Aizaia 10:7 - Edo Bible (E Baibol Ẹdo) Version 1996

⁷ Sokpan, ọgbaisi Asiria wa vbe mwẹ iro ọkhọ ọghe obọ ẹre vbe ekhọe. Te irẹn wa mu egbe ne ọ fuẹn uhunmwu ẹvbo nibun uan.

Aizaia 10:7 ပူးပေါင်းရင်းမြစ်များ

Gẹnẹsis 50:20

Te uwa te si uma ne uwa ru mwẹ emwi dan, sokpan Osanobua keghi fiẹe werriẹ yae khian emwi esi, ne ọ miẹn ehe na sinmwi emwa nibun ye agbọn, emwa na miẹn wẹ, ọnii ọ zẹe ne iran na rre agbọn ẹre na.

Aizaia 10:8

Rẹn keghi rhuọ wẹẹ, “Ọba ọ re ọkpọkpa vbe uwu avbe ọkaokuo mwẹ khin!

Aizaia 23:13

(Ivbi e Babilọn ọ re ọ gie avbe aranmwẹ akọn rẹnkhẹn e Taia rua ighe ẹ i re ivbi Asiria. Ivbi e Babilọn ọ re ọ bọlọ owa ọkhẹ ya ghae ga e Taia, iran keghi guọghọ emwi ne a ya gba ogba lẹga ẹre sotọ, iran na ya ẹvbo nii khian itowa iran ke sẹ ọe rae.)

Aizaia 37:19

Ọ keghi giẹẹn avbe emwi ne iran gho ua emwi ne ọ ma sẹ ne a gho ọ re iran gha khin, amazẹ erhan kevbe okuta kẹkan ọ re iran gha khin, emwi ne emwa ya obọ ru.

Ezikiẹl 29:20

I ra mu Igipt ya ha ẹre osa ye iwinna ne ọ winnaẹn, rhunmwuda mẹ ọ re avbe ivbiyokuo ẹre gha winna na. Mẹ ne Nọyaẹnmwa ne Udazi ọ re ọ tae.

Daniẹl 11:12

Rẹn gha ye akhọnmiotọ ẹre kevbe ubunmwẹ avbe ivbiyokuo ne ọ gbele rhuọ. Sokpan, ẹ i ra wa gha khọnmiotọ khian rhinrin.

Nahum 1:11

E Ninevi ehe ne u ye ọ re okpia ọkpa kegha dee, ọmwa ne ọ vuọn ne uma dan, rẹn keghi vbe khuan khẹ e Nọyaẹnmwa.

Iwinna 2:23

Osanobua tae nẹ, ọ kevbe tobọ ẹre mwamwaẹn zẹ vbe iho ọghọe, ne a rhie Jesu yan uwa obọ. Wa keghi gbe ẹe rua, wa keghi gie iran ne emwa orukhọ kan rẹn mu ugbugbe.

Iwinna 2:24

Osanobua keghi huẹn ọnrẹn kpaegbe vbe idin, ọ keghi faẹn ye otọ Vbe obọ uwu obalọ, rhunmwuda ọ ma gia ru wẹ ne uwu wu muẹn ye eghan ẹdẹdẹmwẹdẹ.