Aizaia 11:16 - Edo Bible (E Baibol Ẹdo) Version 1996

¹⁶ Odẹ nọ vbẹe ọkpa gha la Asiria ladian ne avbe ivbi Izrẹl ni miẹn uhunmwu vbe evba, zẹẹ vbene ọ vbe gha rrọọ ne avbe erha iran odede vbe iran kpao vbe Igipt rre.

Aizaia 11:16 ပူးပေါင်းရင်းမြစ်များ

Ẹksọdọs 14:22

Avbe ivbi Izrẹl keghi la okun nii gberra vbe otọe ne ọ kae vbene amẹ na yevbe egbekẹn vbe obọ eveva.

Aizaia 1:9

Akpawẹ ẹ ire ne Nọyaẹnmwa ne Oghodua na gie eso miẹn uhunmwu vbọ, iran gha wa fuẹn e Jerusalẹm uan fẹẹrẹ zẹvbe Sọdom kevbe Gomorra.

Aizaia 10:20

Ẹghẹ dee, ne a gha na miẹn wẹ iran ni miẹn uhunmwu vbe ivbi Izrẹl i ghi ra gha mu ẹtin yan avbe uhunmwu ẹvbo ni te ra wa fuẹn iran an fẹẹrẹ. Iran gha mu ẹtin yan e Nọyaẹnmwa ne ọ re Osanobua nọhuanrẹn ọghe ivbi Izrẹl, vbe ẹmwata.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 19:23

Ọ gha sẹ ẹghẹ ne a kha na, ukpo ne gbodoo okpa gha rrọ ne ọ ke Igipt ya sẹ Asiria. Ivbi ẹvbo eveva na ghi gha la ẹe yo la ẹe rre do gha mu ẹlẹ tue egbe, ẹvbo eveva na ghi vbe gha ga kugbe.

Aizaia 27:13

Ọ gha sẹ ẹdẹ ne ẹdẹrriọ, a gha kpe okpe ne a ya tie ivbi Izrẹl hia ni rre iwe vbe Asiria kevbe Igipt gha die owa. Iran gha rre do ga e Nọyaẹnmwa vbe Jerusalẹm, vbe oke ẹre nọhuanrẹn.

Aizaia 49:11

“I gha zẹ odẹ ne ọ vbee fian avbe oke nekhua rra, I gha dọlọ odẹ yi yotọ ne emwa mwẹ la.

Aizaia 49:12

Emwa mwẹ gha ke ehe ne ọ rrei gha dee, ke okuo kevbe orrie gha dee, kevbe ke Asuan ne odẹ ekẹn gha dee.”

Aizaia 51:10

Wẹ ọ re ọ vbe sii okun ka u na zẹẹ odẹ la uwu amẹ gberra, ne avbe iran ne uwẹ gha miẹnfan sẹtin fiaẹn rra.

Aizaia 57:14

E Nọyaẹnmwa khare wẹẹ, “Wa gie avbe emwa mwẹ werriegbe bu mwẹ gha dee. Wa viọ idobo hia hin iran odẹ rre. Wa zẹ odẹ ni ne uwa zẹ ọe yotọ!

Aizaia 62:10

Wa ne ivbi e Jerusalẹm, wa khian ladian adesẹ ore rre, ne uwa ya zẹ odẹ khẹ ivbi uwa ni werriegbe die owa. Wa zẹ odẹ ne ọ vbẹe, wa la okuta hia kua vbọ wa yi ama yọ, ne avbe uhunmwu ẹvbo miẹn ehe na rẹn.

Zẹfanaia 2:7

Iran ni ghi miẹn uhunmwu vbe ivbi e Juda ọ re ọ ra mu otọe uwa gha ye, evba iran ra na gha koko emwirri iran, iran ghi vbe gha vbiẹ owa ni rre Askẹlọn. E Nọyaẹnmwa ne Osanobua iran gha yaba iran, agbọn gha vbe dọlegbe maa iran.