Aizaia 10:22 - Edo Bible (E Baibol Ẹdo) Version 1996

²² A gha rhe miẹn wẹ banbanna, te ivbi Izrẹl ye vbe ekhae ni rre ọkpẹn okun vbe ubunmwẹ, ibozẹghe ọ re ọ ra werriegbe rre. Ọfuan wa diakhẹ emwa na, vbene ọ wa ma iran zẹẹ.

Aizaia 10:22 ပူးပေါင်းရင်းမြစ်များ

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

I Ọba 4:20

Ivbi e Juda kevbe Izrẹl kegha bun zẹ vbe ikpekhae ni rre ọkpẹn okun, iran kegha re, iran na gha da, ẹko kegha sẹ ehia ọyẹnmwẹ.

II Ọba 19:31

A gha miẹn emwa ni gha miẹn uhunmwu vbe Jerusalẹm kevbe oke Zaiọn rhunmwuda e Nọyaẹnmwa ta ẹe nẹ ighẹ rẹn gha ru ẹe.

Aizaia 37:31

Iran ni ghi miẹn uhunmwu vbe Juda, agbọn gha wa ma iran ẹsẹse, iran gha yevbe erhan ne ọ gie inian rẹn dinmwi ye uwu otọ ẹsẹse, ọ ghi vbe gha mọ ẹsẹse.

Aizaia 46:3

“Wa danmwehọ mwẹ, wa ne ivbi uniẹn e Jekọb, wa hia ni ghi kẹe vbe emwa mwẹ, te I gha gbearoghe uwa ke ẹghẹ ne a ya biẹlẹ uwa gha dee.

Aizaia 48:19

Ivbi uniẹn uwa gha a bun zẹvbe ikpekhae mẹ gha vbe ru ẹe ne a miẹn wẹ a ma fuẹn iran an ẹdẹdẹmwẹdẹ.”

Aizaia 59:20

E Nọyaẹnmwa tama emwa irẹn wẹẹ, “I gha rrie Jerusalẹm ne I do gbinna ne uwa, kevbe ne I do miẹn uwa hia ni zobọ vbe orukhọ uwa fan: Te imẹ ghi gu uwa ta ile na:

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Aizaia 6:13

Gia kha wẹ arhiọnkpa kẹkan miẹn uhunmwu vbe uwu arhin igbe vbe otọe nii, te a ra ye vbe fuẹn irẹn uan, ọ ghi yevbe ut ukhunmwu erhan okan ne a tọn gbe otọ nẹ.” (Ut ukhunmwu ni mudia ye omuhẹn ọgbọn ne emwa Osanobua.)

Aizaia 60:22

Uhin wẹ ẹgbẹe ne ọ kanmwa sẹ ke ne ọ rriotọ sẹẹ gha do gha kpọlọ zẹ vbe uhunmwu ẹvbo ne ọ mwẹ ẹtin. Ọ gha sẹ ẹghẹ ne ọ kei yi, I gha ru ẹe ne ọ na sunu ẹgiẹgiẹ. Mẹ ọrọre Nọyaẹnmwa.”

Aizaia 65:8

E Nọyaẹnmwa khare wẹẹ, “A i miẹn ọmwa ne ọ viọ alimo azara ne ọ maa kua, sokpan, te iran ya ẹe ru ayọn. Erriọ vbe nọ, mẹ i ra fuẹn emwa mwẹ hia a, I gha miẹn iran ni ga mwẹ vbọ fan.

Aizaia 8:8

Iran gha bi la e Juda gberra zẹ vbe amẹ ne ọ lẹ, ọ ghi ro ya sẹ izabọ, ọ ghi ro gue emwi hia.” Osanobua rrọọ yaba mwa, ifuẹn ọnrẹn ne ọ rhan rẹn degue otọe mwa.

Jerimaia 3:14

“Wa ne emwa ne ai gha ekhọe ẹre, wa werriegbe rre, ọghomwẹ ọ re uwa khin, I gha rhie ọkpọkpa vbe uwu uwa ke dọmwadẹ okpẹvbo ladian, kevbe eveva ke dọmwadẹ ẹwae rre, I ghi viọ uwa werriegbe gha die Oke Zaiọn.

Jerimaia 44:28

“Sokpan, ibozẹghẹ vbe uwu uwa gha miẹn uhunmwu, wa ghi werriegbe ke Igipt gha die Juda. Iran ni miẹn uhunmwu nii ọ re ọ ghi ra rẹn ne ẹmwẹ ọnrẹn ghi sẹẹ vbọ, ọghomwẹ ra ọghe iran.

Daniẹl 9:27

Ọmwa ne ọ rre asẹ nii gha gu emwa nibun ke ọta ne ọ deziẹn la ukpo ihinrọn, a ghẹ ghi wa ẹghẹ ne a kha na ye ihe eva nẹ, ọ gha wẹ ne a dobọ ese ne a zọ kevbe izọhẹ yi. A gha ya mu Emwikhọ Ugborrirri. Ye ehe ne ọ mwẹ uyi sẹẹ vbe Ọgua Osa, ọ ghi vbe gha rre evba ọ te do sẹ ẹghẹ ne ọ gha ya rri ọghọe fo zẹ vbene Osanobua mwamwa khẹ ọre.”

Hozia 1:10

Ivbi Izrẹl gha do gha yevbe ikpẹ ekhae ni rre okun, iran ghi gha re ne a i sẹtin ka ra ne a mwa rẹn. Banbanna nian Osanobua tama iran wẹẹ, “Wa i re emwa mwẹ.” Sokpan, ẹdẹ dee ne ọ gha tama iran wẹẹ, “Wa ọrọre ivbi Osanobua ne ọ rrọọ!”

Iwinna 17:31

Rhunmwuda ọ bu ẹdẹ ọkpa ye otọ nẹ ne irẹn gha wẹ ne ọmwa ne irẹn hannọ zẹ nẹ, bu ohiẹn agbọn na hia vbe ne a i na bu eku. rẹn keghi vbe gie aro emwa da ọ na vbe ekpa ne ọna huẹn ọmwa ne a kha na kpaegbe vbe idin orinmwi!”

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

Arhie Maan 20:8

Rẹn ghi ladian ya gha mu iran rẹrẹ ighẹ agbọn ẹvbo hia ni tagha gba uhunmwu otọ agbọn, ọnii nọ wẹ Gọg kevbe Magọ, Setan ghi silo iran hia koko ne iran do gbinna, emwa ni bun vba ekhae nii rre okun,