Aizaia 11:4 - Edo Bible (E Baibol Ẹdo) Version 1996

⁴ ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Aizaia 11:4 ပူးပေါင်းရင်းမြစ်များ

II Samuẹl 8:15

E Devid kegha khaemwisẹ yan Izrẹl hia, ọ keghi gie a miẹn wẹ uyinmwẹ ẹmwata ne ọ gbae ọre a yin ghe emwa hia.

Job 15:30

Rẹn i ra vbe miẹn uhunmwu vbe obọ ebiebi, te irẹn ra yevbe erhan, ne erhẹn giẹn ọre abọ hia a, ẹhoho na khuọnnọ ehọn rẹn kua.

Job 4:9

Osanobua keghi ya ohu ẹre fuẹn iran an zẹ vbe okpẹhoho.

Psalm 110:2

E Nọyaẹnmwa gha fian te ẹtin arriọba ruẹ ke Zaiọn rre. Rẹn keghi kha wẹẹ, “Gha khaemwisẹ yan avbe eghian ruẹn.”

Psalm 18:8

Ighogho vẹ ke uvun ihue ẹre ladian, aranmwẹ erhẹn ne ọ giẹn emwi uan kevbe ogiọnmwẹ erhẹn ne ọ giẹn, keghi ke unu ẹnrẹn ladian.

Psalm 2:9

U gha ya umọmọ rẹnkhẹn iran, u gha zagha iran kua ukhiọnmwẹ, zẹ vbe akhe.’ ”

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Aizaia 1:17

ne uwa ruẹ vbene a ru emwi esi hẹ. Wa miẹn wẹ a ru emwi vbene ọ kei yi, wa gha ru iyobọ ne iran ne a zẹ kpokpo, rhie emwi ne ọ khẹke avbe ne ẹ i mwẹ erha ne iran, wa rria ikhi ne avbe ẹgbẹ.”

Aizaia 13:11

E Nọyaẹnmwa khare wẹẹ, “I gha fian ọfuan fi otọ agbọn, I ghi vbe rria avbe emwa dan hia ikhi ye orukhọ iran. I gha vbokho iran hia uhunmwu rri otọ ighe avbe iran ni tọn egbe mu. I gha rria iran ikhi ighe iran ni hio kevbe emwa dan.

Aizaia 14:30

E Nọyaẹnmwa gha ru ọsuohuan avbe emwa rẹn ne ivbiogue, ọ ghi vbe gie iran gha rrọọ vbe a i mwẹ ẹbe. Sokpan, ọ gha gie ukhunmwu nọkhua gie uwa ne ivbi e Filistin, ẹ i ra vbe sẹ okpa rae ye agbọn vbe uwu uwa.

Aizaia 16:5

Ọkpa vbe ivbi e Devid gha rriọba, ọ gha ya ẹkoata kevbe aho khaemwisẹ yan emwa nii. Obọ gha kẹ ọre vbe emwi nọgbae ne a ru, ọ gha vbe miẹn wẹ vbene emwi kei yi ọ re a ru ẹẹ.

Aizaia 2:4

Ọ gha dọlọ avbe uhunmwu ẹvbo nekhua kugbe. Iran gha ya umozo iran dunmwu emwi ne ọ yevbe ẹguẹ kevbe asoro iran, iran gha ya dunmwu ikhu. Avbe uhunmwu ẹvbo ighi khọn okuo ọvbehe iran ighi mu egbe okuo ọvbehe.

Aizaia 26:6

Te iran ne a te wọ ẹre uhunmwu ghi khian lae gberra nian iran ghi gha ya ọwẹ mamaẹn ginna otọ.

Aizaia 29:19

Avbe ivbiogue kevbe avbe emwa ni mu egberriotọ gha vbe dọlegbe miẹn ọyẹnmwẹ ne Nọyaẹnmwa ne ọmwa nọhuanrẹn Izrẹl rhie ne ọmwa.

Aizaia 3:14

E Nọyaẹnmwa ra do buohiẹn avbe ediọn kevbe avbe ọkaolotu emwa irẹn, ọ baa iran ifi ẹzọ wẹẹ, “Wa ya de rhu avbe ogba azara, owa ọghe uwa vuọn ne emwi ne uwa miẹn avbe ivbiogue re.

