Aizaia 11:15 - Edo Bible (E Baibol Ẹdo) Version 1996

¹⁵ E Nọyaẹnmwa gha ka e Suẹz muotọ, ọ ghi ya ẹhoho ne ọ mwẹ ọghae ka Ẹzẹ Yufretes muotọ ọ ghi sẹ ivbiẹzẹ tẹghẹtẹghẹ kẹkan rae sẹrriọ wẹ ọmwaikọmwa sẹtin ye owẹ fian ẹn rra.

Aizaia 11:15 ပူးပေါင်းရင်းမြစ်များ

Ẹksọdọs 14:21

E Mosis keghi niẹn obọ ẹre da okun, e Nọyaẹnmwa keghi ya ẹhoho ọlarre ovẹn ne ọ wu vbe egbe bi okun werriegbe, ọ keghi hoho la asọn nii hia, ọ keghi ya okun nii khian otọ nọkae. Amẹ keghi fian egbe ye ihe eva.

Ẹksọdọs 14:22

Avbe ivbi Izrẹl keghi la okun nii gberra vbe otọe ne ọ kae vbene amẹ na yevbe egbekẹn vbe obọ eveva.

Ẹksọdọs 14:29

Sokpan ivbi Izrẹl keghi ya owẹ fian okun ne ọ ka ẹe rra vbene amẹ na yevbe egbekẹn ye iran obọ eveva.

Aizaia 19:16

Ẹghẹ dee ne ohan gha na gha mu ivbi Igipt zẹ vbe ikhuo. Ohan gha mu iran, iran ghi gha guọ zẹzẹzẹ vbe iran a miẹn wẹẹ e Nọyaẹnmwa ne Oghodua niẹn obọ ẹre ladian ne ọ ya rri iran oya.

Aizaia 43:16

Ẹghẹ ne ọ kpee fua, e Nọyaẹnmwa keghi zẹẹ odẹ fian okun rraa ovbi odẹ la uwu amẹ ne ọ khọn yo Khọn rre.

Aizaia 44:27

I ya ukpẹmwẹ ọkpa ne I tae sii okun ka.

Aizaia 50:2

“Vbọzẹ ne avbe emwa mwẹ ma na zẹ yọ yi vbe I yo ya miẹn iran fan? Vbọzẹ ne iran ma na khuẹnniẹn vbe I tie iran? Mẹ ma wegbe sẹ ne ọ gha miẹn iran fan ra? Mẹ gha sẹtin ye ẹmwẹ unu mwẹ si okun ka I ghi Vbe ye avbe ẹzẹ khian ato sẹrriọ wẹ avbe ehẹn ni rrọọ ghi wulo rhunmwuda iran ma miẹn amẹ.

Aizaia 51:11

Iran ne uwẹ miẹnfan nẹ, gha ya oghọghọ sẹ Jerusalẹm, iran ghigha so ihuan, iran ghi gha wee ne oghọghọ. Iran gha ghọghọ ẹdẹdẹmwẹdẹ iran fe vbe obọ akhiẹ kevbe orriara ẹdẹdẹmwẹdẹ.

Aizaia 63:12

De ehe ne Nọyaẹnmwa ghi ye na yi, ọmwa ne ọ ya ẹtin ẹnrẹn la obọ e Mosis winna iwinna nọkhua, ọ keghi wannọ amẹ okun ye ihe eva, ọ na viọ emwa rẹn la uwu odin amẹ nii gberra, ne ọ ya hin usi ẹdẹdẹmwẹdẹ.” Rhunmwuda ne Nọyaẹnmwa na viọ iran khian, okhian ke wa gha kẹ iran zẹ vbe ẹsin oha, iran ma vbe rrua owẹ uhukpa.

Aizaia 7:20

“Ọ gha sẹ ẹghẹ nii, e Nọyaẹnmwa gha ya rhie ọmwa ne ọ gbe eto okpa ke iyeke ẹzẹ Yufretes rre, ọnii nọ wẹ ọgbaisi Asiria, ọ gha kpolo uwa ẹtu ke eto ne uhunmwu kevbe ni rre uwu ikinnegbe.

Aizaia 8:7

mẹ ne Nọyaẹnmwa gha tie ọgbaisi Asiria rre, deba ivbiyokuo ẹre hia, ne iran gu e Juda gbinna. Iran gha bi rre zẹ vbene amẹ Ẹzẹ Yufretes kpa ku oke ẹre.

Ezikiẹl 29:10

Oghian uwẹ kevbe nene Naẹl ruẹ ọ re I khin. I gha ya otọe Igipt hia khian otọe ne ọ gbe ẹvbi, kevbe Migdọl ne ọ rre odẹ okuọ ya sẹ ore Asuan ne ọ rre odẹ ekẹn rhinrin ya sẹ ehe ne uwu e Sudan lae.

Ezikiẹl 30:12

I gha si e Naẹl ka, I ghi mu Igipt ye ototọ ẹtin emwa dan. Avbe orhunmwuyẹn gha dunmwu otọe nii hia a. Mẹ ne Nọyaẹnmwa ọre ọ tae.”

Zẹkaraia 10:11

Iran gha la okun orueghe iran gberra khian, mẹ ne Nọyaẹnmwa gha fi uhuemwẹ ẹzẹ emwi, odin nọkhua e Naẹl gha khian ne ọ kae. A gha hie Asiria ne ọ hio uhunmwu rre. Egbe gha wọ Igipt ne ọ wegbe.

Arhie Maan 16:12

Iyeke ọnii, odibosa ne ogiehan keghi hihiẹ ọkpan ẹnrẹn yan ẹzẹ Yufretes. Ẹzẹ nii keghi wa ka, ne avbe ọba ni ke ọlarre ovẹn dee miẹn ehe la.