Aizaia 13:16 - Edo Bible (E Baibol Ẹdo) Version 1996

¹⁶ Vbe ne iran wa ghe iran nii, a gha sirra iran salọ ivbi iran uhunmwu vbe otọ gbelua, a gha fu emwi ni rre owa iran viọ, a ghi gha mu avbe amwẹ iran ya gha.”

Aizaia 13:16 ပူးပေါင်းရင်းမြစ်များ

Aizaia 13:18

Iran gha ya uhanbọ kevbe ifẹnmwẹ gbele avbe igbama, iran i ra vbe tohan avbe emobọ ra ibiẹka.

Aizaia 14:21

Wa suẹn iran gha rẹnkhẹn uan! Ivbi ọba na gha wulo, rhunmwuda orukhọ ne avbe erha iran odede ru. Ọkpa vbe uwu iran ne ọ gha dọlegbe gha khaemwisẹ yan otọ agbọn i rrọọ, a ma ghi wẹ ne ọ bọlọ okpẹvbo vuọn otọ agbọn.”

Aizaia 47:9

Sokpan, vbe ifuanro ọkpa kẹkan, vbe ẹdẹ ọkpa kẹkan, emwi eveva na gha sunu. Egbe ne a rhe ya miẹn ighẹ, u silo ẹbọ ga egbe hia ọdafọn kevbe avbe ivbuẹ gha wulo uẹ.

Jerimaia 51:22

ne I ya gbele ikpia kevbe ikhuo, ne I gbele eniwanrẹn kevbe ibiẹka, ne I gbele ibiẹka ikpia kevbe ibiẹka ikhuo,

Eve Orriara 5:11

A mu avbe amwẹ ima yagha vbe Oke Zaiọn tobọ ẹre, iran ghi ya ẹtin mu avbe ivbi ima ne ikhuo ne iran kue vbe igue hia ni rre otọ e Juda.

Hozia 10:14

okuo gha bu emwa ruẹn rre, a gha vbe guọghọ avbe ẹvbo ruẹ ne a gbe odin ga hia. Te ọ ra yevbe ẹdẹ ne Sialmaa ne Ọba dunmwu ore Betabẹl vbe okuo, ne a na vbe dunmwu emọ kevbe iye iran an.

Nahum 3:10

Sevba te a ye viọ Tebis gha rrie iwe. Abọ idunmwu hia ọ re a na wa gha gbele ivbi iran la ẹrinmwi. A ye ghan rro emwa rẹn ni hin usi viọ kpao, a keghi ghaa iran ne emwa ni viọ iran oghunmwu.

Zẹkaraia 14:2

E Nọyaẹnmwa gha si avbe uhunmwu ẹvbo hia kugbe ne iran do gu e Jerusalẹm gbinna. A gha khọn mu ẹvbo nii, a gha fu emwi ni rre owa vbọ viọ. A gha mu avbe ikhuo ni rrọ yagha. A gha wa ẹvbo nii ye ihe eva, obọkpa vbọ gha yo iwe, sokpan, a i ra viọ iran ni ghi dekẹe hin ore ẹvbo rre.