Aizaia 30:28

Ọ ghi gie ẹhoho ke odaro irẹn zẹ vbe orogho amẹ ne ọ kpolo emwi hia rrie. Ọ kpolo avbe uhunmwu ẹvbo ya fuan, ọ ghi gie iro dan ne iran zẹẹ fo ye evba.

Aizaia 30:31

Ivbi Asiria gha runran vbe iran a họn urhu e Nọyaẹnmwa, ighẹ obọ udamwẹ oya ne ọ rri emwa re sẹ iran egbe.

Aizaia 30:33

Ẹghẹ ne ọ kpẹre ne ọ gberra, ọ re a na dọlọ ihe ọkpa yotọ ne a ra na ya ogidi erhẹn giẹn ọgbaisi ọghe Asiria. Ọ dinmwi, ọ vbe vbẹ, a keghi wa silo erhan vuọn ọnrẹn. E Nọyaẹnmwa ghi hiọnrọn erhẹn ladian ne ọ ya hie erhẹn yọ.

Aizaia 32:1

Ẹdẹ ọkpa, ọba ne ọ ye ekhọe esi khaemwisẹ kevbe avbe ọkaolotu ẹvbo ni ya uhunmwu ẹmwẹ ne a ta khaemwisẹ, gha do gha rrọọ.

Aizaia 32:7

Ọmwa dan ọ re ọzuọ khin, emwi dan ọ re ọ vbe ru vbe ẹghẹ hia. Ọ ghi kun ẹẹn ne ọ ya ohoghe gbe ovbiogue hin oghẹn rre, kevbe ne ọ ghẹ vbe gie emwi ne ọ khẹ ke iran sẹ iran obọ.

Aizaia 33:22

Ugbalọmwẹ ne a gbalọ okọ nii, i mwẹ asa, ukpọn ne ẹhoho ya sua ẹre khian i gia tan. Ma gha viọ emwi ne avbe ivbiyokuo eghian mwa mwẹ, iran gha bun sẹ vberriọ wẹ uhin ghẹ te obọ avbe arọ gha vbe vba vbọ. E Nọyaẹnmwa tobọ ẹre ọ re ọ ra gha re ọba mwa. Rẹn ọ re ọ ra gha khaemwisẹ yan mwa, ọ ghi vbe gha degue mwa.

Aizaia 40:7

Irunmwu luẹluẹe, avbe obobo vbe fafaa vbe Nọyaẹnmwa a kha ne ẹhoho ya hoho iran. Emwa i vbe sun sẹ irunmwu.

Aizaia 49:2

Ọ keghi ru ẹe ne ẹmwẹ mwẹ gha mu zẹ vbe umozo. Obọ ẹre tobọ ẹre ọ re ọ gha degue mwẹ. Ọ ru mwẹ zẹ vbe ifẹnmwẹ ne ọ wa mu ne ọ gha wa gie ẹe lo.

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Jerimaia 33:15

Ẹghẹ nii, I ghi zẹ ovbi uniẹn e Devid ne ọ maa, zẹ vbe ọba. Ọba nii gha ru emwi ne ọ ghae kevbe ne ọ hẹnhẹn vbe otọe nii hia.

Jerimaia 5:28

Ọnii ọ re ọ vbe sii ẹe ne iran na kọnkọn egbe, ẹko kevbe vuọn iran. Emwi dan ne iran ru i mwẹ okhiẹ. Iran i rhie emwi ni khẹke emọ ni i mwẹ erha ne iran, ra ne a bu ohiẹn ẹse ne ọmwa ne a zẹ kpokpo.

Hozia 6:5

Ọnii ọ si ẹe ne I na gie avbe akhasẹ mwẹ bu uwa gha dee, ne iran do gu uwa guan vbekpa ibuohiẹn kevbe ọfuan. I ma vbe rhie emwi ne I ho vbe obọ uwa lẹre, te I wa taa ẹe ladian gboo.

Zẹfanaia 2:3

Wa fiwerriẹ bu e Nọyaẹnmwa gha dee, wa hia ni mwẹ amuegberriotọ ni rre otọe na, wa ni vbe ru vbene ọ khare. Wa gha ru vbene ọ kere, ne uwa vbe mu egbe rriotọ vbe odaro e Nọyaẹnmwa, ughaghe, ọ gha la uwa ban ighẹ irrioya nii, vbe ẹdẹ ne Nọyaẹnmwa gha rhie izohu ẹre maa.

