Aizaia 14:1 - Edo Bible (E Baibol Ẹdo) Version 1996

¹ E Nọyaẹnmwa gha dọlegbe tohan Izrẹl ne emwa rẹn, ọ ghi hannọ iran zẹ ya ru ọghọe. Ọ gha gie iran dọlegbe gha rre otọ ẹvbo iran, avbe orhunmwuyẹn ghi deba iran gha rre evba.

Aizaia 14:1 ပူးပေါင်းရင်းမြစ်များ

Ẹsta 8:17

Ehe ne a rhirhi na tie ẹmwẹ ne ọba tae na, vbe avbe ore nekhua kevbe iyaẹvbo, avbe Ju ghi zobọ vbe iwinna, iran ghi ya oghọghọ titi ẹe deba ọyẹnmwẹ. Vbe ẹmwata, emwa ni bun ọvbehe keghi degbe la e Ju rhunmwuda te ohan iran ghi mu iran.

Psalm 102:13

Wẹ gha kpaegbe, u ghi tohan Zaiọn, ẹghẹ sẹ nẹ ne a gha na tohan rẹn; ẹghẹ ne ọ ke yi ọre ọna khin.

Psalm 102:14

Avbe eguọmwadia ruẹ ho ẹmwẹ ọnrẹn, egbe ne a rhe ya fuẹn ọnrẹn uan, iran ye tohan rẹn, a gha rhe miẹn wẹ itowa ore ghi nọ.

Psalm 143:12

Rhunmwuda ne u na ho ẹmwẹ mwẹ, gbele avbe eghian mwẹ hia a, vbe fuẹn iran ni zẹmwẹ kpokpo ua, rhunmwuda, ọguọmwadia ruẹ mẹ khin.

Psalm 98:3

Ọ ru zẹ vbene ọ ve ivbi Izrẹl re, vbe amuẹtinyan kevbe aho ne ẹ i beghe ne iran emwa hia ni rre ehe hia, miẹn akhọnmiotọ Osanobua mwa nẹ.

Aizaia 19:18

Ọ gha sẹ ẹghẹ ne a kha na, a gha zẹ ẹvbo ivbi e Hibru vbe okpẹvbo Igipt isẹn. Emwa ni rre evba nii ghi gha ya eni e Nọyaẹnmwa ne Oghodua vẹn ihẹn. A ghi gha tie okpa vbe uwu avbe okpẹvbo nii, “Ẹvbo Owẹn.”

Aizaia 21:1

Uhunmwu ne ọ gie rre vbekpa e Babilọn ọ re ọna khin. Ọkhọ gha ke ẹvbo ne ọ ye afianma fian ọmwa guọnmwẹ rre, zẹ vbe ẹhoho ẹziza ne ọ la ato gberra.

Aizaia 27:6

Vbe ẹdẹ ne ọ dee, ivbi Izrẹl, iran ne uniẹn Jekọb gha zẹ inian zẹ vbe erhan, iran gha zẹlẹ ebe, iran ghi vbe gbe ighọn. Ọmọ ne iran mọẹn ghi gba agbọn na hia.

Aizaia 41:8

“Sokpan, wẹ, Izrẹl ne ọguọmwadia mwẹ, wa ọrọre emwa ne I hannọ zẹ, ivbi uniẹn Ebraham ne ẹse mwẹ.

Aizaia 41:9

I viọ uwa ke ehe ne agbọn sẹe gha dee I tie uwa ke okhiẹ ọre ne ọ rrei sẹ rre, I keghi tama uwa wẹẹ, ‘Ọguọmwadia mwẹ ọ re uwa khin.’ I ma he uwa, sokpan, te I zẹ uwa.

Aizaia 44:1

E Nọyaẹnmwa khare wẹẹ, “Danmwehọ nian, Izrẹl ne ọguọmwadia mwẹ emwa mwẹ ne I hannọ zẹ ivbi uniẹn Jekọb.

Aizaia 45:14

E Nọyaẹnmwa kha ma Izrẹl wẹẹ, “Ẹfe Igipt kevbe Sudan gha khian ọwuẹ emwa ni taẹn ni rre Siẹba gha khian eviẹn ruẹn; iran gha lele uẹ vbe a ye eghan gbalọ iran, iran gha ghughẹrre nuẹn iran ghi miẹnkue wẹẹ, ‘Osanobua deba ruẹ rẹn ọkpa kẹkan ọrọre Osanobua.

Aizaia 47:1

E Nọyaẹnmwa khare wẹẹ, “E Babilọn, tuorre vbe ẹkete ruẹ ne u do tota ye ebubẹ vbe otọ. Vbe ẹghẹ ọkpa, te u te yevbe ovbialeke, ẹvbo ne a ma khọn miẹn ẹre otọ sokpan, u i ghi re ne vbukhẹ kevbe ne sọguọsọguọ ọvbehe, ọviẹn ọ re u ghi khin na.

