Aizaia 10:26 - Edo Bible (E Baibol Ẹdo) Version 1996

²⁶ Mẹ ne Nọyaẹnmwa ne Udazi gha ya asan gbe iran zẹ vbene I ru ivbi e Midian vbe Okuta Orẹb. I gha rri Asiria oya zẹ vbene I rri Igipt oya.

Aizaia 10:26 ပူးပေါင်းရင်းမြစ်များ

II Ọba 19:35

Ọ ghi sẹ akọn nii, odibo e Nọyaẹnmwa keghi la agọ ivbi e Siria, ọ na gbele ivbi iyokuo arriaisẹn isẹn yan iyihinrin (185,000). Ẹdẹ ghi gbe vbe ẹdẹ ne ọ lele ẹe, ehia keghi khian orinmwi.

Psalm 35:23

Guọnmwegbe kpaegbe Nọyaẹnmwa, ne u do gbinna mẹ. Osanobua mwẹ, kpaegbe ne u mu ẹzọ mwẹ gui.

Psalm 83:11

Ru avbe ọkaolotu iran, zẹ vbene u ru ghe Orẹb kevbe Zib, khọn iran ni kha yan iran, zẹ vbene u ru e Zeba kevbe Zalmuna.

Ẹksọdọs 14:16

Tọn ọkpọ ruẹ mu ne u niẹn obọ da okun, ne u wannọ ẹn ne ivbi Izrẹl miẹn ehe na la otọ nọkae fian okun rra.

Aizaia 10:24

E Nọyaẹnmwa ne Ogie ne Udazi keghi tama emwa rẹn ni rre Zaiọn wẹẹ, “Wa ghẹ gie afianma ivbi Asiria fian uwa, a gha rhe miẹn wẹ iran wọ uwa uhunmwu vbene ivbi Izrẹl ka vbe gha ru ẹe.

Aizaia 11:16

Odẹ nọ vbẹe ọkpa gha la Asiria ladian ne avbe ivbi Izrẹl ni miẹn uhunmwu vbe evba, zẹẹ vbene ọ vbe gha rrọọ ne avbe erha iran odede vbe iran kpao vbe Igipt rre.

Aizaia 30:30

E Nọyaẹnmwa gha gie emwa hia họn urhu ẹre ne ọ la ne iran vbe rẹn vbene ohu ẹre ye hẹ. Ogidi erhẹn gha rrọọ, okuku amẹ ne ọ mu waa, okpẹhoho kevbe okpamẹ.

Aizaia 30:31

Ivbi Asiria gha runran vbe iran a họn urhu e Nọyaẹnmwa, ighẹ obọ udamwẹ oya ne ọ rri emwa re sẹ iran egbe.

Aizaia 30:32

E Nọyaẹnmwa gha fi iran emwi yan egbe yan egbe, avbe emwa rẹn ghi gha kpe ema kevbe ukusẹ yọ. Osanobua tobọ ẹre ọ re ọ ra gu ivbi Asiria gbinna.

Aizaia 9:3

Wẹ rhie oghọghọ nọkhua ne iran Nọyaẹnmwa; u ya ẹko iran gha rhiẹnrhiẹn iran ghọghọe ye iwinna ne u winnaẹn zẹ vbene emwa ghọghọ vbe iran a gha rhọ emwiorhọ ra vbe iran a gha ghae emwi ne iran gbinna ẹn viọ vbe okuo.

Aizaia 9:4

Rhunmwuda, wẹ bun urọnghọn ne ọ te mianmwẹ iran nẹ! Kevbe ukpokpo ne ọ te gbe iran izabọ wẹ khọn ẹvbo ne ọ te zẹ emwa ruẹn kpokpo ne ọ na vbe do iran ọzuọ ne zẹ vbene u ka khọn ivbiyokuo e Midian vbe ẹghẹ ne ọ kpee fua.

Arhie Maan 11:18

Okuosu keghi yi iran ne ni ma yayi, rhunmwuda ọsẹ ẹghẹ ne ohu ruẹ gha ya rre, ne a do bu ohiẹn iran ni wulo nẹ. Ẹghẹ sẹe ne a gha ya san, avbe akhasẹ ne eguọmwadia ruẹ ẹse, ke avbe emwa ruẹn, ni mu ohan ruẹn, ni kpọlọ kevbe ni kanmwa. Ẹghẹ sẹe ne a ya fuẹn iran an ighẹ iran ni fuẹn agbọn uan.”

Arhie Maan 19:15

Umozo ne ọ mu ne ọ ra ya khọn uhunmwu ẹvbo hia mu otọ kegha ke unu ẹnrẹn ladian. Ọkpọ ematọn ọre ọ khian ya gha khaemwisẹ yan iran, ọ gha vbe balọ ayọn ne ọ rre uwu okọ izohu Osanobua ne Oghodua ladian.

Giọgis 7:25

Iran keghi khọn munọ ekhaẹmwẹ e Midian eveva, Orẹb kevbe Zib. Iran keghi gbe Orẹb ye okuta Orẹb, kevbe Zib ye ehe ne Zib na dunmwu ọka. Iran na ye gha khu ivbi e Midian khian, iran munọ uhunmwu Orẹb kevbe Zib gie Gidiọn vbe odẹ ahọ Jọdan ne irẹn gha ye.