Aizaia 11:14 - Edo Bible (E Baibol Ẹdo) Version 1996

¹⁴ Iran gha koko dekun e Filistia ni rre odẹ ọlarrie owẹn, iran ghi vbe fu iran ni rre odẹ ahọ emwi viọ. Iran gha khọn ivbi Idọm kevbe Moab, ivbi Amọn ghi gha họn ẹmwẹ ne iran.

Aizaia 11:14 ပူးပေါင်းရင်းမြစ်များ

Aizaia 14:29

Ivbi e Filistia, orhokhua ne ọ ya gbele uwa bunnọ, sokpan, emwi ne uwa gha ghọghọ yi i zẹdẹ rrọọ. Ẹyẹn okpa gha wu, ọvbehe ne ọ rhia sẹẹ ọre ghi rhie ihe ẹre. Ekẹn ẹyẹn ghi gbe Ugbogiorinmwi ne ọ tin ladian.

Aizaia 15:1

Uhunmwu ne a gie rre vbekpa e Moab ọ re ọna khin. Iran rẹnkhẹẹn avbe okpẹvbo ne a tie ẹre Aa kevbe Kẹẹ vbe asọn ọkpa, otọ e Moab na ghi wa hunwan hiii.

Aizaia 16:14

“Vbe ukpo eha ne ọ dee zẹẹ, ẹfe ọrhẹnrhẹn ne Moab mwẹ gha khian ne a ho bẹkun. Ibozẹghẹ ọ re ọ ra kẹe rre vbe ẹvbo ọrhẹnrhẹn ne ọ mwẹ, te iran ni ra vbe ye mitan mitan.”

Aizaia 25:10

E Nọyaẹnmwa gha degue Oke Zaiọn sokpan, a gha ya owẹ rrilo ivbi e Moab ginna otọ zẹ vbene a ya owẹ rri irunmwu ye uwu ekẹn nekhui ne a ya kọ emwiokọ.

Aizaia 33:1

Ọghe avbe eghian mwa fo nẹ! Iran rhare, iran rhie emwa maa, a gha rhe miẹn wẹ ọmwa rhọkpa ma rha iran ra ne a rhie iran maa sokpan, ẹghẹ ne iran ya rha, ke ne iran ya rhie ọmwa maa gha sẹ ufomwẹ, iran tobọ iran ghi do khian ne a ghi rha ke ne a ghi siuma rẹn.

Aizaia 59:19

Ke ahọ ya sẹ orrie emwa hia gha mu ohan rẹn kẹeke ẹtin ẹnrẹn nọkhua. Ọ gha rre zẹ vbe ẹzẹ ne ọ lẹ ogbigbi, zẹ vbe okpẹhoho.

Aizaia 60:14

Ivbi avbe emwa ni te gha wọ ruẹ uhunmwu gha rre. Iran ghi ya uhunmwu rhanmwẹ otọ ya ọghọ nuẹn. Avbe iran ni te ka gha giọ yi. Gha do ga vbe akharha ruẹ. Iran gha tie ruẹ ‘Ore nọkhua ọghe Nọyaẹnmwa,’ ‘E Zaiọn ne Ore Nọkhua ọghe Osanobua Nọhuanrẹn Izrẹl.’

Aizaia 63:1

“Gha ọna khin ne ọ ke Bozra ne Idọm de yi? Gha ọna khin ne ọ ya ododo han yi, ne ọ ze owẹ kẹe kevbe ẹtin deba iwegbe?” “E Nọyaẹnmwa nọ, ọmwa ne ọ mwẹ ẹtin ne ọ ya miẹn ọmwa fan, ọ ra do kha vbene irẹn khọnmiotọ hẹ.”

Aizaia 9:12

E Siria vbe odẹ ahọ kevbe Filistia vbe odẹ orrie, rhan unu yotọ ne iran minọ Izrẹl re. Ọ rhe ye vberriọ, ohu e Nọyaẹnmwa ma he ye fo. Te ọ ye niẹn obọ ẹre ladian ne ọ rri iran oya.

Jerimaia 40:11

Vbe ẹghẹ ne a kha na avbe ivbi Izrẹl hia ni rre Moab, Amọn, Idọm kevbe avbe ẹvbo ọvbehe keghi họọn wẹ ọba e Babilọn kue ne ivbi Izrẹl eso ye gha rre Juda, kevbe wẹ ọ ya Gedalaia ru ne ọkhaemwisẹ yan iran.

Jerimaia 48:40

E Nọyaẹnmwa tae nẹ wẹ ẹvbo ọkpa gha do hẹ rhu e Moab zẹ vbe oghohọn ne ọ rhan ifuẹn uan.

Jerimaia 49:2

“Sokpan, ẹghẹ dee ne I gha na gie iran ni rre Raba ne igiogbẹ họn ẹmwẹ okuo, a ghi ya ehia khian itowa, a ghi vbe giẹn avbe igue ẹre hia sotọ. Izrẹl ghi mu otọ ẹre werriegbe vbe obọ iran ni te miẹn ẹre re.