Aizaia 49:10

Ohanmwẹ ra ovbamẹ i ra gbe iran ẹdẹ. Ovẹn ra owowo ato i ra kuan iran rhunmwuda, ọmwa ne ọ ho ẹmwẹ iran ọ re ọ viọ iran khian ọ gha viọ iran gha rrie uhunmwu ẹzẹ amẹ.

Aizaia 49:13

Wa so ihuan wa ne ẹrinmwi! Agbọn, wa we uwemwẹ oghọghọ. Wa gie avbe oke nekhua kpeghe urhu ua gha so ihuan! E Nọyaẹnmwa gha fu avbe emwa rẹn ẹko rre ọ gha tohan avbe emwa ne usẹ sẹ.

Aizaia 49:15

Rhunmwuda ọnii, e Nọyaẹnmwa keghi kha wẹẹ, “Okhuo gha sẹtin mianmian ọmọ ne ọ biẹe ra ne ọ ghẹ ho ẹmwẹ ovbi ẹre ne ọ biẹe? Ọ gha khọn rẹn ne okhuo sẹtin mianmian ovbi ẹre mẹ i ra mianmian uwẹ ẹdẹdẹmwẹdẹ.

Aizaia 49:25

E Nọyaẹnmwa keghi wanniẹn wẹẹ, “Emwi ne ọ ra sunu zẹẹ ọ re ọnii khin. A gha viọ avbe oleghan avbe ivbiyokuo kpao a gha vbe gbe ọmwa ọkhọ miẹn ẹre emwi ne ọ fu viọ I gha gu ọmwa ne ọ a rhirhi guẹ gbinna gbinna, I gha miẹn avbe ivbuẹ fan.

Aizaia 49:7

Osanobua nọhuanrẹn kevbe ọmiọnmwafan Izrẹl khama rẹn ighe ọmwa nii ne a kakabọ zan an ne avbe uhunmwu ẹvbo hia khuiwu ẹre, ne ọ vbe re ọguọmwadia iran ni khaemwisẹ wẹẹ, “Avbe ọba gha miẹn vbe a gha fan an yotọ, iran ghi kpa uhe ya yọghọ ne uẹn, avbe ivbi ọba debare gha vbe miẹn ọẹn, iran ghi ghughẹrre ẹsẹse ya yọghọ ne uẹn.” Ọ na gha sunu rhunmwuda, e Nọyaẹnmwa zẹẹ ọguọmwadia ẹre nẹ Osanobua nọhuanrẹn ọghe Izrẹl vbe mu eyan rẹn sẹ.

Aizaia 54:3

U gha vbẹẹ ehe ne otọe ruẹ lae vbe igienenẹ. Otọe nii gha dọlegbe sẹ emwa ruẹn obọ ighẹ ehe ne avbe emwa ọvbehe yinrin na. Avbe ore ẹvbo ne emwa na lẹkua nian gha khian ne emwa vuọn rẹn.

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Aizaia 56:3

Ọ ma kei ne orhunmwuyẹn ne ọ deba emwa e Nọyaẹnmwa kha wẹẹ, “E Nọyaẹnmwa i ra gunmwẹ yaba emwa rẹn gha ga.” Ọmwa ne a ware, ọ ma kei ne ọ gha ro wẹ rhunmwuda ighẹ rẹn i sẹtin biẹ, rẹn i sẹtin gha re ọkpa vbe uwu emwa e Nọyaẹnmwa.

Aizaia 60:10

E Nọyaẹnmwa tama Jerusalẹm wẹẹ, “Avbe orhunmwuyẹn ọ re ọ ra gbe ekẹn ruẹn. Avbe ọba iran ghi gha gaa ohu ọ re ọ mu mwẹ ne I na rri uwa oya sokpan banbanna nian, I gha rhie aro ne ọ maa ọghomwẹ kevbe itohan mwẹ ma uwa.

Aizaia 60:14

Ivbi avbe emwa ni te gha wọ ruẹ uhunmwu gha rre. Iran ghi ya uhunmwu rhanmwẹ otọ ya ọghọ nuẹn. Avbe iran ni te ka gha giọ yi. Gha do ga vbe akharha ruẹ. Iran gha tie ruẹ ‘Ore nọkhua ọghe Nọyaẹnmwa,’ ‘E Zaiọn ne Ore Nọkhua ọghe Osanobua Nọhuanrẹn Izrẹl.’

