Aizaia 11:11 - Edo Bible (E Baibol Ẹdo) Version 1996

¹¹ Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 11:11 ပူးပေါင်းရင်းမြစ်များ

Gẹnẹsis 10:10

Usun ẹvbo ne ọ kagha khaemwisẹ yan kegha re Babilọn, Frẹk kevbe Akad, iran eheha kegha rre otọe Sina.

Gẹnẹsis 10:22

Ivbi e Siẹm ighẹ Ẹlam, Asiọ, Apaksiad, e Lud kevbe Aram, ọre ọ vbe gha re erha odede avbe emwa na a he ẹre eni ginna iran vberriọ.

Gẹnẹsis 11:2

Ugbẹn vbe iran ghi si laghe odẹ ọlarre ovẹn, iran keghi do sẹ ehe ne ọ rriẹe ọkpa vbe otọ Babilọn, iran keghi yakọ vbe evba, iran na yin ẹnrẹn.

Gẹnẹsis 14:1

Avbe ọba enẹ, Amrafẹl ne ọba ọghe Babilonia, Ariọk ne ọba Elasa, Kiedolaoma ọba ọghe Ẹlam kevbe Tidal ne ọba ọghe Goim.

Gẹnẹsis 2:13

A ke gha tie ẹzẹ ne ogieva Gihọn, ọnii ọre ọ lẹ la odẹ avbe Kushi.

II Ọba 17:24

Ọba Asiria keghi viọ emwa ke Babilọn gha dee kevbe Kut, Iva, Hamat kevbe Sefavim, ọ na do wẹ ne iran yin avbe ẹvbo e Sameria, ne iran do rhie ihe ivbi Izrẹl ne a hẹ gha rrie iwe. Iran keghi munọ avbe otọe na, iran na yin ẹnrẹn.

Ẹsta 10:1

E Kzakzis ne ọba keghi ya ẹtin vbe iwegbe gha ya avbe emwa ni rre iyaẹvbo eghute ru enegbe ẹre zẹ vbene iran ni rre otọe ni rrei, ne ẹzẹ vbe ye vbe otọe arriọba nii.

Psalm 68:22

E Nọyaẹnmwa khare wẹẹ, “I gha viọ avbe eghian uwa dọlegbe ke Basian gha dee, I gha viọ iran werriegbe ke ototọ ẹzẹ okun gha dee.

Aizaia 1:9

Akpawẹ ẹ ire ne Nọyaẹnmwa ne Oghodua na gie eso miẹn uhunmwu vbọ, iran gha wa fuẹn e Jerusalẹm uan fẹẹrẹ zẹvbe Sọdom kevbe Gomorra.

Aizaia 10:20

Ẹghẹ dee, ne a gha na miẹn wẹ iran ni miẹn uhunmwu vbe ivbi Izrẹl i ghi ra gha mu ẹtin yan avbe uhunmwu ẹvbo ni te ra wa fuẹn iran an fẹẹrẹ. Iran gha mu ẹtin yan e Nọyaẹnmwa ne ọ re Osanobua nọhuanrẹn ọghe ivbi Izrẹl, vbe ẹmwata.

Aizaia 10:9

I khọn avbe ẹvbo ne a tie ẹre Kalno kevbe Kakẹmis, e Hamat kevbe Apad. I khọn e Sameria kevbe Damaskọs.

Aizaia 11:16

Odẹ nọ vbẹe ọkpa gha la Asiria ladian ne avbe ivbi Izrẹl ni miẹn uhunmwu vbe evba, zẹẹ vbene ọ vbe gha rrọọ ne avbe erha iran odede vbe iran kpao vbe Igipt rre.

Aizaia 19:21

E Nọyaẹnmwa gha rhie egbe ẹre ma ivbi Igipt, ẹghẹ nii, iran gha vbe miẹn irẹn kue, iran ghi vbe gha ga ẹe, iran ghi vbe gha viọ ese ne a zọ kevbe emwiokọ gie ẹe. Iran gha ye ẹkoata ve ẹre emwi, iran ghi vbe ru vbene iran ve.

Aizaia 19:22

E Nọyaẹnmwa gha rri ivbi Igipt oya, sokpan, ọ gha vbe mu iran egbe rran. Iran gha fiwerriẹ bu irẹn rre, rẹn ghi vbe mu iran egbe rran.

Aizaia 21:2

I miẹn umian ọghe emwi dan ni sunu, umian ọghe a ya ọmwa ne a vbokho kevbe ọfuan. “Ivbiyokuo Ẹlam, wa dekun iran! Ivbiyokuo e Medis, wa gha ga avbe okpẹvbo nii. Osanobua gha dobọ oya ne Babilọn he si ye emwa egbe yi.”

Aizaia 22:6

Avbe ivbiyokuo ni ke otọe Ẹlam rre hin ẹsin dee, iran ye uhanbọ kevbe ifẹnmwẹ mu egbe igbinna. Ivbiyokuo ni ke otọ Kẹ rre vbe ye asa iran mu egbe yotọ.

