Aizaia 11:10 - Edo Bible (E Baibol Ẹdo) Version 1996

¹⁰ Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 11:10 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

I Krọnikol 2:12

Obẹd kevbe Jese.

Psalm 116:7

Ghẹ ghi fian afianma, wẹ ekhọe mwẹ, rhunmwuda, e Nọyaẹnmwa ru mwẹ ẹse nẹ.

Psalm 145:11

Iran gha ta ọta uyi kevbe ẹtin ọba ne ọ gue uẹ, iran gha ta ẹmwẹ ẹtin ruẹn.

Psalm 149:5

Wa gie emwa Osanobua gha ghọghọ ye akhọnmiotọ iran, ne iran vbe so ihuan ne ọ rhiẹnrhiẹn ne ẹdẹgbe.

Psalm 91:1

Ọmwaikọmwa ne ọ lẹ gbinna Nọyaẹnmwa, ọmwaikọmwa ne ọ mudia ye ototọ ugue ọghe Oghodua,

Psalm 91:4

Ọ gha ya ifuẹn ọnrẹn gue ruẹ, wẹ gha re ne ẹ i mwẹ ẹbe vbe ototọ ugue ẹre, ẹmwata ẹre gha degue ruẹ ọ gha vbe gbinna ne uẹn.

Aizaia 11:1

Uniẹn ọghe Ọba Devid ye vbe erhan ne a tọn gbe otọ nẹ sokpan vbene ẹzi erhan vbe dọlegbe họn, erriọ ọ re ọba ọgbọn gha ke uniẹn e Devid zọ ladian.

Aizaia 11:12

E Nọyaẹnmwa gha tọn afiala ama mu ne ọ ya rhie ma avbe uhunmwu ẹvbo wẹẹ te irẹn ra dọlegbe si iran koko ighe avbe ivbi Izrẹl kevbe Juda, kevbe wẹ te irẹn viọ iran ke igienenẹ otọ agbọn dee.

Aizaia 14:3

E Nọyaẹnmwa gha rhan ivbi Izrẹl yotọ vbe obọ obalọ iran kevbe usẹ iran kevbe iwinna ne ọ wegbe ne a ya ẹtin munọ iran gha winna.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 2:2

Vbe ẹdẹ ne ọ dee, uhunmwu oke ne a gha bọ Ọgua Osa yi, ghi gha re uhunmwu oke ne ọ yo sẹẹ ehia ọ ghi gha ghe avbe oke hia uhunmwu. Agbọn ẹvbo nibun gha rre, iran ghi gha bi la rọ.

Aizaia 2:3

Emwa iran ghi vbe gha kha wẹẹ, “Wa gie ima hin oke e Nọyaẹnmwa gha rrie Ọgua Osa ọghe Osanobua Izrẹl ọ gha ma ima emwi ne ọ ho ne ima ru, ma gha lele odẹ ne ọ zẹ gha khian. Rhunmwuda, e Jerusalẹm ọ re Nọyaẹnmwa ke ma ọmwa emwi rre, e Zaiọn ọ re ọ ke gu emwa rẹn guan rre.”

Aizaia 28:12

Ọ rhie ikẹtin kevbe ọfumwegbe ne uwa, sokpan, wa ma danmwehọ ẹre.

Aizaia 42:4

Egbe i ra wọ ẹre ra ne ẹtin fo ẹe ọ gha gbọ ẹmwata ye otọ agbọn. Avbe ẹvbo ni rre urria rhie aro ye odẹ gha khẹ iruẹemwi ẹnrẹn.”

Aizaia 49:22

Osanobua ne Udazi tama emwa rẹn wẹẹ: “I gha gie uhunmwu gie avbe uhunmwu ẹvbo, iran ghi viọ avbe ivbuẹ gha die owa.

Aizaia 59:19

Ke ahọ ya sẹ orrie emwa hia gha mu ohan rẹn kẹeke ẹtin ẹnrẹn nọkhua. Ọ gha rre zẹ vbe ẹzẹ ne ọ lẹ ogbigbi, zẹ vbe okpẹhoho.

Aizaia 60:3

Avbe uhunmwu ẹvbo gha rri uwu uwanmwẹ ruẹn avbe ọba gha vbe gha die uwu ẹdẹ ọgbọn ọwuẹ.

Aizaia 60:5

Wẹ gha miẹn ọna, u ghi vuọn ne oghọghọ ọ gha bọbọ ọ egbe sẹrriọ wẹ, u ghi gha guọ kpẹkpẹkpẹ. A gha viọ ẹfe avbe uhunmwu ẹvbo bu ruẹ gha dee. Ẹfe iran gha ke iyeke okun bu ruẹ gha dee.

