Aizaia 11:12 - Edo Bible (E Baibol Ẹdo) Version 1996

¹² E Nọyaẹnmwa gha tọn afiala ama mu ne ọ ya rhie ma avbe uhunmwu ẹvbo wẹẹ te irẹn ra dọlegbe si iran koko ighe avbe ivbi Izrẹl kevbe Juda, kevbe wẹ te irẹn viọ iran ke igienenẹ otọ agbọn dee.

Aizaia 11:12 ပူးပေါင်းရင်းမြစ်များ

Psalm 107:3

Ọ keghi vbe viọ uwa werriegbe ke ẹvbo ẹrrẹe gha dee, ke odẹ ahọ rre kevbe orrie ke okuọ rre kevbe odẹ ekẹn rre.

Psalm 147:2

E Nọyaẹnmwa ra dọlegbe rhie Jerusalẹm ye ukpo ẹre, ọ ra viọ iran ni rre iwe dọlegbe rre.

Psalm 60:4

U bu iran ni ye ọghọ ne uẹn ude ne iran miẹn ehe na fe vbe obọ a bu ohiẹn gbe ọmwa.

Psalm 68:22

E Nọyaẹnmwa khare wẹẹ, “I gha viọ avbe eghian uwa dọlegbe ke Basian gha dee, I gha viọ iran werriegbe ke ototọ ẹzẹ okun gha dee.

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 18:3

Wa danmwehọ, emwa hia ni rre otọ agbọn na! Wa gualọ afiala ama ya mu ba ye avbe uhunmwu oke, wa ghi danmwehọ okpe ne ọ tu.

Aizaia 24:16

Ma gha họn ihuan ne a so ya tian Izrẹl ne ẹvbo ẹmwata, ke ehe ne ọ ghi rrei sẹẹ vbe otọ agbọn gha dee. Sokpan, idaehọ i rrọ ne imẹ, ghe vbe I rriororo hẹ! Avbe ọgueva gha ya ọmwa ne a vbokho. Uma dan ne iran si wa khọrhiọn yọ ẹdẹgbedẹgbe.

Aizaia 27:13

Ọ gha sẹ ẹdẹ ne ẹdẹrriọ, a gha kpe okpe ne a ya tie ivbi Izrẹl hia ni rre iwe vbe Asiria kevbe Igipt gha die owa. Iran gha rre do ga e Nọyaẹnmwa vbe Jerusalẹm, vbe oke ẹre nọhuanrẹn.

Aizaia 43:6

I gha tama odẹ okuọ ne ọ gie iran gha rrie kevbe odẹ ekẹn wẹ ne ọ ghẹ da iran yi. Wa gie emwa ke otọe urria gha dee kevbe ehe hia vbe otọ agbọn gha dee.

Aizaia 49:22

Osanobua ne Udazi tama emwa rẹn wẹẹ: “I gha gie uhunmwu gie avbe uhunmwu ẹvbo, iran ghi viọ avbe ivbuẹ gha die owa.

Aizaia 49:5

Te i he rre ẹko iyimwẹ vbe Nọyaẹnmwa zẹ mwẹ ọ ya mwẹ ru ọguọmwadia ẹre nẹ ọ gha viọ emwa rẹn werriegbe rre ne ọ gha viọ ivbi Izrẹl ni zagha kua rre. E Nọyaẹnmwa mu uyi yọmwẹ egbe, rẹn ọrọre ehe ne ẹtin mwẹ ke rre.

Aizaia 54:7

“I sẹ uẹ rae vbe ovbi ẹghẹ kherhe aho ẹmwẹ ọmwa ne ọ dinmwi ọre I ra ya dọlegbe rhie ruẹ werriegbe.

Aizaia 56:8

E Nọyaẹnmwa ne Udazi, ne ọ viọ Izrẹl ne emwa rẹn ke iwe gha dee, yan nẹ wẹ rẹn gha ye viọ emwa ọvbehe eso rre do deba iran.

Aizaia 59:19

Ke ahọ ya sẹ orrie emwa hia gha mu ohan rẹn kẹeke ẹtin ẹnrẹn nọkhua. Ọ gha rre zẹ vbe ẹzẹ ne ọ lẹ ogbigbi, zẹ vbe okpẹhoho.

Aizaia 60:4

Tọn aro mu ne u ghe emwi ne ọ sunu. Emwa ruẹn gha si egbe koko ne iran gha die owa. Avbe ivbuẹ nikpia gha ke otọe urria rre, a gha mu avbe ivbuẹ nikhuo zẹ vbe emọ obọ.

Aizaia 62:10

Wa ne ivbi e Jerusalẹm, wa khian ladian adesẹ ore rre, ne uwa ya zẹ odẹ khẹ ivbi uwa ni werriegbe die owa. Wa zẹ odẹ ne ọ vbẹe, wa la okuta hia kua vbọ wa yi ama yọ, ne avbe uhunmwu ẹvbo miẹn ehe na rẹn.