Malakai 4:6

Ọ gha dọlegbe dọlọ avbe emọ vbe erha kugbe, adeghẹ ẹire vberriọ, te I gha rre ne I do fuẹn uhunmwu ẹvbo uwa a.”

Matiu 11:5

Avbe arhu aro bẹghe odẹ, avbe uke khiaẹn, a khue avbe ekhọnmwoti huan, avbe ayin ehọ họn ẹmwẹ, a huẹn avbe ni wulo kpaegbe, a kporhu Iyẹn Ne ọ maa ma avbe ivbiogue.

Matiu 5:5

Ọ maa ne iran ni fu, iran ọre emwi ne Osanobua ve gha sẹ ọre obọ!

Iwinna 9:1

Vbe uwu ẹghẹ ne a kha na, e Sọl keghi wa gha yan dunmwu ẹgun vbe ne irẹn gha gbele avbe erhuanegbe Nọyaẹnmwa hẹ. Ọ keghi bu Ogie Ohẹn gha khian.

II Kọrinti 10:1

Mẹ ne Pọl wa tobọ mwẹ rinmwian uwa, mẹ ne a wẹ re I gha gu ọmwa mudia, I ghi gha re ọmẹhẹ, sokpan I gha kpao vbe ehe ne uwa ye rre nẹ, I ghi gha khọ mu uwa, I ye ufumwẹ kevbe itohan Kristi rinmwian uwa.

Galatia 5:23

imuegberriotọ kevbe amuegbe ye ọghọ. A ma yi uhi ye egbe emwi vberriọ.

II Tẹsalonaika 2:8

Ẹghẹ nii Ọmwa Dan ni ghi ya egbe ladian, e Nọyaẹnmwa Jesu Kristi ghi ya ẹhoho unu ẹnrẹn gbe ẹe ua, ọ ghi vbe ya urremwẹ ọnrẹn ne ọ mwẹ uyi fuẹn ọnrẹn uan, vbe ẹghẹ ne irẹn gha na rre.

Taitọs 3:2

Tama iran ne iran ghẹ ta ọmwaikọmwa ọtakhọ, sokpan ne iran gha re ne ọ ho ẹmwẹ ọfumwegbe, kevbe ne ọ gu emwa hia ru ọse, kevbe ne iran gha gu emwa hia yin uyinmwẹ ọmẹhẹ.

Jems 3:13

Orhiọnkpa rrọọ vbe uwu uwa ne ọ waan ne ọ vbe rẹn otọ ẹmwẹ ra? Wẹ ne uyinmwẹ ọnrẹn ne ọ maa rhie ẹre maa vbe ekpa iwinna esi ne ọ ya imuegbe rri otọ kevbe ẹwaẹn winna.

Arhie Maan 1:16

Ọ keghi viọ orhọnmwẹ ihinrọn mwẹ obọ erha ọmwa ẹnrẹn, umozo ne ọ mwẹ unu eva ne ọ wa mu, kegha ke uwu unu ẹnrẹn ladian. Ugbaro ẹre ye ghanghanghan zẹ vbe ne owẹn ye vbe ogiavan.

Arhie Maan 19:11

I keghi miẹn vbe ẹrinmwi kie ye otọ, ẹsin nọfua ọkpa kegha rrọọ, a kegha tie ọmwa ne ọ hin ẹnrẹn, Ọmwata kevbe Ne ọ ta uhunmwu ẹmwẹ. Ẹmwata ọre ọ ya bu ohiẹn kevbe ne ọ vbe ya khọn okuo ẹre.

Arhie Maan 19:15

Umozo ne ọ mu ne ọ ra ya khọn uhunmwu ẹvbo hia mu otọ kegha ke unu ẹnrẹn ladian. Ọkpọ ematọn ọre ọ khian ya gha khaemwisẹ yan iran, ọ gha vbe balọ ayọn ne ọ rre uwu okọ izohu Osanobua ne Oghodua ladian.

Arhie Maan 2:16

Rhunmwuda ọnii, wa zẹ obọ vbe orukhọ ne uwa ru. a deghẹ ẹ i re vberriọ, I gha rherhe bu wa gha dee, ne I do ya umozo ne ọ ke uwu unu mwẹ ladian gu avbe emwa ni gbinna.