Aizaia 10:32 - Edo Bible (E Baibol Ẹdo) Version 1996

³² Vbe ẹdẹnẹrẹ na, avbe eghian wa rre Nob nian, iran gha ke evba niẹn obọ ye Oke Zaiọn aro, deba ore nọkhua e Jerusalẹm.

Aizaia 10:32 ပူးပေါင်းရင်းမြစ်များ

II Krọnikol 32:1

Vbe iyeke avbe emwi na hia, ne Hẹzekaia na ya ekhọe ne ọ mudia ẹse ga e Nọyaẹnmwa, e Senakẹrib ne Ọgbaisi Asiria keghi mu okuọ gha die Juda. Ọ keghi ghae ga avbe ẹvbo ne a gba odin gaa, ọ na we ne ivbiyokuo ẹre guọghọ ekẹn gberra.

II Krọnikol 32:2

E Hẹzekaia ghi miẹn wẹ te Senakẹrib vbe ho ne ọ mu okuọ la e Jerusalẹm.

Nehimaia 11:32

Anatọt, e Nob, Ananaia.

Aizaia 1:8

E Jerusalẹm okpa ne ọ ghi kẹe, ẹvbo ne okuo gha gae nọ, ọ kegha re ne ẹ i mwẹ emwi ne ọ degue ẹre, zẹ vbene irhu abodẹ ne ọ rre uwu ogba azara ye, ra irhu ne ọ rre ugbo ẹyẹn.

Aizaia 10:24

E Nọyaẹnmwa ne Ogie ne Udazi keghi tama emwa rẹn ni rre Zaiọn wẹẹ, “Wa ghẹ gie afianma ivbi Asiria fian uwa, a gha rhe miẹn wẹ iran wọ uwa uhunmwu vbene ivbi Izrẹl ka vbe gha ru ẹe.

Aizaia 10:31

Ivbi e Madmena kevbe Gebim gha lẹ ne obọ ghẹ vba iran ya gbe.

Aizaia 11:15

E Nọyaẹnmwa gha ka e Suẹz muotọ, ọ ghi ya ẹhoho ne ọ mwẹ ọghae ka Ẹzẹ Yufretes muotọ ọ ghi sẹ ivbiẹzẹ tẹghẹtẹghẹ kẹkan rae sẹrriọ wẹ ọmwaikọmwa sẹtin ye owẹ fian ẹn rra.

Aizaia 13:2

Tọn afiala okuo nii mu vbe uhunmwu oke ne ọ dihoi rua nii. Da tie avbe ivbiyokuo nii ne u vbe tọn obọ ruẹ mu da iran zẹ vbe igiemwi wẹ ne iran dekun onurho ẹvbo ne ọ tengbemu nii.

Aizaia 16:1

Emwa e Moab keghi mu oteghe ohuan ke Sẹla rre, ne ọ rre ato ya haa oko gie iran nikhaemwisẹ vbe Jerusalẹm.

Aizaia 19:16

Ẹghẹ dee ne ohan gha na gha mu ivbi Igipt zẹ vbe ikhuo. Ohan gha mu iran, iran ghi gha guọ zẹzẹzẹ vbe iran a miẹn wẹẹ e Nọyaẹnmwa ne Oghodua niẹn obọ ẹre ladian ne ọ ya rri iran oya.

Aizaia 2:2

Vbe ẹdẹ ne ọ dee, uhunmwu oke ne a gha bọ Ọgua Osa yi, ghi gha re uhunmwu oke ne ọ yo sẹẹ ehia ọ ghi gha ghe avbe oke hia uhunmwu. Agbọn ẹvbo nibun gha rre, iran ghi gha bi la rọ.

Aizaia 29:2

ne Osanobua si ọkhọ la rọ ighe ẹvbo nii ne a tie ẹre “ogiukpo Osanobua.” Eve kevbe irria-kọn gha rrọọ, ẹvbo nii hia ghi do yevbe Ogiukpo ne a ya esagiẹn gue ya sẹ otọ.

Aizaia 37:22

e Nọyaẹnmwa khare wẹẹ, “Ore nọkhua e Jerusalẹm gha giọ, wẹ ne Senakẹrib, ọ ya a gbe ogiẹ.

Aizaia 8:8

Iran gha bi la e Juda gberra zẹ vbe amẹ ne ọ lẹ, ọ ghi ro ya sẹ izabọ, ọ ghi ro gue emwi hia.” Osanobua rrọọ yaba mwa, ifuẹn ọnrẹn ne ọ rhan rẹn degue otọe mwa.

Jerimaia 6:23

Iran viọ uhanbọ kevbe umozo iran nẹ, emwa ni mwẹ ekhọe ne ọ rri kevbe ne ẹ i mwẹ itohan ọre iran khin. Urhu iran yevbe ọghe okun ne ọ davan vbe iran hin ẹsin iran khian. Iran mu egbe ne iran ya khọn e Jerusalẹm.”

Maika 1:9

A i sẹtin kpe ẹwẹn e Sameria rrie, emwi vberriọ gha mian e Juda ban, ọfuan sẹ onurho e Jerusalẹm tobọ ẹre nẹ, ehe ne emwa mwẹ ye.”

Zẹkaraia 2:9

“E Nọyaẹnmwa tobọ ẹre gha gu uwa gbinna, avbe emwa ni te ka gha re eguọmwadia uwa yi gha fu uwa emwi viọ.” Ọna ghẹ ghi sunu nẹ, emwa hia gha rẹn wẹ e Nọyaẹnmwa ọ re ọ gie mwẹ.

I Samuẹl 21:1

E Devid keghi bu Ahimẹlẹk ne ohẹn vbe Nob. Ahimẹlẹk guọ vbe ọ do vbe ẹre, ọ nọ rẹn wẹẹ, “Vbe uwẹ ọkpa na gha di edinran hẹ yi?”

I Samuẹl 21:2

E Devid keghi wanniẹn wẹẹ, “Ọba ọ re ọ gie mwẹ uhunmwu. Ọ wẹ ne I ghẹ tama ọmwa rhọkpa uhunmwu ne irẹn gie mwẹ re. Zẹ vbe ọ ghe emwa ne I hẹ khian, I tama iran nẹ ehe ne iran gha na do vba mwẹ.

I Samuẹl 22:19

E Sọl kevbe gie ne a gbele emwa ọvbehe ni rre Nob ne ẹvbo avbe ohẹn ikpia kevbe ikhuo, emobọ kevbe emowẹ, ẹmila, ẹsin kevbe ohuan, a keghi wa gbele ehia a.

I Samuẹl 22:9

E Doeg ne ovbi ẹvbo Idọm wa mudia ba emwa e Sọl vbe ẹghẹ ne a kha na, ọ keghi kha wẹẹ, “I miẹn e Devid vbe ọ la ọghe Ahimẹlẹk ne ovbi Ahitub, vbe Nob.