Aizaia 24:15

Iran ni rre odẹ ahọ gha rho ẹre. Avbe emwa ni yin lele ọkpẹn okun gha rho e Nọyaẹnmwa ne Osanobua Izrẹl.

Aizaia 37:31

Iran ni ghi miẹn uhunmwu vbe Juda, agbọn gha wa ma iran ẹsẹse, iran gha yevbe erhan ne ọ gie inian rẹn dinmwi ye uwu otọ ẹsẹse, ọ ghi vbe gha mọ ẹsẹse.

Aizaia 42:10

Wa so ihuan ọgbọn ghe Nọyaẹnmwa wa so ihuan urhomwẹ ọnrẹn, wa ne otọ agbọn hia. Wa rho ẹre, wa ni gua khian vbe okun wa rho ẹre, wa ne emwi ni rre amẹ, wa so ihuan, wa ne otọe urria kevbe emwa ni rrọọ hia.

Aizaia 42:12

Wa gie iran ni rre otọe urria rhie urhomwẹ kevbe uyi ne Nọyaẹnmwa.

Aizaia 42:4

Egbe i ra wọ ẹre ra ne ẹtin fo ẹe ọ gha gbọ ẹmwata ye otọ agbọn. Avbe ẹvbo ni rre urria rhie aro ye odẹ gha khẹ iruẹemwi ẹnrẹn.”

Aizaia 45:14

E Nọyaẹnmwa kha ma Izrẹl wẹẹ, “Ẹfe Igipt kevbe Sudan gha khian ọwuẹ emwa ni taẹn ni rre Siẹba gha khian eviẹn ruẹn; iran gha lele uẹ vbe a ye eghan gbalọ iran, iran gha ghughẹrre nuẹn iran ghi miẹnkue wẹẹ, ‘Osanobua deba ruẹ rẹn ọkpa kẹkan ọrọre Osanobua.

Aizaia 49:12

Emwa mwẹ gha ke ehe ne ọ rrei gha dee, ke okuo kevbe orrie gha dee, kevbe ke Asuan ne odẹ ekẹn gha dee.”

Aizaia 66:19

iran ghi vbe rẹn wẹ mẹ ọ re ọ rri iran oya. Sokpan, I gha sẹ eso rae vbọ, I ghi viọ iran gha rrie ẹvbo urria, iran ni ma he họn otiti mwẹ ra ne iran miẹn ukpọlọmwẹ kevbe ẹtin mwẹ. Avbe e Spen, e Libya kevbe Lidia ne emwa ni guara fi uhanbọ, kevbe gha rrie Tubal kevbe Gris. Iran gha ya na iyẹn ukpọlọmwẹ mwẹ ma avbe uhunmwu ẹvbo na.

Jerimaia 31:10

E Nọyaẹnmwa khare wẹẹ, “Wa ne uhunmwu ẹvbo, wa danmwehọ mwẹ, ne uwa ta uhunmwu ne I gie vbe eghute ne ọ rrei, I zagha avbe emwa mwẹ kua, sokpan, I gha vbe si iran koko. I ghi gha su iran vbene ọsuohuan su avbe ohuan rẹn.

Jerimaia 44:1

E Nọyaẹnmwa keghi gunmwẹ guaan vbekpa ivbi Izrẹl ni rre Igipt, ni rre avbe ẹvbo na ighe Migdọl, Tapanhes, kevbe Mẹmfis kevbe obọ ne ọ laghe odẹ ekẹn vbe ẹvbo nii

Jerimaia 49:23

Emwi ne Nọyaẹnmwa tae vbekpa Damaskọs ọ re ọ na khin: “Ekhọe emwa ni rre Hamat kevbe Apad ma sẹ otọ, afianma vbe fian iran rhunmwuda, iran họn iyẹn dan, ohawa lẹ rhu iran zẹ vbe amẹ okun iran i ghi sẹtin kẹtin.

Ezikiẹl 27:6

Iran ya viọ erhan okan ke Basian rre ne iran ya ru obele; iran keghi ya erhan ne ọ ke Saiprọs rre wa otọ ruẹ. A keghi ye akọn eni ru uwu ẹre.

Ezikiẹl 29:14

I gha vbe gie iran yin odẹ ekẹn Igipt ne ọ wa re owa iran dee ẹdẹdẹmwẹdẹ. Iran ghi gha rre evba zẹ vbe ẹvbo ne mitanmitan.

Ezikiẹl 30:14

I gha ya odẹ ekẹn Igipt khian ne ọ dihoi rua, I ghi mu erhẹn ye Zoan ne ẹvbo nii ne odẹ okuọ. I gha vbe rri e Tẹbes ne igiogbe oya.

Ezikiẹl 32:24

“Ẹlam rre evba, ke ẹe kevbe idin avbe ivbiyokuo ẹre ni lẹga ẹre. Okuo ọ re a na gbele ehia, iran keghi ya ukpikolo gha rre ẹvbo avbe emwa ni wulo nẹ. Ẹghẹ ne iran na rre agbọn, iran kegha ya ohan mu emwa hia, sokpan, banbanna nian, iran wulo ye otọ, iran khian emwa ne a fara a.

