Aizaia 13:1 - Edo Bible (E Baibol Ẹdo) Version 1996

¹ Uhunmwu ne a giee rre vbe ekpa e Babilọn ọ re ọ na khin, zẹ vbene Aizaia ne ovbi Amọz họn ẹẹn ke ehe ne Osanobua ye gha dee.

Aizaia 13:1 ပူးပေါင်းရင်းမြစ်များ

II Ọba 9:25

E Jehu keghi tama Bidka ne ọkpọmwa rẹn wẹẹ, “Mu ikun ẹnrẹn ne u fi ẹe fi uwu ogba e Nabot. Yerre ẹghẹ ne imẹ vbe ruẹ na gba gha hin ẹsin lele Ehab ne erha e Joram iyeke dee, e Nọyaẹnmwa keghi ta ẹmwẹ na vbekpa Ehab wẹẹ,

Aizaia 1:1

Ẹmwẹ ne Osanobua rhie ma Aizaia ne akhasẹ ne ovbi Amọz vbe ekpa e Juda kevbe Jerusalẹm, vbe ẹghẹ avbe ọba Uzaia, e Jotan, Ahaz kevbe Hẹzekaia ne avbe ọba e Juda, ọ re ọ rre Ebe na.

Aizaia 13:19

E Babilọn ọrọre otọe arriọba ne ọ mose sẹẹ vbe uwu ehia, emwi ne emwa rẹn ya hio nọ. Sokpan mẹ ne Nọyaẹnmwa gha dunmwu e Babilọn uan zẹ vbene i ru e Sọdom kevbe Gomorra.

Aizaia 14:28

Uhunmwu ne a giee rre vbe ukpo ne Ehaz wu ọ re ọna khin.

Aizaia 15:1

Uhunmwu ne a gie rre vbekpa e Moab ọ re ọna khin. Iran rẹnkhẹẹn avbe okpẹvbo ne a tie ẹre Aa kevbe Kẹẹ vbe asọn ọkpa, otọ e Moab na ghi wa hunwan hiii.

Aizaia 17:1

E Nọyaẹnmwa khare wẹẹ, “E Damaskọs i ghi ra sẹtin gha re okpẹvbo ọvbehe, utete itowa ọ re ọ ghi ra gha khin.

Aizaia 19:1

Uhunmwu ne a gie rre vbe ekpa Igipt ọ re ọna khin. E Nọyaẹnmwa die Igipt, okuku amẹ ọ re ọ zabọ hin dee. Avbe amazẹ Igipt gha guọ zẹzẹzẹ vbe odaro ẹre, udu ivbi Igipt ghi vbe kpaẹn fi ẹko.

Aizaia 20:2

Odẹ ukpo eha ne ọ gberra, emwi na ke do sunu, e Nọyaẹnmwa ke khama Aizaia ne ovbi Amọz wẹ ne ọ bannọ ibata ẹre kevbe ukpọn ẹkpo ivin ne ọ te yọ hẹ kua. Ọ keghi gele ru vberriọ, ọ na bannọ uan gha ya owẹ kẹkan mama otọ lele ehe hia khian.

Aizaia 21:13

Uhunmwu ne a gie vbekpa Arebia ọ re ọna khin. Ivbi e Dedan, wa ne ekhẹn ekpatẹ ne okotọ ẹre sierre vbe Arebia ne ẹvbo ne ọ dihoi rua,

Aizaia 22:1

Uhunmwu ne a gie vbekpa Iya Umian ọ re ọna khin. Demwi ne ọ sunu na yi? Vbọzẹ ne emwa hia na gbe izabọbọ vbe uhunmwu owa iran yi?

Aizaia 22:25

Ọ ghẹ ghi do gha ye vberriọ, ukeke ne a te kaẹn gbain gha vbọ, ọ ghi de fua, ọghe emwi ne a viọ rrọ yọ hia ghi wa vbe la evba fo.” E Nọyaẹnmwa tae nẹ.

Aizaia 43:14

Osanobua nọhuanrẹn ọghe Izrẹl, e Nọyaẹnmwa ne ọ miẹn uwa fan khare wẹẹ, “Ne I miẹn ehe na miẹn uwa fan, I gha gie ivbiyokuo ne iran ya gu e Babilọn khọn; I gha guọghọ ẹkhu onurho ne ọ rrọọ sẹ otọ uwemwẹ ne emwa ni rrọọ te wee, gha khian eve.

