Aizaia 12:5 - Edo Bible (E Baibol Ẹdo) Version 1996

⁵ Wa so ihuan ghe Nọyaẹnmwa rhunmwuda iwinna nọkhua ne ọ winnaẹn wa gie otọ agbọn hia họn ẹmwẹ na.

Aizaia 12:5 ပူးပေါင်းရင်းမြစ်များ

Psalm 105:2

So ihuan urhomwẹ ghe Nọyaẹnmwa wa na iyẹn iwinna ọyunnuan ne ọ winna ẹn.

Psalm 72:19

Wa rho eni ẹnrẹn ne ọ mwẹ uyi ẹdẹdẹmwẹdẹ. Te uyi ẹre gha gha otọ agbọn hia. Isẹ! Isẹ!

Psalm 98:1

Wa so ihuan ọgbọn ghe Nọyaẹnmwa, ọ ru emwi ọyunnuan nibun nẹ. Ọ vbe ya ẹtin kevbe iwegbe ẹre ne ọ huanrẹn, miẹn akhọnmiotọ nẹ.

Ẹksọdọs 15:1

Ẹre Mosis kevbe ivbi Izrẹl na zẹ ihuan so ghe Nọyaẹnmwa wẹẹ, “I gha so ihuan ne Nọyaẹnmwa rhunmwuda ọ miẹn akhọnmiotọ ne ọ mwẹ uyi, ọ filo avbe ẹsin kevbe iran nii hin ẹnrẹn ku uwu okun.

Ẹksọdọs 15:21

E Miriam keghi so ihuan ne iran wẹẹ, “Wa so ihuan ghe Nọyaẹnmwa, ọ miẹn akhọnmiotọ ọghe uyi, ọ filo avbe ẹsin kevbe emwa nii hin iran ku uwu okun.”

Aizaia 24:14

Iran ni miẹn uhunmwu gha so ihuan oghọghọ. Iran ni rre odẹ orrie gha na iyẹn vbene Nọyaẹnmwa kpọlọ hẹ.

Aizaia 40:9

E Jerusalẹm, hin oke ne ọ yo, ne u ya wewe iyẹn ne ọ maa nii! E Zaiọn, ya urhu ne ọ la datu, ta iyẹn ne ọ maa ni ladian, guan ladian, ghẹ gie ohan mu ẹẹn. Tama avbe ore nekhua ni rre Juda wẹ Osanobua iran dee.

Aizaia 42:10

Wa so ihuan ọgbọn ghe Nọyaẹnmwa wa so ihuan urhomwẹ ọnrẹn, wa ne otọ agbọn hia. Wa rho ẹre, wa ni gua khian vbe okun wa rho ẹre, wa ne emwi ni rre amẹ, wa so ihuan, wa ne otọe urria kevbe emwa ni rrọọ hia.

Aizaia 42:11

Wa gie oha kevbe avbe okpẹvbo ni rrọọ rho Osanobua; wa gie emwa Keda rho ẹre! Wa gie iran ni rre ẹvbo e Sẹla kevbe avbe uhunmwu oke go ugomwẹ oghọghọ!

Aizaia 44:23

Wa we uwemwẹ oghọghọ, wa ne ẹrinmwi wa gha wee, wa ne ehe ne ọ dinmwi vbe otọ agbọn. Wa gha we uwemwẹ oghọghọ wa ne avbe oke nekhua kevbe avbe erhan ni rre ẹgbo hia! E Nọyaẹnmwa rhie ukpọlọmwẹ ọnrẹn maa nẹ vbekpa ne ọ na miẹn Izrẹl ne emwa rẹn fan.

Habakọk 2:14

Sokpan, urẹnmwẹ uyi Osanobua gha vuọn agbọn na hia zẹ vbene amẹ vuọn okun.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Arhie Maan 15:3

Iran kegha so ihuan e Mosis ne ọguọmwadia Osanobua kevbe ihuan ọghe Oteghe Ohuan nii. “Nọyaẹnmwa Osanobua ne Oghodua, ne ọ kpọlọ kevbe ne ọ yan ọmwa unu ọre avbe iwinna obọ ruẹ khin. Ọba avbe agbọn ẹvbo hia, ne ọ gbae kevbe ne ọ re uhunmwu ẹmwẹ ọre odẹ ruẹ hia khin.