Aizaia 12:3 - Edo Bible (E Baibol Ẹdo) Version 1996

³ Zẹ vbene amẹ ne ọ furre, ya ẹko ọmwa ne ovbamẹ gbe rhiẹnrhiẹn erriọ emwa Osanobua ghọghọ vbe ọ gha miẹn iran fan.”

Aizaia 12:3 ပူးပေါင်းရင်းမြစ်များ

Psalm 36:9

Ehe ne u ye ọ re arrọọ hia ke rre, uwanmwẹ ruẹn ọ re ima ya bẹghe.

Psalm 87:7

Iran kuru, iran so ihuan wẹẹ, “E Zaiọn ọrọre ehe ne afiangbe mwa hia ke rre.”

Ihuan Ne Ọ Sọọ Ihuan Hia 2:3

Vbene otiẹn ye vbe ẹbu erhan vbe ẹgbo, erriọ ọ re enida mwẹ ye vbe ẹbu ikpia ọvbehe. Aghọnghọn rẹn yẹ mwẹ ne a tota yi ọmọ rẹn wa vbe rhiẹnrhiẹn mwẹ.

Aizaia 41:18

I gha gie ẹzẹ gha lẹ vbe oke ni dihoi rua ivbi uhunmwu ẹzẹ gha vbe gha lẹ vbe uwu iya I gha ye ato khian avbe odighi amẹ.

Aizaia 49:10

Ohanmwẹ ra ovbamẹ i ra gbe iran ẹdẹ. Ovẹn ra owowo ato i ra kuan iran rhunmwuda, ọmwa ne ọ ho ẹmwẹ iran ọ re ọ viọ iran khian ọ gha viọ iran gha rrie uhunmwu ẹzẹ amẹ.

Jerimaia 2:13

rhunmwuda orukhọ eva ọ re emwa mwẹ ru: iran fi iyeke gbe mwẹ, mẹ ne uhunmwu ẹzẹ amẹ ne ọ furre, iran keghi ya gha fian ivbi uhae, uhae ni halọe, ne ẹ i vbe sẹtin rrọ amẹ hiehiere.

Ezikiẹl 47:9

Eheikehe ne ẹzẹ nii a rhirhi lẹ ghe, avbe aranmwẹ kevbe ehẹn ughughan ghi gha rrọ. Ẹzẹ na gha ya Okun Nọwu khian ne amẹ ọnrẹn gie a wọn, eheikehe ne ọ rhirhi lẹ la, emwi ghi gha maa vbọ.

Zẹkaraia 13:1

E Nọyaẹnmwa ne Oghodua khare wẹẹ, “Ọ gha sẹ ẹghẹ ne a kha na, a gha kie uhunmwu ẹzẹ ọkpa a, nẹ ọ khue ivbi uniẹn e Devid kevbe ivbi e Jerusalẹm huan hin orukhọ iran kevbe ẹbọ ne a gho rre.

Iyẹn ne ọ Maan Ọghe Jọn 1:16

Uwu uvuọnmwẹ ẹsọhẹ ọghọe, ọre ọ na fiangbe ima hia, ọ na gha kun afiangbe yan afiangbe ne ima.

Arhie Maan 22:1

Odibosa ni keghi vbe do ma mwẹ ẹzẹ amẹ ẹfe, ọ fi wainwain vbe Kristal, ẹkete Osanobua kevbe ọghe nene Oteghe Ohuan ọre ọ ke lẹ de.

Arhie Maan 22:17

Orhiọn kevbe Ọha khare wẹ, “Gha dee!” Ọmwa ne ọ rhirhi họn ẹmwẹ na, ẹ i mwẹ ọ ma kha wẹ, “Gha dee!” Ọmwaikọmwa ne ohanmwẹ amẹ gbe gha dee, do rhie amẹ ẹfe na vbe ọghe ọhẹ, ọmwa ne ọ rhirhi khọn.

Arhie Maan 7:17

Rhunmwuda, Oteghe Ohuan ne ọ rre adesẹ ẹkete ọre ọ khian gha re Ọsuohuan iran, ọ ghi vbe gha su iran ye uhunmwu ẹzẹ ehe ne amẹ ẹfe ye, Osanobua gha khiẹn ameve hia hin iran aro rre.”

I Samuẹl 2:1

E Hanna keghi na erhunmwu wẹẹ: “E Nọyaẹnmwa ya oghọghọ vuọn ekhọe mwẹ nẹ, ọyẹnmwẹ sẹ mwẹ ye emwi ne ọ ru! I giẹ iran ne eghian mwẹ nian, ọyẹnmwẹ sẹ mwẹ rhunmwuda, Osanobua yọmwẹ obọ nẹ.