Aizaia 14:17 - Edo Bible (E Baibol Ẹdo) Version 1996

¹⁷ Ọmwa nii ne ọ guọghọ avbe okpẹvbo ua ọ re ọ na khin ra, ọ na ya otọe agbọn khian otọe ne ọ gbe ẹvbi. Ọmwa nii ne ẹ i fannọ oleghan rẹn kua ra ne ọ gie iran gha rrie owa ọ re ọna khin ra?’

Aizaia 14:17 ပူးပေါင်းရင်းမြစ်များ

Aizaia 14:16

“Avbe iran ni wulo nẹ ghi yan unuan tanro ye uẹ egbe, iran ghi kha wẹẹ, ‘Ọmwa nii ne ọ mu agbọn rueghe ọ re ọna khin ra, ne ọ na ru ẹe ne avbe otọe arriọba gha guọ gbẹghẹgbẹghẹ?

Aizaia 14:18

avbe ọba agbọn hia lovbiẹ ye uwu idin iran ne mose mose,

Aizaia 45:13

Mẹ ọ re ọ tobọmwẹ kpikpi e Sairọs ne ọ ru emwi ne ọ ru vbene I mwamwaẹn, ne ọ dọlọ emwi hia yi, I gha dia odẹ ne ọ ra la hia, ọ gha dọlọ Jerusalẹm ne okpẹvbo mwẹ bọ ọ ghi fannọ emwa mwẹ ne a viọ ẹre oghunmwu kua. Ọmwa ne ọ vbu ẹe ya winna iwinna na i rrọ, ra ne ọ rhie igho odieke ne ẹẹn. E Nọyaẹnmwa ne Oghodua guan nẹ.”

Aizaia 58:6

“Egbe aguẹ ne imẹ ho ọ re ọna khin; wa viọ eghan ne a ya wọ emwa uhunmwu, kevbe urọnghọn aita ẹmwata kua, ne uwa gie iran ne a wọ ẹre uhunmwu gha rrie kẹkan.

Aizaia 64:10

Te ẹvbo ruẹ nihuanrẹn hia ghi yevbe ato oha, itowa ne emwa lẹẹ kpao sẹrae, ọ re Jerusalẹm ghi khin,

Jerimaia 50:33

E Nọyaẹnmwa ne Oghodua khare wẹẹ, “A wọ ivbi Izrẹl kevbe Juda uhunmwu. Iran ni munọ iran oghunmwu gha baba iran, iran i ra gie iran kpao gha rrie.

Ezikiẹl 32:23

Idin iran, ehe ne ọ ghi dinmwi sẹẹ vbe ẹvbo emwa ni wulo nẹ ọ re ọ ye. Okuo ọ re avbe ivbiyokuo ẹre hia na dele, idin iran keghi yọyọ lẹga ọghọe. Vberriọ, vbe ẹghẹ ọkpa vbe ẹghẹ ne ọ gberra, iran na ọ re ọ gha runran emwa ni rre agbọn.

Ezikiẹl 6:14

Vbe ẹmwata, I gha nien obọ mwẹ ladian, I ghi dunmwu ẹvbo iran an, I gha ya ẹe khian otọe ne ọ gbe ẹvbi ke ato ne ọ rre odẹ ekẹn kpao, ya sẹ ore Ribla vbe odẹ okuọ vbene I i ra na vbe sẹ okpa rae vbe uwu ẹvbo hia ne ivbi Izrẹl ghi ye nẹ. Ẹghẹ nii, emwa hia gha rẹn ighe mẹ ọrọre Nọyaẹnmwa.”

Joẹl 2:3

Iran rri irunmwu uan zẹ vbe erhẹn, Vbe odaro iran, ugbo yevbe Ogba Idẹni sokpan, iran gha la ẹe gberra nẹ, ọ ghi yevbe ato ne emwi rhọkpa i ye. Emwiọkpa ne ọ lẹ iran fe i rrọọ.

Habakọk 1:7

Iran si ohan kevbe orrirri khian rhunmwuda itengbemu iran, emwi ne ọ khọn iran ọ re iran ru.