khiẹnnẹ egbe uwa ne Baal zẹ vbe ebabotu, avbe ọka ne uwa ro ighe rẹn ọ re ọ ya ẹe ha uwa osa keghi yẹ uwa.

Joẹl 3:4

“De emwi ne uwa ru imẹ re na yi, e Taia kevbe Saidọn; kevbe Filistia hia? Ọ mwẹ emwi ne uwa ra rria mwẹ ikhi ẹre ra? Adeghẹ erriọ nọ, I gha vbe ru uwa ẹre werriegbe ẹgiẹgiẹ.

Emọs 1:6

E Nọyaẹnmwa khare wẹẹ, “Te ivbi e Gaza wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran kun emwa hia ni wa rre ẹvbo hoho kpao, iran na ya khiẹnnẹ iran eviẹn ne ivbi Idọm.

Emọs 1:8

I gha viọ iran ni khaemwisẹ vbe Asdọd kevbe Askẹlọn kpao, I gha rri Ẹkrọn ne ẹvbo oya. Ivbi e Filistin ni ghi kẹe hia gha wulo.”

Obedaia 1:12

Ọ ma te kei ne u gha gbe ọvẹ ye emwi dan ne ọ rruan etuẹn ni rre Juda. Ọ ma te ke ne ẹko gha sẹ uẹ ọyẹnmwẹ vbe ẹdẹ ne iran fuan. Ọ ma te ke ne u gha giẹ iran vbe iran miẹn usẹ.

Maika 7:8

Emwi ne ọ gha zẹ ne eghian mwa gha na gha gbe ọvẹ yan mwa i rrọọ. Ma dele nẹ, sokpan, ma gha vbe kpaegbe. Uwu ebiebi ma ye na, sokpan Osanobua gha rhie uwanmwẹ ne ima.

Zẹfanaia 2:4

Orhiọnkpa i vbe kẹe vbe ore Gaza. Askẹlọn gha khian ne emwa i ghi ye vbe a te wa ẹdẹ eva, a gha khulo emwa ni rre Asdọd kua fo, a gha khulo ivbi Ẹkrọn hin ẹvbo iran rre.

Zẹfanaia 2:5

Ọghe uwa fo nẹ, ivbi e Filistin, avbe uwa ni yin eghute. E Nọyaẹnmwa bu ohiẹn gbe uwa nẹ. Te ọ ra fuẹn uwa a, ọkpa i ra vbe kẹe vbe uwu uwa.

Zẹfanaia 3:11

Ọ gha sẹ ẹghẹ nii, ekhue i ghi ra ye gha mu uwa ne emwa mwẹ wẹ wa sọtẹ mwẹ. I gha viọ iran hia ni hio kevbe ni tọn egbe mu hin rre, wa i ghi ra dọlegbe sọtẹ ghe mwẹ ọvbehe vbe oke mwẹ nọhuanrẹn.

Zẹkaraia 9:5

Askẹlọn ne ẹvbo gha miẹn ọna, ohan gha mu ẹẹn. Ore Gaza gha miẹn ọẹn, obalọ dan ghi sọ ọre obọ, erriọ Ẹkrọn khian vbe gha ye, idaehọ ẹre hia ghi dihoi rua. E Gaza gha miẹn wẹ rẹn i ghi mwẹ ọba. Emwa hia gha kpao hin Askẹlọn rre.

Nọmbas 21:8

Ẹre Nọyaẹnmwa na tama e Mosis ne ọ ya oze ru ẹyẹn mu yan ọkpọ ne ọmwa ne ẹyẹn a rhirhi sa sẹtin gha ghe ẹre ne ọ vbe fe.

Jọsua 13:3

(do deba otọe Avim hia, gha rrie odẹ ekẹn otọe ne ọ ke ivbi ẹzẹ Sihọ kpao vbe ehe ne otọe Igipt Lae gha rrie odẹ okuọ ya sẹ ehe ne otọe Ẹkrọn lae, a keghi ka ena ba otọe Kenan; iran ni khaemwisẹ yan avbe Filistin kegha rre Gaza, Asdọd. Askẹlọn, e Gat kevbe Ẹkrọn.)