Aizaia 62:10

Wa ne ivbi e Jerusalẹm, wa khian ladian adesẹ ore rre, ne uwa ya zẹ odẹ khẹ ivbi uwa ni werriegbe die owa. Wa zẹ odẹ ne ọ vbẹe, wa la okuta hia kua vbọ wa yi ama yọ, ne avbe uhunmwu ẹvbo miẹn ehe na rẹn.

Aizaia 66:19

iran ghi vbe rẹn wẹ mẹ ọ re ọ rri iran oya. Sokpan, I gha sẹ eso rae vbọ, I ghi viọ iran gha rrie ẹvbo urria, iran ni ma he họn otiti mwẹ ra ne iran miẹn ukpọlọmwẹ kevbe ẹtin mwẹ. Avbe e Spen, e Libya kevbe Lidia ne emwa ni guara fi uhanbọ, kevbe gha rrie Tubal kevbe Gris. Iran gha ya na iyẹn ukpọlọmwẹ mwẹ ma avbe uhunmwu ẹvbo na.

Jerimaia 6:16

E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Hagai 2:9

Ọgua Osa ne ọgbọn na gha mose sẹẹ Ọgua Osa nẹdẹ, evba ọ re imẹ gha na rhie ne emwa mwẹ wẹ ne agbọn ma iran kevbe ne iran gha rre ọfumwegbe.” Erriọ Nọyaẹnmwa ne Oghodua khare.

Zẹkaraia 6:13

Rẹn ọrọre ne ọ ra bọ ẹe, ọ ghi vbe miẹn uyi ne ọ khẹke ọha, rẹn gha vbe gha khaemwisẹ yan avbe emwa rẹn. Ohẹn gha mudia ke ẹkete ẹre, iran ghi vbe gha winna kugbe vbe ọfumwegbe kevbe akugbe ne ọ rriẹe.’

Nọmbas 10:33

Ugbẹn vbe emwa nii ghi sii kpao vbe Sainai ne oke ne ọ huanrẹn, iran keghi khian okhian ikpẹdẹ eha, Ẹkpẹti Ile ọghe Nọyaẹnmwa keghi kodaro ne iran ne ọ gualọ ehe ne iran gha bu agọ yi ne iran.

Matiu 12:21

ehe ne ọ ye ọre emwa hia gha na gha mwẹ idaehọ.”

Matiu 8:11

Ne I tama uwa, emwa nibun gha ke ọlarre owẹn kevbe ọlarrie owẹn rre, iran ghi gu Ebraham, kevbe Aizik kevbe Jekọb tota rri evbare vbe Arriọba ẹrinmwi.

Iyẹn ne ọ Maan Ọghe Luk 2:32

Uwanmwẹ ne ọ gha ma avbe ni ma yayi odẹ ruẹ, ne ọ gha vbe rhie uyi ne avbe Izrẹl emwa ruẹn.”

Iyẹn ne ọ Maan Ọghe Jọn 12:32

A gha tọn mwẹ mu hin otọe rre nẹ, I gha silo emwa hia rri egbe mwẹ.”

Iwinna 11:18

Ugbẹn vbe iran ghi họn ẹmwẹ na, iran keghi dobọ ẹzọ na gui yi, iran keghi rho Osanobua vbe uyi wẹẹ, “Ọnii rhie maa ighẹ Osanobua vbe rhie otọ ne iran ne ẹ i re Ju ya fiwerriẹ ne iran ghẹ wulo.”

Iwinna 28:28

E Pọl keghi rhie tẹe wẹẹ: “Wa ghi rẹn nian wẹ a rhie ẹmwẹ imiẹnfan Osanobua bu iran ne ẹ i re Ju gha khian, iran gha miẹn họn.” [

Hibru 4:1

Banbanna nian, Osanobua tama ima ye otọ nẹ wẹ ma sẹtin la owa ne a ya gu ẹe kẹtin. Rhunmwuda ọnii wa gie ima gha mwẹ imuohan, ne a ghẹ miẹn wẹ, a miẹn orhiọnkpa vbe uwu uwa ne ọ ma sẹtin la uwu ikẹtin nii.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

Arhie Maan 22:16

“Mẹ ne Jesu ọre ọ gie odibo mwẹ ne ọ ya ta ẹmwẹ na ma uwa vbe esọsi. Mẹ ne ovbi uniẹn Devid nọ, Orhọnmwẹ owiẹ ne ọ baa siẹẹn.”

Arhie Maan 5:5

Ẹghẹ nii ọre ọkpa vbe uwu avbe ediọn nii na khama mwẹ wẹ, “Ghẹ ghi viẹ! Ghe oduma ne ọ ke uniẹn Juda rre, ọmọ nọkhua ne ovbi uniẹn Devid, khọn miotọ nẹ, ọ gha rhan emwi ne a ya gha ẹe ihinrọn nii, ọ ghi vbe rhan ebe nii, ne a kiri.”