Aizaia 14:25 - Edo Bible (E Baibol Ẹdo) Version 1996

²⁵ I gha rẹnkhẹn ivbi Asiria ni rre otọe Izrẹl ne ọghomwẹ, I ghi ya owẹ rrilo iran ginna otọe vbe uhunmwu oke mwẹ, I gha fannọ emwa mwẹ yotọ hin urọnghọn Asiria rre kevbe hin ihe ne a wẹ ne iran mu.

Aizaia 14:25 ပူးပေါင်းရင်းမြစ်များ

II Krọnikol 32:21

E Nọyaẹnmwa keghi gie odibo Osa, ọ na ya gbele avbe ivbiyokuo kevbe avbe ekaokuo ivbiyokuo Asiria. Ẹre ọgbaisi Asiria na rhie ukpọn efa rhuan werriegbe gha rrie Asiria. Ẹdẹ ọkpa, ọ ghi rre aro ẹbọ ẹre, eso vbe uwu avbe ivbi ẹre ni ikpia keghi ya umozo gbe ẹe rua.

Aizaia 10:12

Sokpan, I gha ru emwi ne I ru vbe Oke Zaiọn kevbe Jerusalẹm nẹ, I gha rri ọgbaisi Asiria oya ye orhuọ hia ne ọ rhuọ kevbe uhiomwẹ ne ọ hio.

Aizaia 14:5

E Nọyaẹnmwa rhie ufomwẹ ye ẹtin avbe enikhaemwisẹ dan nẹ,

Aizaia 33:1

Ọghe avbe eghian mwa fo nẹ! Iran rhare, iran rhie emwa maa, a gha rhe miẹn wẹ ọmwa rhọkpa ma rha iran ra ne a rhie iran maa sokpan, ẹghẹ ne iran ya rha, ke ne iran ya rhie ọmwa maa gha sẹ ufomwẹ, iran tobọ iran ghi do khian ne a ghi rha ke ne a ghi siuma rẹn.

Aizaia 52:2

Jerusalẹm, bọnmwẹ idobo kua vbe egbe kpaegbe vbe ebubẹ, ne u tota ye ẹkete ruẹ, wa rhan eghan ni de uwa, wa ne avbe oghunmwu ne ivbi e Zaiọn!

Aizaia 9:4

Rhunmwuda, wẹ bun urọnghọn ne ọ te mianmwẹ iran nẹ! Kevbe ukpokpo ne ọ te gbe iran izabọ wẹ khọn ẹvbo ne ọ te zẹ emwa ruẹn kpokpo ne ọ na vbe do iran ọzuọ ne zẹ vbene u ka khọn ivbiyokuo e Midian vbe ẹghẹ ne ọ kpee fua.

Ezikiẹl 32:22

Asiria rre evba, idin avbe ivbiyokuo ẹre lẹga ẹre. Okuo ọ re ọ gbele ehia.

Ezikiẹl 39:4

E Gọg kevbe avbe ivbiyokuo ẹre deba iran ni yegbe ba ẹre gha dele wu vbe oke Izrẹl, I ghi vbe gie ikun iran khian evbare ne avbe ahianmwẹ kevbe aranmwẹ oha hia.

Maika 5:5

Rẹn gha vbe rhie ọfumwegbe rre. Ivbi Asiria gha mu okuo la ẹvbo mwa, iran na vbe guọghọ emwi ne ima ya khẹ egbe, ma gha gie avbe ọkaolotu ima ni wegbe sẹẹ ne iran ya gu iran gbinna.

Maika 5:6

Iran gha ya emwi igbinna khọn Asiria mu otọ, otọe nii ne ọ re ọghe Nimrọd, iran gha vbe fannọ ima ye otọ vbe obọ ivbi Asiria vbe iran a mu okuo la otọe ẹvbo mwa.

Nahum 1:13

I gha dobọ ẹtin ne Asiria mwẹ vbe uhunmwu uwa yi, I ghi vbe bunnọ ọgiọrọ ne ọ ya munọ uwa gbalọ.”

Zẹkaraia 10:11

Iran gha la okun orueghe iran gberra khian, mẹ ne Nọyaẹnmwa gha fi uhuemwẹ ẹzẹ emwi, odin nọkhua e Naẹl gha khian ne ọ kae. A gha hie Asiria ne ọ hio uhunmwu rre. Egbe gha wọ Igipt ne ọ wegbe.