Aizaia 13:14 - Edo Bible (E Baibol Ẹdo) Version 1996

¹⁴ “Avbe orhunmwuyẹn ni rre Babilọn gha lẹ gha rrie ẹvbo iran, iran ghi zagha a vbe ẹrhuẹ ni lẹ ne ohuẹ kevbe avbe ohuan ni i mwẹ ne ọ su iran.

Aizaia 13:14 ပူးပေါင်းရင်းမြစ်များ

I Ọba 22:17

E Makaia keghi wanniẹn wẹẹ, “I bẹghe ivbi Izrẹl hia zagha lele uhunmwu oke hia zẹ vbe ohuan ne ẹ i mwẹ nọ suẹe. E Nọyaẹnmwa keghi kha wẹẹ, ‘Iran na i mwẹ olotu, wa gie iran hẹko gha rrie owa.’ ”

I Ọba 22:36

Owẹn ghi ra de fua, iran keghi ta ẹe gba ivbi Izrẹl hia ne iran họn wẹẹ, “We ne edọmwadẹ ọghe ọe gha rrie ẹvbo ẹre kevbe otọe ẹre!”

Aizaia 17:13

Avbe uhunmwu ẹvbo rhulẹ ghe odaro zẹvbe amẹ ne ọ lẹ ogbigbi sokpan, Osanobua guu iran gui, iran ke lẹẹ werriegbe, a khulo iran werriegbe zẹvbe ebubẹ ne ọ rre ehanhan oke, zẹ vbe ebe nọkakae vbe ẹhoho ẹziza.

Aizaia 21:15

Emwa gha lẹ hin ehe ne umozo na ho ne ọ gbele iran an rre, hin ehe ne avbe uhanbọ ne ọ ho ne ọ salọ iran ye, hin obọ ẹbe okuo hia.

Aizaia 47:15

Emwi ne ọ maa ọkpa ne iran ra ru ne uẹn ọ re ọnii khin avbe iweuki nii ne u gha lẹ bu yo vbe ẹdẹ agbọn ruẹn hia. Iran hia gha sẹ uẹ rae, iran ghi khian okhian ọghe iran ọkpa ighi vbe kẹe vbọ ne ọ gha miẹn ruẹn fan.”

Jerimaia 25:12

“ ‘Vbe iyekọnii, I gha do rri e Babilọn kevbe ọba ẹre oya ye orukhọ iran. I gha fuẹn ẹvbo nii, I gha ya ẹe khian itowa ẹdẹdẹmwẹdẹ.

Jerimaia 50:16

“Wa ghẹ gie a ghi kọ vbe ẹvbo nii, a ma wẹ te a ghi ra rhọ. Ohan ivbiyokuo ni ra do khọn ẹvbo nii gha mu avbe erhunmwuyẹn ni rrọ sẹrriọ wẹ iran ghi werriegbe gha rrie ẹvbo iran.”

Jerimaia 51:9

Avbe orhunmwuyẹn ni rre evba khare wẹẹ, ‘Ma te ra ye Babilọn obọ, sokpan, ẹghẹ la nẹ. Wa gie ima kpao nian ne a gha rrie owa. Osanobua ya ẹtin ẹnrẹn hia rrii e Babilọn oya, ọ vbe fuẹn ọnrẹn uan fẹẹrẹ.’ ”

Nahum 3:18

Ọgbaisi Asiria, avbe gọvina ruẹn wulo nẹ, avbe emwa ni hin usi ruẹ vbe vbiẹ ovbe ne a i ghi na rhiọrre. A zagha emwa ruẹn hia lele uhunmwu oke ni yo, a ma miẹn ọmwa ne ọ gha ghi viọ iran gha die owa.

Matiu 9:36

Ugbẹn vbe ọ ghi miẹn avbe emwa ni gbe ẹbu, ekhọe ẹre keghi vuọn ne agiẹngiẹn, rhunmwuda ehia wa khọn yo khọn rre zẹ vbe ohuan ne ẹ i mwẹ nọ suẹe.

Iyẹn ne ọ Maan Ọghe Mak 6:34

Ugbẹn vbe Jesu ghi ke uwu okọ ladian, ọ miẹn emwa ni gbe ẹbu nii, ohan iran keghi to ẹe ẹsẹse rhunmwuda iran ye vbe ohuan ne ẹ i mwẹ ne ọ su ẹe. Ọ kevbe suẹn gha ma iran emwi ni bun ẹsẹse.

I Pita 2:25

Wa keghi te ye vbe avbe ohuan ni bibi odẹ, sokpan, banbanna nian, a viọ uwa bu Ọsuohuan kevbe Nọgharoghe orhiọn uwa gha dee nẹ.