Aizaia 12:2 - Edo Bible (E Baibol Ẹdo) Version 1996

² Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Aizaia 12:2 ပူးပေါင်းရင်းမြစ်များ

II Samuẹl 7:24

Wẹ ya Izrẹl ne emwa ruẹn khian ọwuẹ nẹ ẹdẹdẹmwẹdẹ, wẹ ne Nọyaẹnmwa keghi vbe khian Osanobua iran.

Job 13:16

U gha ghe, udinmwẹ na ghi do miẹn mwẹ fan, rhunmwuda, ohan i ra giẹ ọmwa dan mudia ye Osanobua odaro.

Psalm 112:8

Ẹ i hawa, ohan i muẹn; ọ rẹnrẹn ighe aro irẹn gha sẹ ọe, vbe obọ a rhanmwẹ avbe eghian rẹn.

Psalm 118:14

E Nọyaẹnmwa ya mwẹ gha mwẹ ẹtin I keghi vbe wegbe ọ miẹn mwẹ fan nẹ.

Psalm 118:21

I rho ruẹ Nọyaẹnmwa, rhunmwuda u họn urhu mwẹ nẹ, rhunmwuda, u rhie akhọnmiotọ mẹ nẹ.

Psalm 27:1

E Nọyaẹnmwa ọrọre uwanmwẹ mwẹ kevbe imiẹnfan mwẹ, de ọmwa ne ohan rẹn gha mu mwẹ? E Nọyaẹnmwa, ọ re ọ degue mwẹ, hin uwu ẹbe hia, afianma i ghi fianmwẹ.

Psalm 65:6

Ẹtin ruẹn ọ re u ya munọ avbe oke ye ihe iran, u keghi rhie iwegbe ruẹ nọkhua maa.

Psalm 68:20

Osanobua mwa Osanobua ne ọ miẹn ọmwa fan ọre nọ rẹn ọrọre Nọyaẹnmwa, ne Nọyaẹnmwa ne ọ wọlọ ọmwa ladian hin uwu rre.

Psalm 68:21

Ẹ i mwẹ Nọyaẹnmwa ma va iran ne eghian rẹn uhunmwu. Ọghe avbe iran ni wa rhie egbe ye ẹmwẹ orukhọ iran.

Psalm 83:18

Te iran gha rẹn wẹ wẹ ọkpa ọrọre Nọyaẹnmwa, ne ọ khaemwisẹ yan emwi hia, ni rre otọ agbọn.

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Aizaia 10:24

E Nọyaẹnmwa ne Ogie ne Udazi keghi tama emwa rẹn ni rre Zaiọn wẹẹ, “Wa ghẹ gie afianma ivbi Asiria fian uwa, a gha rhe miẹn wẹ iran wọ uwa uhunmwu vbene ivbi Izrẹl ka vbe gha ru ẹe.

Aizaia 17:10

Izrẹl, wa mianmian Osanobua ne ọmwa ne ọ fannọ uwa kua, ọ na degue uwa zẹ vbe okuta nọkhua. Wa keghi ya gha fian erhan gbọọ, ne uwa miẹn ehe na gha ga ẹbọ ẹrrẹe vbe evba.

Aizaia 27:5

Sokpan, adeghẹ eghian emwa mwẹ ho ne a degue iran, wẹ ne iran do gun mwẹ dọlọ kugbe. Ẹn, wẹ ne iran do gun mwẹ dọlọ kugbe.”

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Aizaia 33:22

Ugbalọmwẹ ne a gbalọ okọ nii, i mwẹ asa, ukpọn ne ẹhoho ya sua ẹre khian i gia tan. Ma gha viọ emwi ne avbe ivbiyokuo eghian mwa mwẹ, iran gha bun sẹ vberriọ wẹ uhin ghẹ te obọ avbe arọ gha vbe vba vbọ. E Nọyaẹnmwa tobọ ẹre ọ re ọ ra gha re ọba mwa. Rẹn ọ re ọ ra gha khaemwisẹ yan mwa, ọ ghi vbe gha degue mwa.

Aizaia 38:20

E Nọyaẹnmwa, u mu mwẹ egbe rran nẹ. Ma gha kpe akpata so ihuan urhomwẹ ruẹn ma gha so ihuan rho ruẹ vbe uwu Ọgua Osa ruẹ la inu ẹghẹ ne ima gha ya vbe agbọn.

