Aizaia 14:11 - Edo Bible (E Baibol Ẹdo) Version 1996

¹¹ Akpata ne a kpee ọ re a te ya mu ọghọ ye uwẹ egbe, sokpan, banbanna nian, ghe ruẹ vbe ẹvbo iran ni wulo nẹ. Ukpo ne a vbiẹ ọghe ọkhọe ọ re u lovbiẹ yi na, a keghi vbe ya igbu ukpọn ọghe ọkhọe hiin ruẹn egbe.’

Aizaia 14:11 ပူးပေါင်းရင်းမြစ်များ

Job 21:26

Sokpan obọkpa nọ, te ehia wulo, a ghi tọnnọ iran ye otọ, ọkhọe ghi ma rhu iran.

Aizaia 22:2

Ore ẹvbo hia wa hu yo hu rre, ọ vuọn ne owogho kevbe igiangian. Emwa uwa ni wulo vbe okuo na, ẹ i re aro igbinna iran wulo yi.

Aizaia 5:14

Ohanmwẹ iran wa gbe ẹvbo avbe iran ne orinmwi, ọ vbe rhan unu yotọ khẹ iran gbodoo. Ọ minọ emwa nekhua ni rre Jerusalẹm re deba avbe emwa kẹkan ni gbe izabọbọ bi lele iran khian.

Aizaia 51:8

a gha ho iran bẹkun vbe ukpọn ne errarra re sokpan imiẹnfan ne I rhie dee, etẹbitẹ nọ akhọnmiotọ mwẹ gha rrọọ rhinrin ẹdẹ.”

Aizaia 66:24

“Iran gha wa kpao nii, iran gha miẹn ikun avbe iran hia ni sọtẹ mwẹ, ọkhọe ne ọ rri iran i wu ẹdẹ, erhẹn ne ọ giẹn iran i vbe dọyọ ẹdẹ. Emwi ne ọ mianmwẹ ughe ọ re iran ra gha khin ne emwa nagbọn.”

Ezikiẹl 26:13

I gha dobọ ihuan ne uwa so yi, I gha gue emwi ne akpata ruẹ kpe unu.