Aizaia 13:21 - Edo Bible (E Baibol Ẹdo) Version 1996

²¹ Ọ gha khian ehe ne avbe aranmwẹ oha dia, ke ne avbe esughusughu bọlọ oko yi. Avbe ugomugo gha rre evba, avbe ẹwe oha ghi gha khọn yo khọn re vbe itowa ni rrọọ.

Aizaia 13:21 ပူးပေါင်းရင်းမြစ်များ

Aizaia 14:23

I gha ya e Babilọn khian otọe ne ọ gbe ẹvbi, avbe esughusughu ọ re ọ ghi gha rre evba. I gha ya owẹ ne ọ gha, kpolo emwi hia gha rrie, kpolo e Babilọn, Mẹ ne Nọyaẹnmwa ne Udazi ọ re ọ tae.”

Aizaia 23:13

(Ivbi e Babilọn ọ re ọ gie avbe aranmwẹ akọn rẹnkhẹn e Taia rua ighe ẹ i re ivbi Asiria. Ivbi e Babilọn ọ re ọ bọlọ owa ọkhẹ ya ghae ga e Taia, iran keghi guọghọ emwi ne a ya gba ogba lẹga ẹre sotọ, iran na ya ẹvbo nii khian itowa iran ke sẹ ọe rae.)

Aizaia 25:2

U ya avbe okpẹvbo khian itowa nẹ u keghi rẹnkhẹn ogba ikhẹgbe iran hia. Avbe ẹguae ne avbe eghian mwa bọlọe, khian ne a i ghi dọlegbe miẹn ọvbehe.

Aizaia 32:14

Te a ra lẹ hin uwu avbe ẹguae rre, avbe igiogbẹ hia gha khian ne emwa na lẹkua fẹẹrẹ. Avbe owa kevbe avbe owa ọkhẹ ne a bọlọe ne a na khẹ iran, gha khian itowa ẹdẹdẹmwẹdẹ. Avbe ede ọ re ọ ghi gha gbe ọgọlọbọ vbọ, avbe ohuan ghi ya gha rria vbe evba.

Jerimaia 50:39

Rhunmwuda ọnii, e Babilọn gha khian ne avbe esu, avbe orhiọn dan kevbe avbe ahianmwẹ ni ma huan ghi ru ọbafi ẹre khian. Emwa i ra dọlegbe yin evba nii ọvbehe, yasẹ ẹghẹ ne ọ dee hia fẹẹrẹ.

Maika 1:8

E Maika keghi kha wẹẹ, “Rhunmwuda ọna, I gha khiẹ, I gha viẹ eve orriara. Ne I ya rhie ma vbene I miẹn akhiẹ sẹ hẹ, I gha ya irhunmwuirhun kevbe owẹ kẹkan khian la ẹvbo nii gaa, I gha tu wauwauwau zẹ vbe ekuaghagha, I gha viẹ egbe mwẹ uan zẹ vbe ugomugo.

Zẹfanaia 2:14

Ọ gha do khian ehe ne avbe oghẹn ohuan, oghẹn ẹmila kevbe avbe aranmwẹ ughughan hia gha na gha lovbiẹ. Esughusughu gha di itowa ẹre ya, iran ghi gha tu la avbe ewindo ẹre ladian. Ẹrekhue ghi gha tu vbe onurho. A gha bannọ erhan isida ni rre owa ẹre hin rre.

Arhie Maan 18:2

Ọ keghi ya urhu ne ọ la kha wẹẹ, “Ọ de guọghọ ua nẹ! Babilọn nọkhua de guọghọ ua, a vbe orhiọn dan kevbe orhiọn ni ma huan, ọre ọ ghi lọyan yo lọyan rre vbọ. Ahianmwẹ ni gbiruẹn kevbe ọ ghe izohu hia ọre ọ ghi rre uwu ẹre.