Ezikiẹl 38:8

Vbe iyeke ukpo nibun, I gha tama rẹn ne ọ ya khọn ẹvbo ọkpa ne a ke viọ avbe emwa nii werriegbe gha dee do si iran koko, ne iran vbe gba gha rrọọ ke ẹghẹ nii gha dee vbe ne a i na fian afianma okuo. Ọ gha mu okuo la avbe oke Izrẹl ne ọ dihoi rua kevbe ne emwa na lẹkua ke ẹghẹ ne ọ kpẹre gha dee, sokpan, ne emwa hia ghi ye nian vbe a i mwẹ ẹbe.

Daniẹl 1:2

E Nọyaẹnmwa keghi gie ẹe khọn mu e Jehoiakim, ọ na vbe viọ emwi eso vbe uwu emwighobioye ni rre Ọgua Osa ọ keghi viọ emwa eso oghunmwu gha rrie aro ẹbọ ọghọe vbe Babilọn, ọ keghi vbe viọ avbe emwi ne ọ viọ vbe okuo eso ye uwu aza aro ẹbọ.

Daniẹl 11:18

Vbe iyeke ọnii, ọ gha mu okuo gie avbe ẹvbo ni rre ọkpẹn okun, ọ ghi khọn nibun vbọ miẹn iran otọ. Sokpan, ọkaolotu ne ọ re ọrriọvbe gha khọn miẹn irẹn otọ, ọ ghi dobọ uhiomwẹ ọnrẹn yi vbe ẹmwata, ọ gha gbe uhiomwẹ ọba e Siria ye ọre egbe.

Daniẹl 8:2

Vbe umian nii, I ghi wa ghe vbe udomwurri, I wa rre ẹvbo ne a gbe ekẹn gaa ọghe Susa vbe iyaẹvbo Ẹlam. Ọkpẹn Ẹzẹ Ulai ọ re I mudia yi.

Hozia 1:11

A gha ku ivbi Izrẹl kevbe ivbi e Juda kugbe ne iran gha re ọkpa. Iran ghi koko tobọ iran zẹ olotu ọkpa. Iran ghi dọlegbe gha bun yọ, agbọn ghi maa iran vbe otọe iran. Ẹn, ẹdẹ nọkhua ọre ẹdẹ, Jizrẹl ra gha khin.

Hozia 11:10

“Emwa mwẹ gha lele mwẹ vbe I gha van mu avbe eghian iran nẹ zẹ vbe oduma. Iran gha ke odẹ orrie rhulẹ bu mwẹ gha dee.

Hozia 11:11

Iran gha ke Igipt gha dee, zẹ vbene ahianmwẹ tin, kevbe ke Asiria gha dee zẹ vbe idu. I gha dọlegbe viọ iran gha die owa iran. Mẹ ne Nọyaẹnmwa taa ẹe nẹ.”

Maika 7:12

Emwa ruẹn gha dọlegbe ke ehe hia gha bu ruẹ rre, ke Asiria rre vbe owẹn owiẹ, ke Igipt rre vbe odẹ ekẹn, kevbe iwewe Ẹzẹ Yufretes rre, kevbe okun ne ọ rrei gha dee, kevbe ke oke ne ọ rre urria gha dee.

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.

Zẹkaraia 5:11

Rẹn wanniẹn wẹẹ, “E Babilọn nọ, te iran ra ya bọ aro ẹre ye odọ. Iran ghẹ ghi bọ ẹe fo nẹ iran ghi mu okhuae ni yọ, iran ghi gha gho ẹre.”

Zẹkaraia 8:7

I gha fannọ emwa mwẹ ke ẹvbo ne a viọ iran gha rrie rre.

Zẹkaraia 9:2

E Hamat ne ọ rre ọkpẹn Hedrak, rẹn ọ vbe yan rẹn, erriọ vbe nọ ne Saidọn kevbe Taia deba iguemwi iran hia.

Ebe ne Pọl gbẹẹn gie emwa Rom 11:15

Rhunmwuda, ugbẹn vbe a he iran, a keghi ya agbọn khian ọse Osanobua. Vbe uwẹ a ghi yayi ighẹ ogha ye hẹẹ khekherriọ ugbẹn vbe a gha rhan obọ miẹn iran? Iran ni te wulo gha wa rrie agbọn!

Ebe ne Pọl gbẹẹn gie emwa Rom 11:26

Erriọ ọre a ra ya miẹn emwa Izrẹl fan. Zẹ vbene ebe khare: “Ọmiọnmwafan gha ke Zaiọn rre, ọ ghi rhie ekhọe dan hin uniẹn Jekọb rre.

II Kọrinti 3:16

Sokpan, a rhie ẹre hin rre zẹ vbene ebe kha re, “Mosis gha werriẹ aro ghe ehe ne Nọyaẹnmwa ye, a ghi rhie ukpọn nii hin rre.”

Diuteronomi 9:29

Vbene ọ rhirhi a gha ye hẹ, iran na ọrọre emwa ruẹn ne u hannọ zẹ ne iran gha re ọwuẹ, u na ya ẹtin kevbe iwegbe ruẹ nọkhua viọ iran ke Igipt ladian.’