Aizaia 11:5 - Edo Bible (E Baibol Ẹdo) Version 1996

⁵ Ẹmwata kevbe uhunmwu ẹmwẹ ọ re ọ ra ya gha khaemwisẹ yan emwa rẹn.

Aizaia 11:5 ပူးပေါင်းရင်းမြစ်များ

Psalm 109:19

Zevbe ukpọn, ọ ghi gba ẹre egbe khinkhian zẹvbe ugbẹkun.

Psalm 45:4

Gha hin ẹsin khian vbe ọba ne u ya khọnmiotọ, vbe igbinna oseghe ẹmwata, kevbe uhunmwu ẹmwẹ! Ẹtin ruẹn gha viọ akhọnmiotọ nekhua nuẹn!

Psalm 89:9

Wẹ ọ re ọ kha yan okun ne ọ wegbe, wẹ ọ re ọ dọ uhuemwẹ ọnrẹn ne ohu mu yọ.

Psalm 93:1

E Nọyaẹnmwa ọrọre ọba, a ya uyi ne ọ rre egbe ọba kevbe ẹtin yọ re ẹwu. A mu agbọn uhe sẹ otọ nẹ gbangbaangban ai ghi vbe sẹtin fi ẹe werriẹ.

Aizaia 25:1

E Nọyaẹnmwa, wẹ ọrọre Osanobua mwẹ I gha ya ọghọ ne uẹn, I gha rho eni ruẹn, u ru avbe emwi ọyunnuan nẹ a vbe emwamwa ne u ru ẹghẹ ni u wa hẹko mu ehia sẹ nẹ.

Aizaia 32:1

Ẹdẹ ọkpa, ọba ne ọ ye ekhọe esi khaemwisẹ kevbe avbe ọkaolotu ẹvbo ni ya uhunmwu ẹmwẹ ne a ta khaemwisẹ, gha do gha rrọọ.

Aizaia 59:17

Ọ gha mu ẹmwata yọ zẹ vbe ẹwu ematọn okuo, kevbe akhọnmiotọ zẹvbe ẹrhu ẹgere. Ọ gha ye amuegbe ne a ya dọlọ emwi hia yi yọ egbe ẹre ẹwu kevbe ne a ya rri emwa oya ne a ya rria ikhi ye emwi dan ne a ru emwa ẹre.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Hozia 2:20

I gha mu eyan mwẹ sẹ, I ghi ya uwẹ khian ọghomwẹ, wẹ ghi vbe miẹn imẹ zẹ vbe Nọyaẹnmwa ruẹn.

Zẹkaraia 8:16

Emwi ne uwa gha ru ọre ọna khin: Wa gha ta ẹmwata ma egbe. Wa gha bu ohiẹn ẹmwata vbe iko, egbe ne ọ rhie ọfurre ye ẹvbo.

II Kọrinti 6:7

Vbe ekpa ikpe orhu ẹmwata, vbe ekpa ẹtin Osanobua. Uyinmwẹ ẹmwata ọrọre emwi gbinna ne a ya gu emwa gbinna, kevbe ne a ya sinmwi egbe mwa.

Ẹfisọs 6:14

Rhunmwuda ọnii, khẹ ye egbe, ya ẹmwata ru ugbẹkun rhie gba, ya aruemwiata ru uhanhan ẹwẹe.

Hibru 2:17

Ọnii rhie maa wẹ, te irẹn gha do ya egbe khian vbene avbe etiọnrẹn ye vbe odẹ hia, ne ọ miẹn ehe na gha re Ogie Ohẹn iran ne ekhọe esi ni mwẹ itohan vbe uwu ugamwẹ ne ọ ga Osanobua, ne a miẹn ehe na ye orukhọ avbe emwa ni bọ iran.

I Pita 4:1

Vbene a ghi na miẹn wẹ, ikinnegbe ọre Kristi ya rri oya, wa vbe ya egbe iro vberriọ rhie ẹtin ye egbe uwa iwu, rhunmwuda ọmwa ne ọ ghi rri oya nẹ vbe egbe, ẹ i ghi de fi orukhọ.

I Jọn 1:9

Sokpan a deghẹ ma miẹn orukhọ mwa kue ma Osanobua, rẹn gha mu eyan ọghọe sẹ, ọ ghi ru vbene ọ keyi, ọ gha ya orukhọ mwa bọ mwa, ọ ghi vbe kpe mwa hin uwu abakuru mwa hia rre.

Arhie Maan 1:13

Emwi ọkpa ne ọ ye vbe ọmwa keghi mudia ye adesẹneva iran, ọ keghi yọ agbada ẹwu ne ọ wa sẹ ọre otọ, ọ keghi vbe mwẹ egba igoru ne ọ wa lẹga re ẹwẹe.

Arhie Maan 3:14

“Gbẹn ebe gie odibosa ne ọ rre Laodisia wẹ: “Uhunmwu ne ọ gie rre ọ na khin ighẹ Isẹ, osẹe ẹmwata, kevbe ọghe uhunmwu ẹmwẹ, ọmwa ne ọre ehe ne emwi hia ne Osanobua yi ke rre.