Aizaia 13:20 - Edo Bible (E Baibol Ẹdo) Version 1996

²⁰ Ọmwarhọkpa i ghi ra dọlegbe yin evba ọvbehe. Igabari ne ọ zozo khian i ghi ra dọlegbe bu agọ ye evba, ọsuohuan i ghi viọ ohuan rẹn ya rria vbe evba ọvbehe.

Aizaia 13:20 ပူးပေါင်းရင်းမြစ်များ

II Krọnikol 17:11

Eso vbe uwu ivbi e Filistin keghi viọ esiliva ke emwi ihaoko nibun ọvbehe gie Jehosiafat, ivbi Arab eso ke viọ ohuan iyisẹn ihinrọn yan arriaisẹn hinrọn (7,700) ke ẹwe iyisẹn ihinrọn yan arriaisẹn ihinrọn (7,700) gie ẹe.

Job 3:7

Ya ẹe khian asọn ọ dihoi rua ne ọyẹnmwẹ i ye.

Ihuan Ne Ọ Sọọ Ihuan Hia 1:7

Enida mwẹ, tama mwẹ ehe ne u viọ avbe ohuan ruẹn rrie ya rria? De ehe ne iran ra na lẹ ovẹn ro? Ne I ghẹ ya gha gualọ ọ khian vbe ẹbu ohuan avbe ọsuohuan nekpa.

Aizaia 14:23

I gha ya e Babilọn khian otọe ne ọ gbe ẹvbi, avbe esughusughu ọ re ọ ghi gha rre evba. I gha ya owẹ ne ọ gha, kpolo emwi hia gha rrie, kpolo e Babilọn, Mẹ ne Nọyaẹnmwa ne Udazi ọ re ọ tae.”

Aizaia 21:1

Uhunmwu ne ọ gie rre vbekpa e Babilọn ọ re ọna khin. Ọkhọ gha ke ẹvbo ne ọ ye afianma fian ọmwa guọnmwẹ rre, zẹ vbe ẹhoho ẹziza ne ọ la ato gberra.

Aizaia 25:2

U ya avbe okpẹvbo khian itowa nẹ u keghi rẹnkhẹn ogba ikhẹgbe iran hia. Avbe ẹguae ne avbe eghian mwa bọlọe, khian ne a i ghi dọlegbe miẹn ọvbehe.

Aizaia 34:17

E Nọyaẹnmwa ọ re ọ ra tobọ ẹre gha otọe nii ne iran, ọ ghi mu ọghe edọmwadẹ ọghọe ne ẹẹn. Iran ghi gha rre otọe nii ke orre ya sẹ orre, ọ ghi vbe gha re ọghe iran ẹdẹdẹmwẹdẹ.

Jerimaia 49:33

A gha ye Hazọ khian ato ẹdẹdẹmwẹdẹ, ehe ne a miẹn wẹ avbe ekuaghagha okpa ọ re a miẹn vbọ. Ọmwa rhọkpa i ghi ra dọlegbe yin evba. Mẹ ne Nọyaẹnmwa taa ẹe nẹ.”

Jerimaia 50:13

Rhunmwuda ohu mwẹ, ọmwa ne ọ gha yin e Babilọn i ghi rrọ, te a ra yae khian itowa, emwa ni la evba hia, ọ gha yan iran unu an, orrirri ghi vbe gbe ku iran.

Jerimaia 50:21

E Nọyaẹnmwa khare wẹẹ, “Ya gu emwa ni rre Merateim kevbe Pekọd gbinna, gbele iran an, ne u vbe fuẹn iran an, ru emwi hia ne I tama ruẹn. Mẹ ne Nọyaẹnmwa guaan nẹ.

Jerimaia 50:3

Uhunmwu ẹvbo okpa ke odẹ okuọ dee do dekun e Babilọn, te ọ ra ya ẹe khian ato. Te emwa nagbọn kevbe aranmwẹ oha! Ra lẹ kua vbọ, a i vbe miẹn emwa ne ọ gha di evba ya.”

Jerimaia 50:39

Rhunmwuda ọnii, e Babilọn gha khian ne avbe esu, avbe orhiọn dan kevbe avbe ahianmwẹ ni ma huan ghi ru ọbafi ẹre khian. Emwa i ra dọlegbe yin evba nii ọvbehe, yasẹ ẹghẹ ne ọ dee hia fẹẹrẹ.

Jerimaia 50:45

Rhunmwuda ọnii, danmwehọ vbene I khuan khọ e Babilọn hẹẹ, kevbe ne I ho ne I ru emwa rẹn hẹ ya sẹ egbe avbe ivbi iran, te a ra kpolo ehia gha rrie dọmwadẹ ọghọe ghi runran.

Jerimaia 51:25

E Babilọn, te u yevbe oke ne ọ fuẹn uhunmwu otọ agbọn hia, sokpan, mẹ ne Nọyaẹnmwa, oghian ruẹn ọ re imẹ khin. I gha dobọ mu ẹẹn, I ghi guoghọ ọ sẹ otọ, I ghi ya uwẹ khian emuẹn.

Jerimaia 51:29

Otọe guọe zẹzẹzẹ, ọ kevbe mu rueghe, rhunmwuda, e Nọyaẹnmwa mu ẹẹn sẹ nian ighe ne ọ na wẹ te irẹn ra ya Babilọn khian ato, ehe ne ọmwarhọkpa i ghi ye.

Jerimaia 51:37

Ẹvbo ni gha khian utete itowa, ehe ne avbe aranmwẹ oha ghi dia. Te ọ khian gha mianmwẹ ughe, ọmwarhọkpa i ra yin evba, emwa ni miẹn ọẹn hia gha vbe runran.

Jerimaia 51:43

Avbe okpẹvbo ni rrọọ khian emwi ne ọ mianmwẹ ughe, ọ keghi vbe yevbe ato ne amẹ i ye, ehe ne emwa i ye a ma wẹ te emwa ra khian sọe.