Jerimaia 24:1

E Nọyaẹnmwa keghi viọ okhuae ohọ eva ma mwẹ, a keghi viọ iran ye Ọgua Osa (Ọna kegha re iyeke vbe Nebukiadneza ọghe Babilọn mu ovbi e Jehoiakim ighẹ Jehoiakin ne ọba e Juda) kpao vbe Jerusalẹm gha rrie Babilọn zẹ vbe oghunmwu, kẹe kevbe avbe ọkaolotu e Juda avbe emwa iwinna kevbe iran ni guẹ ona.

Jerimaia 28:8

Avbe akhasẹ ni guanrẹn vbe ẹghẹ ne ọ kpẹre ne ọ gberra vbe ọ ma he sẹ ẹghẹ imẹ vbe ruẹ tae wẹ, okuo, ukhunmwu kevbe emianmwẹ gha sẹ egbe uhunmwu ẹvbo ni bun kevbe avbe arriọba ni mwẹ ẹtin.

Jerimaia 50:1

Uhunmwu ne Nọyaẹnmwa giee gunmwẹ vbekpa ore nọkhua e Babilọn kevbe emwa ni rrọọ ọ re ọna khin:

Jerimaia 51:51

Wa khare wẹ, a fa ima an nẹ, a keghi gie ekhue mu mwa, egbe wa wọọ mwa yotọ rhunmwuda, avbe orhunmwuyẹn mu nọ avbe ehe nọhuanrẹn vbe Ọgua Osa ya khian ọghe iran.

Ezikiẹl 12:10

tama iran emwi ne imẹ ne Nọyaẹnmwa ne Udazi tama iran. Ovbi ọba ne ọ khaemwisẹ vbe Jerusalẹm kevbe avbe emwa hia ni rrọ, ọ re a giee uhunmwu na gie.

Daniẹl 5:28

A ghaa ẹre, a ghaa otọe arriọba ruẹ, a na viọ ne avbe Medis kevbe Pẹsia.”

Daniẹl 5:6

Ọ keghi reghe aro ua vbe uhunmwu, ohan keghi muẹn sẹrriọ wẹ igbọn rẹn kegha de gbe egbe.

Nahum 1:1

Uhunmwu ne a giee vbe ekpa Ninevi ọ re ọna khin, zẹ vbene ọ gbẹn ọẹn ye otọ vbe ekpa umian ne ọ miẹn ighe Nahum ne ovbi ẹvbo ne a tie ẹre Ẹlkos.

Habakọk 1:1

Uhunmwu ne a gie ne Nọyaẹnmwa rhie ma e Habakọk ne akhasẹ ọ re ọna khin.

Zẹkaraia 12:1

Uhunmwu ne Nọyaẹnmwa gie rre vbe ekpa Izrẹl ọ re ọna khin, e Nọyaẹnmwa ne ọ tan iso vbe ukpọn, ne ọ yi agbọn, ọ na rhie arrọọ ne ọmwa. Rẹn wẹẹ,

Zẹkaraia 9:1

Uhunmwu ne Nọyaẹnmwa giee ọ re ọna khin: Ọ mwamwa oya ne otọe Hedrak nẹ kevbe ore ẹvbo e Damaskọs. Ẹ i re ẹwae Izrẹl ọkpa ọrọre ọghe Nọyaẹnmwa sokpan, rẹn ọre ọ vbe yan igiogbẹ e Siria.

Malakai 1:1

Uhunmwu ne Nọyaẹnmwa giee Malakai re gie ivbi Izrẹl ọ re ọna khin.

Matiu 1:11

Josaia ọre ọ biẹ Jekonaia kevbe etiọnrẹn, ẹghẹ ni ọre a na viọ ivbi Izrẹl gha rrie Babilọn.

Arhie Maan 14:8

Odibosa ogieva keghi lele ne okaro, ọ khare wẹ, “Ọ de guọghọ ua nẹ, Babilọn nọkhua de guọghọ ua nẹ, Ọ mu ayọn ne emwa, ọ si iran da ẹe ayọn ne ọ wo vbe egbe ọghe orriarria alama oghẹ ọre!”