Aizaia 10:27 - Edo Bible (E Baibol Ẹdo) Version 1996

²⁷ Ẹghẹ nii gha sẹ I gha fannọ uwa yotọ hin obọ ẹtin Asiria rre, urọnghọn iran i ghi ra ye dọlegbe gha re ihẹ vbe izabọ uwa.”

Aizaia 10:27 ပူးပေါင်းရင်းမြစ်များ

II Samuẹl 1:21

“Amẹ i ghẹ dọlegbe rhọ, ra ne evbu tuo vbe oke Gilboa, te otọ ẹre hia gha de ihoi rua. Rhunmwuda, evba asa iran ni din ne a fara ye. Ọtọn ma rhu asa ọghe Sọl.

Psalm 105:15

“Wa ghẹ kuan eguọmwadia ne I zẹẹ egbe, wa ghẹ ya obọ kan avbe akhasẹ mwẹ.”

Psalm 132:10

U ve Devid ne ọguọmwadia ruẹ emwi, ghẹ he ọba ne u hannọ zẹ ye otọ Nọyaẹnmwa.

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 20:6

Eban nian, mẹ rẹnrẹn wẹ, e Nọyaẹnmwa rhie akhọnmiotọ ne ọba ne ọ hannọ zẹ. Ọ wanniẹn ọre ẹmwẹ, ke ẹrinmwi ne ọ huanrẹn ọghọe rre ọ ghi vbe ya ẹtin ẹnrẹn rhie akhọnmiotọ nekhua ne ẹẹn.

Psalm 45:7

Wẹ ho ẹmwẹ emwi ne ọgbae u keghi khuiwu emwi ne ẹ i maa ọnii ọ re ọ siẹe ne Osanobua awẹ Osanobua ruẹ na hannọ uẹn zẹ ọ na ya ọyẹnmwẹ wẹ uẹ sẹẹ avbe ọba nekpa hia.

Psalm 81:6

“I mu ihẹ hin uwa uhunmwu rre, I sie uwa ihẹ ọghe ibiriki.

Psalm 84:9

Osanobua, fiangbe ọba mwa Ọba ne uwẹ hannọ zẹ.

Aizaia 14:25

I gha rẹnkhẹn ivbi Asiria ni rre otọe Izrẹl ne ọghomwẹ, I ghi ya owẹ rrilo iran ginna otọe vbe uhunmwu oke mwẹ, I gha fannọ emwa mwẹ yotọ hin urọnghọn Asiria rre kevbe hin ihe ne a wẹ ne iran mu.

Aizaia 30:23

Ẹghẹ ikẹghẹ ne uwa a rhirhi ya kọ emwiokọ, e Nọyaẹnmwa gha rhọ amẹ yọ ne ọ ya zọ, ọ gha gie emwiokọ uwa maa ẹsẹse, avbe ẹmila uwa ghi gha mwẹ oha ne iran na rria ne ọ maa ẹsẹse.

Aizaia 37:35

I gha gbinna ne ẹvbo na, I gha vbe degue ẹre, rhunmwuda uyi mwẹ kevbe rhunmwuda eyan ne I yan ma e Devid ne ọguọmwadia mwẹ.’ ”

Aizaia 52:2

Jerusalẹm, bọnmwẹ idobo kua vbe egbe kpaegbe vbe ebubẹ, ne u tota ye ẹkete ruẹ, wa rhan eghan ni de uwa, wa ne avbe oghunmwu ne ivbi e Zaiọn!

Aizaia 55:2

Vbọzẹ ne uwa na lo igho ye avbe emwi ne ẹ i vuọn ẹko yi? Vbe uwa ghi na lo igho ne uwa miẹn hẹ, ohanmwẹ ghi ye gha gbe uwa? Wa danmwehọ mwẹ, ne uwa vbe ru vbene I khare, wa gha miẹn evbare ne ọ maa sẹ gha re.

Aizaia 9:4

Rhunmwuda, wẹ bun urọnghọn ne ọ te mianmwẹ iran nẹ! Kevbe ukpokpo ne ọ te gbe iran izabọ wẹ khọn ẹvbo ne ọ te zẹ emwa ruẹn kpokpo ne ọ na vbe do iran ọzuọ ne zẹ vbene u ka khọn ivbiyokuo e Midian vbe ẹghẹ ne ọ kpee fua.

Jerimaia 30:8

E Nọyaẹnmwa ne Oghodua khare wẹẹ, “Ọ gha sẹ ẹdẹ ne ẹdẹrriọ. I gha bun urọnghọn ne ọ rre iran urhu, I ghi vbe rhan iran ọgiọrọ hẹ kua. Iran i khian ghi vbe gha re eviẹn avbe erhunmwuyẹn ọvbehe.

Ezikiẹl 30:18

Ebiebi gha so yan e Tapanhes vbe I a ghi guọghọ ẹtin Igipt, I ghi kie ẹre ukpẹ ighe ẹtin ne iran ya ghagha. Amẹ ne ọ bi gha degue Igipt. Emwa ni rre avbe okpẹvbo ẹre hia ghi khian ne a viọ ẹre oghunmwu.

Levitikọs 7:35

Ehe ne a viọ ne Nọyaẹnmwa vbe evbare nii, ne Nọyaẹnmwa ghi vbe viọ ne Errọn kevbe ivbi ẹre vbe ẹdẹ ne a ma iran ohẹn, ọre ena khin.

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Iyẹn ne ọ Maan Ọghe Jọn 1:41

Vbe ọwarọkpa nii, Andru keghi miẹn Saimọn ne ọtiọnrẹn, ọ keghi tama rẹn wẹẹ, “Ma miẹn nene Mẹzaia nẹ.” (Emwi ne a ya ọnii kha ọrọre “Kristi.”)

Iwinna 4:27

Vbe ẹmwata, Hẹrọd kevbe Pọntiọs Pailet deba iran Ni ma yayi kevbe emwa Izrẹl, ore ẹvbo na iran na ko iko Jesu ne Ọguọmwadia ruẹ Ne ọ huanrẹn ne uwẹ ya ru Mẹzaia.

I Jọn 2:20

Sokpan, Kristi tue Orhiọn Ne Ọ Huanrẹn yan uwa nẹ, rhunmwuda ọnii, wa hia rẹn nene ẹmwata nẹ.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.