Jerimaia 49:22

Avbe eghian gha hẹrhu e Bozra zẹ vbe oghohọn ne ọ vin ghe otọ kẹe ke ifuẹn ne a rhanrẹn vbe ẹdẹ ne ẹdẹrriọ, ivbiyokuo Idọm ghi gha guọ zẹzẹzẹ zẹvbe okhuo ne emwi ubiẹmwẹ ru.”

Jerimaia 49:28

Emwi ne Nọyaẹnmwa tae vbekpa ẹwae Keda kevbe avbe otọe ne Nebukiadneza ne ọba e Babilọn khọn rẹn, ne Hazọ gha kha yan ọ re ọna khin: “Dekun emwa Keda, ne u vbe fuẹn emwa odẹ ahọ nii uan!

Ezikiẹl 25:14

Izrẹl ne emwa mwẹ gha rria Idọm ikhi mẹ, iran gha gie Idom hẹnmwẹ ohu ne ọ kakabọ mu mwẹ vbe egbe. Idom gha rẹn emwi ne ọ khin ne emwa gha re emwa ne I wẹ I ra rria ẹre ikhi.” E Nọyaẹnmwa ne Udazi guaan nẹ.

Daniẹl 11:41

Ọ gha vbe mu okuo la Otọe Eyan nii ne arẹngbe. Ọ gha gbele arriaisẹn vbe ihe igbe nibun, sokpan avbe ẹvbo zẹ vbe Idọm, e Moab, kevbe ehe ne ọ ghi kẹe vbe Amọn, gha lẹ fe vbe obọ ẹre.

Joẹl 3:19

“Igipt gha khian ato kevbe Idọm ne ẹvbo, gha vbe khian itowa, rhunmwuda, iran mu okuo ye e Juda, iran keghi gbele emwa ni ma rẹn ọkpa ọma rẹn eva ni rrọọ.

Emọs 9:12

Rhunmwuda ọnii, ivbi Izrẹl gha khọn mu ehe ne ọ ghi te kẹe vbe Idọm, kevbe avbe uhunmwu ẹvbo hia ni ka re ọghomwẹ dee yi vbe ẹghẹ ọkpa,” erriọ e Nọyaẹnmwa ne ọ ra gie emwi na sunu khare.

Habakọk 1:8

“Okhian kẹ avbe ẹsin iran sẹ atalakpa, iran vbe mu ohan sẹ avbe oduma ne ohanmwẹ gbe. Emwa ni hin ẹsin ọghe iran, ehe ne ọ rrei ọre iran kegha hin ẹsin gha dee, ẹsin ya owẹ guọghọ otọe hia. Iran ghi vin rre zẹ vbe oghohọn ne ọ ra gbe emwi.

Zẹfanaia 2:5

Ọghe uwa fo nẹ, ivbi e Filistin, avbe uwa ni yin eghute. E Nọyaẹnmwa bu ohiẹn gbe uwa nẹ. Te ọ ra fuẹn uwa a, ọkpa i ra vbe kẹe vbe uwu uwa.

Zẹfanaia 2:7

Iran ni ghi miẹn uhunmwu vbe ivbi e Juda ọ re ọ ra mu otọe uwa gha ye, evba iran ra na gha koko emwirri iran, iran ghi vbe gha vbiẹ owa ni rre Askẹlọn. E Nọyaẹnmwa ne Osanobua iran gha yaba iran, agbọn gha vbe dọlegbe maa iran.

Zẹfanaia 2:9

Omwa vbene a na miẹn wẹ mẹ ọrọre Osanobua ne ọ rrọọ ọghe Izrẹl, I vẹn ihen nẹ wẹ te a ra fuẹn Moab kevbe Amọn zẹ vbe Sọdom kevbe Gomorra. Iran gha khian otọ uye umwẹ kevbe itowa ẹdẹdẹmwẹdẹ ne ekie hinrin. Iran ni ghi miẹn uhunmwu vbe emwa mwẹ gha hẹ rhu iran, iran ghi mu otọ iran.”

Nọmbas 24:17

I keghi ghe ẹdẹ nakhuẹ, I keghi ya dẹghe okpẹvbo ọghe Izrẹl, ọba ne ọ yevbe orhọnmwẹ ne yọn ọn, gha kpaegbe vbe ẹvbo ni, ọ gha ke Izrẹl ladian zẹ vbe osun nigiogio ọ gha fi avbe Ọkaolotu Moab emwi, ọ ghi gbele iran ni hio kevbe ni khọọ ku otọ.

Matiu 8:11

Ne I tama uwa, emwa nibun gha ke ọlarre owẹn kevbe ọlarrie owẹn rre, iran ghi gu Ebraham, kevbe Aizik kevbe Jekọb tota rri evbare vbe Arriọba ẹrinmwi.

Giọgis 6:3

Ẹghẹ kẹghẹ ne ivbi Izrẹl ya kọ emwiokọ, avbe ivbi e Midian deba ivbi Amẹlẹk kevbe emwa ni rre uwu ato ghi do gu iran gha gbinna!