Aizaia 45:17

Sokpan, e Nọyaẹnmwa miẹn Izrẹl fan etẹbitẹ ọ re akhọnmiotọ ẹre khin a i ra fa emwa rẹn uan ẹdẹdẹmwẹdẹ.’ ”

Aizaia 49:5

Te i he rre ẹko iyimwẹ vbe Nọyaẹnmwa zẹ mwẹ ọ ya mwẹ ru ọguọmwadia ẹre nẹ ọ gha viọ emwa rẹn werriegbe rre ne ọ gha viọ ivbi Izrẹl ni zagha kua rre. E Nọyaẹnmwa mu uyi yọmwẹ egbe, rẹn ọrọre ehe ne ẹtin mwẹ ke rre.

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Aizaia 62:11

Wẹ te Nọyaẹnmwa tama otọ agbọn hia na: “Wa tama ivbi e Jerusalẹm, wẹ Nọyaẹnmwa dee ra do miẹn ruan fan, ọ gha vbe viọ avbe emwa ne irẹn faẹn vbe irri mwẹ obọ gha dee.”

Aizaia 65:18

Gha sẹ ọyẹnmwẹ ne u vbe gha ghọghọ ye emwi ne I yi ẹdẹdẹmwẹdẹ. E Jerusalẹm ọgbọn ne I ra yi, te ọ ra vuọn ne oghọghọ, emwa ni rrọọ hia ghi vbe gha sẹ ọyẹnmwẹ.

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Jerimaia 3:23

Avbe ẹbọ emwa ni ma yayi ne ima gha ghoo, vbe avbe uhunmwu oke, ma zẹdẹ yima obọ hiehiere. Ọ ghe Nọyaẹnmwa ne Osanobua mwa okpa ọ re iyobọ ke sẹ Izrẹl obọ.

Daniẹl 3:28

Ọba keghi kha wẹẹ, “Wa rho Osanobua e Siedrak, Mesiak kevbe Abẹdnigo! Ọ gie odibo ẹre gha dee ne ọ do miẹn iran ni gae kevbe ni muẹtinyan rẹn na fan. Iran fieghe uhunmwu ye iyi ne imẹ yi, iran keghi mu egbe ne iran gha ya wu, sẹẹ ne iran ghughẹrre ya uhunmwu rhanmwẹ otọ ne ẹbọ ọvbehe gberra Osanobua iran.

Hozia 1:7

Sokpan, I gha ho ẹmwẹ ivbi Juda. Mẹ ne Nọyaẹnmwa ne Osanobua iran gha miẹn iran fan, sokpan ẹ i re okuo I ra ya ru ẹe, ẹ i re umozo, uhanbọ kevbe ifẹnmwẹ, ẹ i re vbekpa ẹsin kevbe emwa ni hin ẹsin.”

Joẹl 2:23

“Ivbi e Zaiọn, wa gha ghọghọ wa hia ghọghọ ye emwi ne Osanobua uwa ru ne uwa. Ọ giee amẹ ne ọ sẹ ihe gie uwa vbe ẹghẹ vbe orhọ ma he suẹn, ọ bu amẹ fua ne uwa vbe okhuakhua, kevbe ẹghẹ orhọ, vbene ọ ka rhọ dee ẹdẹ.

Jona 2:9

Sokpan mẹ gha so ihuan urhomwẹ ghe ruẹ I gha zọ ese ghe ruẹ, I ghi vbe ru zẹ vbene I yan rẹn. Ọghe Nọyaẹnmwa ore imienfan ke rre!”

Habakọk 3:18

Te I gha ye gha sẹ ọyẹnmwẹ rhunmwuda Nọyaẹnmwa Osanobua, ọrọre ọmiọnmwafan mwẹ.

Ebe ne Pọl gbẹẹn gie emwa Rom 1:16

I wa mu ẹtin yan iyẹn ne ọ maa, ẹtin ne Osanobua ya miẹn iran ni yayi fan nọ, okaro, avbe Ju sokpan kevbe iran ne ẹ i re Ju ba ẹre.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

Arhie Maan 7:10

Iran keghi ya urhu ne ọ la kha wẹẹ, “Obọ Osanobua mwa ne ọ tota vbe ẹkete kevbe Oteghe Ohuan nii, ọre imiẹnfan mwa ke rre!”

I Samuẹl 2:1

E Hanna keghi na erhunmwu wẹẹ: “E Nọyaẹnmwa ya oghọghọ vuọn ekhọe mwẹ nẹ, ọyẹnmwẹ sẹ mwẹ ye emwi ne ọ ru! I giẹ iran ne eghian mwẹ nian, ọyẹnmwẹ sẹ mwẹ rhunmwuda, Osanobua yọmwẹ obọ nẹ.