Aizaia 66:20

Iran gha viọ avbe ivbi ẹvbo uwa ke avbe uhunmwu ẹvbo na hia werriegbe rre zẹ vbe emwi ne a ya ha oko gunmwẹ. Iran gha viọ iran gha die oke mwẹ nọhuanrẹn vbe Jerusalẹm, iran gha ya ẹsin viọ iran gha dee kevbe ekẹtẹkẹtẹ kevbe e kamẹl deba ikẹkẹ okuo kevbe okotọ, vbene ivbi Izrẹl ya avbe ọkpan ne ẹ i mwẹ awua viọ ọka do ya gha muohan vbe Ọgua Osa.

Jerimaia 16:15

Sokpan iran ghi ya eni mwẹ gha vẹn ihẹn, zẹvbe Osanobua ne ọ rrọọ ne ọ viọ ivbi Izrẹl ke otọe okuo rre, kevbe avbe ẹvbo ọvbehe, vbe ehe ne I zagha iran kui. I gha viọ iran werriegbe gha die ẹvbo iran, gha die otọe nii ne I mu ne avbe erha iran odede. Mẹ ne Nọyaẹnmwa ọ re ọ taa ẹe.

Jerimaia 29:14

Ẹn, erriọ I tae wẹ wa gha gualọ mwẹ miẹn. Mẹ ghi viọ uwa ya ye ihe vbe otọe uwa. I gha si uwa koko ke dọmwadẹ ẹvbo, kevbe dọmwadẹ ehe ne I zagha uwa gha rrie, I ghi viọ uwa gha die otọe nii ne I ke viọ uwa kpao gha rrie iwe. Mẹ ne Nọyaẹnmwa tae nẹ.’

Jerimaia 30:8

E Nọyaẹnmwa ne Oghodua khare wẹẹ, “Ọ gha sẹ ẹdẹ ne ẹdẹrriọ. I gha bun urọnghọn ne ọ rre iran urhu, I ghi vbe rhan iran ọgiọrọ hẹ kua. Iran i khian ghi vbe gha re eviẹn avbe erhunmwuyẹn ọvbehe.

Jerimaia 31:4

I gha ye dọlegbe mu uwa agbọn mudia uhukpa, wa gha ye viọ emwi iku uwa uhukpa, wa ghi vbe gha ku vbe oghọghọ.

Jerimaia 50:33

E Nọyaẹnmwa ne Oghodua khare wẹẹ, “A wọ ivbi Izrẹl kevbe Juda uhunmwu. Iran ni munọ iran oghunmwu gha baba iran, iran i ra gie iran kpao gha rrie.

Jerimaia 51:51

Wa khare wẹ, a fa ima an nẹ, a keghi gie ekhue mu mwa, egbe wa wọọ mwa yotọ rhunmwuda, avbe orhunmwuyẹn mu nọ avbe ehe nọhuanrẹn vbe Ọgua Osa ya khian ọghe iran.

Ezikiẹl 16:60

Sokpan, mẹ gha da ile ne I gu uẹ ta ẹghẹ ne u na ye kherhe yi. I ghi vbe do gu uẹ ta ile ne ọ gha rrọ rhinrin ẹdẹdẹmwẹdẹ.

Ezikiẹl 47:22

te ọ khian gha re emwiobọ uwa ẹdẹdẹmwẹdẹ. Avbe erriọvbe ni rre ẹkpo uwa, ni vbe biẹlẹ nẹ vbe ẹvbo uwa, wa ghi vbe ghae sẹ iran obọ vbe otọ nii vbe uwa a gha ẹre. Obọ ne a ya mu ivbi eseserese vbe Izrẹl ọ re a vbe ya gha mu iran. Te iran gha vbe gu ẹwae Izrẹl zẹ vbe uta ne a ya gha otọe nii.

Zẹkaraia 1:17

Odibosa nii keghi vbe tama mwẹ wẹ ne I ya ta ẹe ladian ma emwa wẹẹ, “E Nọyaẹnmwa ne Oghodua khare wẹ agbọn gha ma emwa vbe avbe ẹvbo irẹn nekhua hia, kevbe wẹ rẹn gha dọlegbe ye gha dee do yi e Jerusalẹm obọ, ne ọ vbe ya ẹvbo nii khian ọghe obọ irẹn.”

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Iyẹn ne ọ Maan Ọghe Luk 1:54

Ọ mu eyan ne ọ yan ma avbe erhamwa odede sẹ. Ọ rre do ye Izrẹl ne eguọmwadia ẹre obọ.

Iyẹn ne ọ Maan Ọghe Luk 2:32

Uwanmwẹ ne ọ gha ma avbe ni ma yayi odẹ ruẹ, ne ọ gha vbe rhie uyi ne avbe Izrẹl emwa ruẹn.”