Aizaia 14:2 - Edo Bible (E Baibol Ẹdo) Version 1996

² Uhunmwu ẹvbo nibun gha ru iyobọ ne Izrẹl ne iran ya dọlegbe gha die otọe ne Nọyaẹnmwa mu ne iran, evba nii, avbe uhunmwu ẹvbo nii hia ghi vbe gha ga Izrẹl zẹ vbe ọviẹn. Avbe iran ni te khọn miẹn Izrẹl otọ, Izrẹl ghi khọn miẹn iran otọ, ivbi Izrẹl ghi gha kha yan iran ni te ka gha wọ iran uhunmwu.

Aizaia 14:2 ပူးပေါင်းရင်းမြစ်များ

Psalm 68:18

Ọ hin odukhunmwu gha rriẹ ehe ne ọ yo ọ viọ avbe oghunmwu nibun mwẹ gha khian ọ keghi vbe miẹn emwi ihaoko, vbe obọ avbe emwa ni sọtẹ. E Nọyaẹnmwa Osanobua gha di evba nii ya.

Aizaia 18:7

Ẹdẹ dee ne Nọyaẹnmwa gha na miẹn emwi ihaoko vbe obọ ẹvbo na ne ẹzẹ ghae ye inu ihe ne ọ khin, ẹvbo ni wegbe ni vbe mwẹ ẹtin na, ẹvbo ni taẹn ne ikpakpa egbe ẹre vbe rrie na, ne emwa mu ohan rẹn la otọ agbọn hia. Iran gha rri Oke Zaiọn, ehe ne a na ga e Nọyaẹnmwa ne Oghodua.

Aizaia 31:8

A gha fuẹn Asiria a vbe okuo, sokpan ẹ i re ẹtin ọmwa nagbọn ọ re ọ ra ru ẹe. Ivbi Asiria gha lẹkua vbe okuo, a ghi munọ avbe igbama iran oghunmwu.

Aizaia 45:14

E Nọyaẹnmwa kha ma Izrẹl wẹẹ, “Ẹfe Igipt kevbe Sudan gha khian ọwuẹ emwa ni taẹn ni rre Siẹba gha khian eviẹn ruẹn; iran gha lele uẹ vbe a ye eghan gbalọ iran, iran gha ghughẹrre nuẹn iran ghi miẹnkue wẹẹ, ‘Osanobua deba ruẹ rẹn ọkpa kẹkan ọrọre Osanobua.

Aizaia 49:22

Osanobua ne Udazi tama emwa rẹn wẹẹ: “I gha gie uhunmwu gie avbe uhunmwu ẹvbo, iran ghi viọ avbe ivbuẹ gha die owa.

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Aizaia 49:25

E Nọyaẹnmwa keghi wanniẹn wẹẹ, “Emwi ne ọ ra sunu zẹẹ ọ re ọnii khin. A gha viọ avbe oleghan avbe ivbiyokuo kpao a gha vbe gbe ọmwa ọkhọ miẹn ẹre emwi ne ọ fu viọ I gha gu ọmwa ne ọ a rhirhi guẹ gbinna gbinna, I gha miẹn avbe ivbuẹ fan.

Aizaia 54:3

U gha vbẹẹ ehe ne otọe ruẹ lae vbe igienenẹ. Otọe nii gha dọlegbe sẹ emwa ruẹn obọ ighẹ ehe ne avbe emwa ọvbehe yinrin na. Avbe ore ẹvbo ne emwa na lẹkua nian gha khian ne emwa vuọn rẹn.

Aizaia 60:14

Ivbi avbe emwa ni te gha wọ ruẹ uhunmwu gha rre. Iran ghi ya uhunmwu rhanmwẹ otọ ya ọghọ nuẹn. Avbe iran ni te ka gha giọ yi. Gha do ga vbe akharha ruẹ. Iran gha tie ruẹ ‘Ore nọkhua ọghe Nọyaẹnmwa,’ ‘E Zaiọn ne Ore Nọkhua ọghe Osanobua Nọhuanrẹn Izrẹl.’

Aizaia 60:4

Tọn aro mu ne u ghe emwi ne ọ sunu. Emwa ruẹn gha si egbe koko ne iran gha die owa. Avbe ivbuẹ nikpia gha ke otọe urria rre, a gha mu avbe ivbuẹ nikhuo zẹ vbe emọ obọ.

Aizaia 61:5

Wa ne emwa mwẹ, avbe ọrriọvbe gha ga uwa, iran gha gbearoghe avbe ohuan uwa. Iran gha gbe ugbo rua, iran ghi gha gbe iku ye ugbo azara rua.

Aizaia 66:12

E Nọyaẹnmwa khare wẹẹ, “I gha gie uwa etẹbitẹ sẹ uwa obọ. Emwi umamwẹ agbọn ọghe avbe uhunmwu ẹvbo, gha lẹ bu ruẹ rre zẹ vbe ẹzẹ ne ẹ i ka. Wa gha yevbe ọmọ ne iyẹe koko, ne ọ mu mwẹ obọ, ne ọ na vbe ya obọ ahoẹmwọmwa mu ẹẹn.

