Aizaia 14:13 - Edo Bible (E Baibol Ẹdo) Version 1996

¹³ Te u te wa tae wẹ u ra hin gha rrie ẹrinmwi, ne u ya mu ẹkete ruẹ ye odukhunmwu avbe orhọnmwẹ ne ọ yo sẹẹ. U te gha ro wẹ te u ra tota yan uhunmwu oke zẹ vbe ọba, oke ne ọ rre odẹ okuọ nii, ehe ne avbe ẹbọ na do sikoko.

Aizaia 14:13 ပူးပေါင်းရင်းမြစ်များ

Job 20:6

Ọ sẹtin wan gbighidi, ọ ghi ya tan sẹ iso, ọ ghi kpọlọ sẹrriọ wẹ uhunmwu ẹnrẹn ghi gha dekan ikpakpa iso,

Psalm 48:2

E Zaiọn ne oke Osanobua oke ne ọ yo kevbe ne ọ mose nọ ẹvbo ọba nọkhua, ne ọ sẹ otọ agbọn hia ọyẹnmwẹ.

Aizaia 2:2

Vbe ẹdẹ ne ọ dee, uhunmwu oke ne a gha bọ Ọgua Osa yi, ghi gha re uhunmwu oke ne ọ yo sẹẹ ehia ọ ghi gha ghe avbe oke hia uhunmwu. Agbọn ẹvbo nibun gha rre, iran ghi gha bi la rọ.

Jerimaia 49:16

Itengbemu ruẹ hiẹ ruẹ nẹ. Ai ghi miẹn ọmwa ne ọ muohan ruẹn zẹ vbene a te ka mu ohan ruẹn yi. Odukhunmwu okuta nekhua ni yo sẹẹ ọ re u diaa, odukhunmwu gban an ọghe avbe oke nekhua, ọ gha khọn ruẹn ne u ya gha rre uwu iso zẹ vbe oghohọn, te Nọyaẹnmwa ra siọ fi otọ. E Nọyaẹnmwa taa ẹe nẹ.

Ezikiẹl 27:3

ẹvbo nii ne ọ yin ọkpẹn okun, ne ọ vbe re ne irẹn vbe emwa ni yin eghute hia gba do ẹki miẹn egbe. Tama rẹn vbene e Nọyaẹnmwa ne Udazi khare na: “E Taia, te u gha ya ose ruẹ ne ọ nọnọ ghagha.

Ezikiẹl 28:2

“Ovbi ọmwa, tama ọba e Taia ẹmwẹ ne imẹ ne Nọyaẹnmwa ne Udazi tama rẹn wẹ; u gha ye uhiomwẹ tọn ifuẹn mu, u na gha kha wẹ ẹbọ ọ re uwẹ tobọ ruẹ khin. U khare wẹ te uwẹ tota ye ẹkete zẹ vbe ẹbọ vbene avbe okun na lẹga ruẹ. U sẹtin gha ye egbe ta avbe ẹbọ, sokpan ọmwa ne ọ sẹtin wu kẹkan ọ re u khin, u i vbe mwẹ akpa ẹbọ rhọkpa.

Ezikiẹl 28:9

U gha ghi mudia ye odaro avbe iran ni ra gbe uẹ ua nẹ, u ghi do gha re ọmwa ne ọ sẹtin wu, u i ghi re ẹbọ hiehiere.

Ezikiẹl 29:3

Tama rẹn wẹ ẹmwẹ ne Nọyaẹnmwa ne Udazi tama ọba Igipt ọ re ọna khin wẹẹ: Oghian rẹn ọ re I khin, wẹ ne Ugbogiorinmwi agbaka ne ọ rre uwu ẹzẹ. U khare wẹ ọwuẹ ọ re Naẹl khin ighe wẹ ọ re ọ yii ẹe.

Ezikiẹl 31:10

“Rhunmwuda ọnii nian, Mẹ ne Nọyaẹnmwa ne Udazi gha tama uwa emwi ne ọ ra rruan erhan nii ne ọ gha tan khian ọ te ya sẹ ikpakpa iso. Vbene ọ ya tan khian nii, ọ re ọ vbe ya gha hio.

Ezikiẹl 40:2

Vbe uwu umian, Osanobua, keghi mu mwẹ gha rrie otọ Izrẹl, ọ keghi mu mwẹ yan oke ne ọ yo, I keghi ya bẹghe vbe odaro mwẹ avbe owa ne a bọlọe eso, ọ keghi yevbe ẹvbo ne ọ kpolo.

Daniẹl 11:36

Ọba e Siria ghi gha da gbe da mu, ọ ghi gha rhuọ we rẹn kpọlọ sẹẹ avbe ẹbọ, kevbe wẹ rẹn sẹ Osanobua ne ọ kpọlọ Sẹehia. Ọ gha sẹtin gha ru avbe emwi na ọ te do sẹ ẹghẹ ne Osanobua gha ya rria ẹre ikhi. Osanobua gha ru zẹ vbene ọ mwamwaẹn zẹẹ.

Daniẹl 5:20

Sokpan, ugbẹn vbe ọ ghi do ze vbudu, ọ na gha hioo, ọ na do gha ru emwi dan, a keghi sii ẹe hin ẹkete ẹre rre, uyi ne ọ rre ọre egbe keghi wii.

Obedaia 1:3

Uhiomwẹ ruẹn ọ re ọ rẹrẹ ọ. Igiogbẹ ẹvbo ruẹ, ẹvbo ne a ya okuta ne ọ wegbe gbe odin ga nọ; owa ruẹ yo vbe uhunmwu oke nọkhua wẹ keghi rhunmwuda ọnii tama egbe ruẹ wẹẹ, ‘De ọmwa ne ọ gha sẹtin si mwẹ gbotọ?’

Zẹfanaia 2:15

Emwi ne ọ ra rruan rẹn ọre ọnii khin ighe ẹvbo ni ne ọ ya ẹtin ẹnrẹn rhuọ vberriọ ne ọ na vbe ro wẹ ẹbe fo. Emwa rẹn ro wẹ ẹvbo iran ọ re ọ ghi kpọlọ sẹẹ vbe agbọn na hia. U miẹn egbe ehe ne ọ dihoi rua ne ọ ra khian, ehe ne avbe aranmwẹ oha gha na gha kẹtin. Ọmwa ne ọ rhirhi a la evba gberra gha ya iyeke werriegbe rhunmwuda vbene ọ ya mu ọmwa ohan.

Matiu 11:23

Kevbe uwẹ Kapaniọn! Ẹ i re te u tera tọn egbe ruẹ mu ya sẹ ẹrinmwi? A gha sua ruẹ fi ẹrinmwi nehianmwivin! Rhunmwuda, akpawẹ te a winna iwinna ọyunnuan ne a winnaẹn vbe uwu uwẹ vbe Saidọn, ọ gha ye gha rrọọ do sẹ ẹdẹnẹrẹ na.

Iyẹn ne ọ Maan Ọghe Luk 10:15

Wẹ ne Kapaniọn. U wẹ u ra mu egbe uẹ hin odukhunmwu gha rrie ẹrinmwi? A gha fi uẹ fi ẹrinmwi erhẹn.”

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!