Aizaia 14:27 - Edo Bible (E Baibol Ẹdo) Version 1996

²⁷ E Nọyaẹnmwa ne Udazi tae ne ighe te irẹn ra ru emwi na. Ọ niẹn obọ ẹre ladian nẹ ne ọ ya rri emwa oya, ọmwa okpa i rrọ ne ọ gha sẹtin da ẹre obọ yi.

Aizaia 14:27 ပူးပေါင်းရင်းမြစ်များ

II Krọnikol 20:6

Ọ keghi ya urhu ne ọ la na erhunmwu wẹẹ, “E Nọyaẹnmwa ne Osanobua avbe erha mwa odede, wẹ ọ re ọ ke ẹrinmwi khaemwisẹ yan avbe okpẹvbo ni rre otọ agbọn hia. Wẹ mwẹ ẹtin, u kevbe kpolo, ọmwa ọkpa i rrọ ne ọ gha sẹtin muan ruẹn ẹmwẹ,

Job 11:10

Deghẹ Osanobua muẹn, ọ na wẹ ne a gui ẹzọ ruẹ, de ọmwa ne ọ gha da ẹre obọ yi yi?

Job 23:13

“Rẹn i fi werriẹ, a i miẹn ne ọ sẹtin gu ẹe vẹn. Ra ne ọ da ẹre obọ emwi ne ọ ho ne ọ ru yi.

Job 40:8

Ẹ i re te u ho ne u rhie maa wẹ, mẹ I ru emwi ẹmwata? Ne u bu ohiẹn gbe mwẹ kevbe ne u bu asẹ ne egbe uẹ?

Job 42:2

“Nọyaẹnmwa mẹ rẹnrẹn wẹ u mwẹ ẹtin hia, u vbe sẹtin ru emwikemwi ne u ho.

Job 9:12

Ọ ghi gha rhie emwi ne ọ khọn rẹn, ọmwa ne ọ wẹ ẹre dobọyi i rrọọ. Ọmwa ne ohan giẹe nọ rẹn wẹ, “Vbe u a ru yi?” ẹ i rrọọ.

Psalm 33:11

Sokpan, emwamwa irẹn rrọ ẹdẹdẹmwẹdẹ, iziro ọghọe rrọ etẹbitẹghori.

Itan 19:21

Emwa sẹtin mwamwa emwi gbe erhan gbe irri, sokpan, ne ọ yẹ e Nọyaẹnmwa ọ re a ra ru.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Aizaia 23:9

E Nọyaẹnmwa ne Oghodua ọ re ọ mwamwa ẹn. Te ọ mwamwa ẹn ne ọ miẹn ehe na dobọ uhiomwẹ ne iran hio ye emwi ne iran he ye obọ ru yi, kevbe ne ọ silo emwa iran ne a yọghọ na kẹ otọ.

Aizaia 43:13

Mẹ ọrọre Osanobua, ọnii ọ re I ra gha khin ẹdẹ. Ọmwa ne ọ gha sẹtin fie emwi ne imẹ ru nẹ werriẹ i rrọọ.”

Aizaia 46:11

Mẹ tie okpia ọkpa ne ọ ke odẹ ahọ gha dee, ọ gha vin rrie otọ zẹ vbe ahua ọ ghi do ru emwi ne I mwamwa yotọ. I guan nẹ, te a ra ruẹe.

Aizaia 8:10

Wa mwamwa emwi hia! Sokpan, erhọkpa i dunna. Wa guan yan emwi hia ne uwa ho ne uwa guan yan. sokpan erhọkpa i mwẹ esa, rhunmwuda Osanobua rrọọ yaba mwa.

Aizaia 9:12

E Siria vbe odẹ ahọ kevbe Filistia vbe odẹ orrie, rhan unu yotọ ne iran minọ Izrẹl re. Ọ rhe ye vberriọ, ohu e Nọyaẹnmwa ma he ye fo. Te ọ ye niẹn obọ ẹre ladian ne ọ rri iran oya.

Jerimaia 4:28

Otọ agbọn gha khiẹ, iso gha so ebiebi, erriọ Nọyaẹnmwa khare, ẹ i ra fi ẹe werriẹ. Ọ ta emwi ne irẹn ra ru ne, ẹ i ghi vbe kie werriegbe vbọ.

Jerimaia 44:28

“Sokpan, ibozẹghẹ vbe uwu uwa gha miẹn uhunmwu, wa ghi werriegbe ke Igipt gha die Juda. Iran ni miẹn uhunmwu nii ọ re ọ ghi ra rẹn ne ẹmwẹ ọnrẹn ghi sẹẹ vbọ, ọghomwẹ ra ọghe iran.

Jerimaia 49:20

Rhunmwuda ọnii, danmwehọ vbene I khuan khẹ ivbi Idọm hẹ kevbe emwi ne I ra ru ivbi ẹvbo e Tẹman re. Te a ra silo ivbi iran kpao, izegbe ghi zẹ emwa hia.

Jerimaia 51:59

Ovbi ọkpọmwa ọghe Zedekaia ne ọba kegha re Seraia ne ovbi e Neraia kevbe eyẹ ọghe Maasai, ọ ghi rre ukpo enẹ ne Zedekaia rriọba vbe Juda, e Seraia keghi lele ẹe rrie Babilọn, I keghi giee ẹre uhunmwu eso.

Ezikiẹl 26:14

Emwi ne I ra sẹrae ma gberra okuta ne emwi rhọkpa ma degue ehe ne avbe ọgbehẹn gha na gha ka ọga iran. A i ghi dọlegbe bọ ẹvbo nii ọvbehe. Mẹ ne Nọyaẹnmwa ne Udazi ọ re ọ tae.”

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?