Aizaia 10:34 - Edo Bible (E Baibol Ẹdo) Version 1996

³⁴ E Nọyaẹnmwa gha tọnnọ iran gbotọ vbene a ya ughanmwa tọnnọ erhan kua vbe uwu ẹgbo, zẹ vbene erhan ni maa sẹẹ vbe Lebanọn dele.

Aizaia 10:34 ပူးပေါင်းရင်းမြစ်များ

Psalm 103:20

Wa rho e Nọyaẹnmwa, wa ne avbe odibo nekhua kevbe ni mwẹ ẹtin, ni mu uhi ẹre sẹ, ni vbe danmwehọ ẹmwẹ ne ọ guan.

Aizaia 10:18

Avbe ẹgbo ni wo nii kevbe avbe otọe ugbo hia gha khian ne a mu rhia zẹ vbene emianmwẹ dan mu ọmwa rhia.

Aizaia 2:13

Ọ gha fuẹn avbe sida ni taẹn ni rre Lebanọn hia, deba avbe okan hia ni rre otọ e Basian.

Aizaia 31:8

A gha fuẹn Asiria a vbe okuo, sokpan ẹ i re ẹtin ọmwa nagbọn ọ re ọ ra ru ẹe. Ivbi Asiria gha lẹkua vbe okuo, a ghi munọ avbe igbama iran oghunmwu.

Aizaia 33:9

Otọe khian ne a i ghi na gbe ugbo, emwa lẹ hin ehia rre. Ẹgbo e Lebanọn luẹluẹe. Iya e Sairọn ne ọ te maa emwiokọ khian ne ọ ghi yevbe ato, ebe khakha kua vbe erhan ni rre Basian kevbe Oke Kamẹl.

Aizaia 37:24

U giee avbe eguọmwadia ruẹ, ne iran do rhuọ ma mwẹ ighẹ u ye avbe ikẹkẹ okuo ruẹ hia khọn ehe ne ọ yo sẹ vbe oke Lebanọn mu otọ nẹ. U rhuọ ma mwẹ wẹ evba nii ọ re u na tọnnọ avbe sida ni tan sẹẹ gbotọ deba avbe uvbiakhẹ ni mose sẹẹ hia, kevbe wẹ u sẹẹ ehe ne ọ ghi dinmwi sẹẹ vbe uwu ẹgbo nii.

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Jerimaia 22:7

I gie emwa de do fuẹn ọnrẹn uan, iran hia gha viọ ughanmwa iran mwẹ obọ gha dee, iran ghi tọnnọ orre isida ẹre ne mose mose gbe otọ, iran ghi silo iran ku erhẹn.

Jerimaia 48:2

Ose e Moab fo vbotọ, eghian khọn mu e Hesbọn nẹ, iran vbe kun vbene iran gha ya fuẹn e Moab ua hẹ nẹ. A gha rhie obọ gue ẹvbo avbe Ọmwẹmwẹ unu. ivbiyokuo gha mu okuo gha khian.

Ezikiẹl 31:3

U ye vbe isida ne ọ rre Lebanọn ne ọ mwẹ abọ ne mose mose ne ọ mwẹ irhu erhan ne ọ tan sẹrriọ wẹ ọ keghi sẹ ikpakpiso.

Daniẹl 4:23

Ẹghẹ ne u na gha ghe ẹre Umogun, odibosa ọkpa keghi ke ẹrinmwi tuorre rre, ọ na do kha wẹẹ, ‘Wa tọn erhan nii gbotọ ne a fuẹn ọnrẹn uan, sokpan wa sẹ ut ukhunmwu ẹnrẹn rae yotọ. Ya ọgiọrọ ematọn kevbe oze gbalọ ẹe, ne uwa sẹ ọe rae ye uwu irunmwu vbe oha vbe evba. Wa gie evbu gha tuo yan okpia na, ne ọ gu avbe aranmwẹ oha gha rre evba vbe ukpo ihinrọn gbalaka.’

Nahum 1:12

Vbenian ọ re Nọyaẹnmwa tama ivbi Izrẹl ne emwa rẹn: “A gha rhe miẹn wẹ ivbi Asiria wegbe, iran vbe bun, a gha fuẹn iran an, a ghi ho iran bẹkun. Wa ne emwa mwẹ, I gie uwa sẹ usẹ, sokpan, I i ghi dọlegbe ru ẹe vberriọ.

II Tẹsalonaika 1:7

Ọ ghi fannọ uwa ni sẹ usẹ ẹghẹ na kua, kevbe ima ba ẹre. Ẹghẹ ne ọ gha na ru emwi na, ọrọre ẹghẹ ne Nọyaẹnmwa Jesu gha na rhie egbe ma ke ẹrinmwi rre, irẹn kevbe avbe odibo Osa ẹre nekhua.

II Pita 2:11

Vbene iran ghi vbe sẹ ighẹ avbe odibosa ne a miẹn wẹ iran kpọlọ, iran keghi vbe wegbe sẹ avbe emamwaemwi ohoghe na, iran i ya ukpẹ sakan iran vbe iran a khian ba iran ifi ẹzọ vbe odaro Nọyaẹnmwa.

Arhie Maan 10:1

Vbe iyeke ọnii, I keghi bẹghe odibosa nọkhua ọkpa vbe ọ ke ẹrinmwi tuorre dee. Amẹ ne ọ bii ọre ọ ya mu egbe. Ikpin amẹ keghi lẹga ẹre uhunmwu, ugbaro ẹre keghi yevbe owẹn, erhan owẹ ọre nekhua ye vbe orre ọghe erhẹn.

Arhie Maan 18:21

Ẹghẹ nii ọre odibosa nọkhua ọkpa na tọn okuta ne ọ kpọlọ vbe olọ nọkhua mu, ọ keghi fi ẹe fi uwu okun, ọ wẹẹ, “Erriọ ọre a ra rhie Babilọn ne ẹvbo nọkhua fian mwẹ otọ, a i ghi ra vbe dọlegbe miẹn ọẹn ọvbehe.