Aizaia 14:18 - Edo Bible (E Baibol Ẹdo) Version 1996

¹⁸ avbe ọba agbọn hia lovbiẹ ye uwu idin iran ne mose mose,

Aizaia 14:18 ပူးပေါင်းရင်းမြစ်များ

II Ọba 9:35

Sokpan, emwa ni ya re ẹre ma ghi miẹn vbo gberra ugboloko uhunmwu ẹnrẹn, ugboloko obọ ẹre kevbe ugboloko owẹ ọre.

II Krọnikol 24:16

Iran keghi re ẹre ye idin avbe ọba vbe Ẹvbo e Devid ne a ya rhie ma iwinna ne ọ winnaẹn ne ivbi Izrẹl, ne Osanobua kevbe Ọgua Osa.

II Krọnikol 24:25

Obọ keghi daa ẹe ẹsẹse vbe emwi vba re, ugbẹn vbe avbe eghian ghi kpao nẹ, eva vbe uwu avbe ọkaokuo ẹre keghi khuan khẹ ọre, iran na gbẹe rua ye ukpo ne ọ lovbiẹ yi, ne iran ya rria ikhi ye ovbi e Jehoiada ne ohẹn, ne ọ gbe ua. Iran keghi re ẹre ye ore Ẹvbo e Devid sokpan, ẹ i re ye idin avbe ọba.

Job 3:14

I ghẹ ghi gha vbiẹ zẹ vbe avbe ọba kevbe irriegie, ni dọlọ ẹguae ẹghẹ nẹdẹ bọ,

Job 30:23

I rẹnrẹn ighẹ uwu ọ re u rhie mwẹ rrie na, ẹmwẹ agbọn ne a mwamwa khẹ emwa hia.

Asan-Ibo 12:5

Ohan ehe ni yo hia ghi gha mu ẹẹn, owẹ ne a ya khian ghi do zẹ ẹbe nuẹn. Eto ruẹ ghi do khian nọfua. Vbe u ghi te do zẹ owẹ, ọ ghi ba kua, iro hia ghi wii. Ehe ikẹtin okiekie mwa ọ re ima ghi rrie na, akhiẹ ghi do gha rre idunmwu nii.

Asan-Ibo 6:3

Ọmwa sẹtin biẹlẹ emọ iyisẹn, ọ ghi vbe tọ ẹsẹse, sokpan, vbene ọ khọnrẹn ne ọ tọ sẹhẹ, a dẹghe ọyẹnmwẹ ma sẹ ọe vbene ọ te khẹ kẹe, a dẹghe a ma vbe re ẹre ẹse, ẹmwẹ ne I miẹn ta ye evba ọrọre wẹ, ọmọ ne okpa ma gbe ifuẹn na ọ re ọ wa maa sẹẹ.

Aizaia 14:17

Ọmwa nii ne ọ guọghọ avbe okpẹvbo ua ọ re ọ na khin ra, ọ na ya otọe agbọn khian otọe ne ọ gbe ẹvbi. Ọmwa nii ne ẹ i fannọ oleghan rẹn kua ra ne ọ gie iran gha rrie owa ọ re ọna khin ra?’

Aizaia 14:19

sokpan wẹ i mwẹ idin, a mu ikun ruẹn fi fua ne ọ kẹkẹ ua. A silo ikun avbe ivbiyokuo ne a gbele vbe okuo rhu uẹ ginna otọ, a fi ẹe lele iran ku uwu uvun okuta, a na ya owẹ mamaẹn ginna otọ.

Aizaia 22:16

“Demwi ne u tie egbe ruẹ re yi? De asẹ ne u mwẹ yi ne u ya fian idin ne egbe uẹ vbe ọkpẹn oke okuta?