Jerimaia 30:16

Sokpan, ebannian, a gha gbele iran re ighẹ, iran ni te gbe uwa re, a gha vbe munọ avbe eghian uwa gha rrie zẹ vbe oghunmwu. A gha wọ iran uhunmwu ighe iran ni wọọ uwa uhunmwu, iran ni fu uwa emwi viọ, a gha fu iran emwi viọ.

Jerimaia 49:2

“Sokpan, ẹghẹ dee ne I gha na gie iran ni rre Raba ne igiogbẹ họn ẹmwẹ okuo, a ghi ya ehia khian itowa, a ghi vbe giẹn avbe igue ẹre hia sotọ. Izrẹl ghi mu otọ ẹre werriegbe vbe obọ iran ni te miẹn ẹre re.

Ezikiẹl 39:10

Iran i ghi la oha ya gha ho erhan, ra ne iran ya gha tọnnọ erhan gbotọ vbe ẹgbo rhunmwuda iran gha miẹn emwi igbinna ne a lẹ hẹkua ya gha koko erhẹn. Iran gha hẹrhu iran, iran ghi fu iran emwi viọ ighe avbe emwa ni ka hẹ rhu iran vbe fu iran emwi viọ.” E Nọyaẹnmwa ne Udazi tae nẹ.

Daniẹl 7:18

Emwa Osanobua ne ọ Sẹehia gha mwẹ ẹtin ọba iran ghi vbe dae yi ẹdẹdẹmwẹdẹ.”

Joẹl 3:8

I gha ru ẹe ne a vbe khiẹnnẹ ivbi uwa nikpia kevbe ne ikhuo gha rrie Juda. A gha khiẹnnẹ iran ne ivbi e Sabe, ne ẹvbo ne ọ rrei ẹsẹse. Mẹ ne Nọyaẹnmwa ta ẹe nẹ.

Levitikọs 25:44

A deghẹ wa gualọ ọviẹn, wa sẹtin ya dẹlẹ vbe ẹvbo nii lẹga uwa.

Obedaia 1:17

“Sokpan, eso gha lẹ fe vbe Oke Zaiọn ọ ghi gha re ehe nọhuanrẹn. Ivbi uniẹn e Jekọb gha dọlegbe yan otọe ne ọ re ọghe obọ iran.

Zẹkaraia 2:13

Wa gbẹdọ, wa ne emwa hian fẹẹrẹ, vbe ehe ne Nọyaẹnmwa ye, rhunmwuda, rẹn ke ehe nọhuanrẹn ne irẹn dia dee.

Zẹkaraia 2:9

“E Nọyaẹnmwa tobọ ẹre gha gu uwa gbinna, avbe emwa ni te ka gha re eguọmwadia uwa yi gha fu uwa emwi viọ.” Ọna ghẹ ghi sunu nẹ, emwa hia gha rẹn wẹ e Nọyaẹnmwa ọ re ọ gie mwẹ.

Iyẹn ne ọ Maan Ọghe Luk 12:45

Sokpan a deghẹ ọguọmwadia nii ghi kha wẹẹ, ‘Te arowa mwẹ ghi kpẹe,’ ọ na suẹn gha gbele eguọmwadia nekpa, ke ikpia kevbe ikhuo, ọ na gha re, ọ na gha da, a da gbe egbe.

Ebe ne Pọl gbẹẹn gie emwa Rom 15:27

Iran ọre ọ tobọ iran kha ighẹ iran ra ruẹe, sokpan ne a ta ẹmwata, te ọ bi ye iran egbe ne iran ye avbe ivbiogue nii obọ. Rhunmwuda avbe Ju ghae afiangbe ọghe orhiọn iran sẹ iran ne ẹ i re Ju obọ. Rhunmwuda ọnii, te ọ vbe kei ne iran ne ẹ i re Ju vbe ya emwi afiangbe ne ọ re ọghe egbe ne iran mwẹ, ga avbe Ju.

II Kọrinti 10:5

Ma guọghọ ẹe sẹ otọ ighẹ emwi idobo ọghe uhiomwẹ ne emwa mu ye odẹ irẹnmwi Osanobua, ma munọ iro ekhọe hia oghunmwu, a na ye iran uhunmwu rhanmwẹ otọ ne Kristi.

Galatia 5:13

Zẹ vbe ọghe uwa, etẹn mwẹ, te a tie uwa la hin uwu ọviẹn rre, sokpan wa ghẹ gie ẹmwẹ egbe mwẹ I gue na, gha re ne uwa gha mu zẹ asa ne emwi ne egbe uwa guẹe, gha na maghan uwa. Sokpan wa gie aho ẹmwẹ ọmwa gha ya uwa ga egbe.

Ẹfisọs 4:8

Zẹ vbene ebe khare, “Ẹghẹ ne ọ na hin ukhunmwu gha rrie ehe ne ọ yo sẹẹ, ọ keghi viọ oghunmwu ni bun ba egbe gha khian, ọ na ya emwi ru emwa ẹse.”

Arhie Maan 3:9

U ghi danmwehọ. U ma miẹn avbe otu nii, ni re ọghe Setan, avbe ọhọn ohoghe ni, ni tie egbe iran e Ju vberriọ iran i re ọre, I gha ru ẹe ne iran bu ruẹ gha dee ne iran do mu ẹko rhu otọ, ne iran vbe ya uhunmwu rhanmwẹ otọ nuẹn. Iran hia gha rẹn ighe I ho ẹmwẹ ruẹn.