Aizaia 66:19

iran ghi vbe rẹn wẹ mẹ ọ re ọ rri iran oya. Sokpan, I gha sẹ eso rae vbọ, I ghi viọ iran gha rrie ẹvbo urria, iran ni ma he họn otiti mwẹ ra ne iran miẹn ukpọlọmwẹ kevbe ẹtin mwẹ. Avbe e Spen, e Libya kevbe Lidia ne emwa ni guara fi uhanbọ, kevbe gha rrie Tubal kevbe Gris. Iran gha ya na iyẹn ukpọlọmwẹ mwẹ ma avbe uhunmwu ẹvbo na.

Jerimaia 23:3

I gha si avbe emwa mwẹ ni dekẹe koko ke ẹvbo ne I zagha iran kui gha dee, I ghi viọ iran werriegbe gha die otọ iran. Iran gha biẹlẹ emọ nibun, iran ghi bun yọ vbe inu.

Jerimaia 30:17

I gha ru ẹe ne egbe rran uwa, I gha kpe uwa ẹwẹn rrie, avbe eghian uwa gha rhe gha kha wẹẹ, ‘Evbahe ọ re Zaiọn khin; a i miẹn ọmwa ne ọ zẹye ọre re.’ Mẹ ne Nọyaẹnmwa tae nẹ.”

Jerimaia 50:4

E Nọyaẹnmwa khare wẹẹ, “Ọ gha sẹ ẹghẹ nii, ke ivbi Izrẹl, ke ivbi e Juda gha ye eve gha dee, iran ghi gha gualọ imẹ ne Osanobua iran.

Jerimaia 51:12

Wa tama iran ne iran dekun ekẹn e Babilọn. Wa viọ ẹvbo ba iran ni ba odẹ, wa gie iran ni khẹ odẹ gha khian, wa gie emwa ni gha lẹre gbakhẹ iran vbe odẹ.” E Nọyaẹnmwa ru emwi ne ọ wẹ rẹn gha ru ivbi e Babilọn re nẹ.

Ezikiẹl 28:25

E Nọyaẹnmwa ne Oghodua keghi kha wẹẹ, “I gha viọ ivbi Izrẹl werriegbe ke ehe ne I te zagha iran kui gha dee, avbe uhunmwu ẹvbo hia ghi vbe rẹn wẹ, ọmwa nọhuanrẹn ọre imẹ khin. Ivbi Izrẹl gha di ẹvbo iran ya, otọe ne I mu ne Jekọb ne ọguọmwadia mwẹ.

Hozia 1:11

A gha ku ivbi Izrẹl kevbe ivbi e Juda kugbe ne iran gha re ọkpa. Iran ghi koko tobọ iran zẹ olotu ọkpa. Iran ghi dọlegbe gha bun yọ, agbọn ghi maa iran vbe otọe iran. Ẹn, ẹdẹ nọkhua ọre ẹdẹ, Jizrẹl ra gha khin.

Hozia 2:2

Wa ne ivbi mwẹ, wa gu iye uwa guan, a gha rhe miẹn wẹ, ẹ i ghi re ọvbokhan mwẹ, kevbe wẹ, mẹ i ghi vbe re ọdọ ẹre. Wa tama rẹn ne ọ dobọ ọghe kevbe ebabotu ne ọ gbe yi.

Zẹfanaia 3:10

Emwa mwẹ gha ke Sudan ne gban an, ehe ne a zagha iran kui, gha viọ emwi ọhẹ gun mwẹ.

Zẹkaraia 10:6

“I gha ru ẹe ne ivbi e Juda wegbe; I gha fannọ ivbi Izrẹl vbe irri, I gha tohan iran, I ghi viọ ehia werriegbe rri owa. Iran ghi do yevbe emwa ne I ma he ka he fua ẹdẹ. Mẹ ọrọre Nọyaẹnmwa ne Osanobua iran, I gha họn erhunmwu iran.

Zẹkaraia 8:7

I gha fannọ emwa mwẹ ke ẹvbo ne a viọ iran gha rrie rre.

Iyẹn ne ọ Maan Ọghe Jọn 7:35

Avbe Ju kegha gu egbe guan wẹẹ, “De ehe ne ọ khian gha rrie ne ima i ra na miẹn ọẹn yi? Te ọ khian bu avbe Ju ni rre ẹvbo avbe Grik ra ne ọ ya gha ma iran ne Grik emwi?

Diuteronomi 32:26

Te I gha te fuẹn iran an fẹẹrẹ, ne a ghẹ ghi ye iran rre ọvbehe.

Jems 1:1

E Jems ne ọguọmwadia Osanobua, kevbe ọghe Nọyaẹnmwa Jesu Kristi; ọre ọ gbẹn ebe na rre. I tuẹ emwa Osanobua hia ni tagha gba uhunmwu otọ agbọn hia.

Arhie Maan 5:9

Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.

Arhie Maan 7:1

Vbe iyeke ọna, I keghi bẹghe avbe odibosa enẹ vbe igienenẹ ọghe otọ agbọn, iran da ẹhoho enenẹ yi, ne ẹhoho ghẹ ghi hoho la otọ agbọn ra okun ra yan erhankerhan.