Aizaia 14:16 - Edo Bible (E Baibol Ẹdo) Version 1996

¹⁶ “Avbe iran ni wulo nẹ ghi yan unuan tanro ye uẹ egbe, iran ghi kha wẹẹ, ‘Ọmwa nii ne ọ mu agbọn rueghe ọ re ọna khin ra, ne ọ na ru ẹe ne avbe otọe arriọba gha guọ gbẹghẹgbẹghẹ?

Aizaia 14:16 ပူးပေါင်းရင်းမြစ်များ

Psalm 52:7

“Wa ghe ẹre ighẹ okpia ne ọ ma lẹ gbinna Osanobua, sokpan ọ keghi mu ẹtin yan ẹfe ẹre nibun. Ọ na wẹ uyinmwẹ dan rẹn ra ya gbe ẹkun sẹ otọ.”

Psalm 64:9

Ohan gha mu iran hia iran ghi gha mu iwinna Osanobua roro iran ghi vbe gha na iyẹn emwi ne ọ ru.

Aizaia 14:15

Sokpan ne ọ gha na te gha yerriọ, a sii ọ fi ehe ne ọ dinmwi sẹẹ vbe ẹvbo ne iran ni wulo nẹ ye vbe ototọ.

Aizaia 14:17

Ọmwa nii ne ọ guọghọ avbe okpẹvbo ua ọ re ọ na khin ra, ọ na ya otọe agbọn khian otọe ne ọ gbe ẹvbi. Ọmwa nii ne ẹ i fannọ oleghan rẹn kua ra ne ọ gie iran gha rrie owa ọ re ọna khin ra?’

Jerimaia 50:23

“E Babilọn ye umọmọ dunmwu agbọn na hia ukhiọnmwẹ ukhiọnmwẹ. Banbanna nian, nene umọmọ zanzan an, emwi ne ọ rruan ẹvbo nii, wa yan uhunmwu ẹvbo hia unu an.

Ezikiẹl 32:23

Idin iran, ehe ne ọ ghi dinmwi sẹẹ vbe ẹvbo emwa ni wulo nẹ ọ re ọ ye. Okuo ọ re avbe ivbiyokuo ẹre hia na dele, idin iran keghi yọyọ lẹga ọghọe. Vberriọ, vbe ẹghẹ ọkpa vbe ẹghẹ ne ọ gberra, iran na ọ re ọ gha runran emwa ni rre agbọn.

Ezikiẹl 32:27

A ma re iran uremwẹ ovbiọmọ zẹ vbe avbe ọkhae ni dele vbe ẹkpo nẹdẹ, ni vbe gbalọ egbe okuo gha rrie ẹvbo emwa ni wulo nẹ, a mu umozo iran ye ototọ uhunmwu iran, a na vbe mu asa iran yan iran. Vbe ẹghẹ ọkpa avbe ọkhae na te wegbe sẹrriọ wẹ te iran gha runran emwa nagbọn.

Nahum 3:6

I gha ru uẹ vbe emwi osọnnọ I ghi ya iku gue ruẹ mu otọ emwa gha yan unu an gha ghe ruẹ vbe ohan nọkhua.

Habakọk 1:10

Iran i ghe avbe ọba sẹ ọmwa, te iran wa ye avbe ekhaẹmwẹ gbe ogiẹ. Ogba ne a gba ye odẹ ne ọ gha sẹtin da iran yi i rrọọ. Iran gha mama ekẹn ye evba nẹ, iran ghi khọn mu ẹẹn.

Habakọk 1:17

Te iran ra wa gha fi umozo iran rhinrin ẹdẹ ra, ne iran vbe dunmwu agbọn ẹvbo rua vbe ne a i na mwẹ itohan?