Aizaia 10:17 - Edo Bible (E Baibol Ẹdo) Version 1996

¹⁷ Osanobua ne uwanmwẹ Izrẹl gha khian erhẹn, Osanobua Nọhuanrẹn ọghe Izrẹl gha khian ogidi erhẹn ne ọ gha giẹn emwi hia a vbe ẹdẹ ọkpa, ya sẹ egbe ogigban kevbe ọkọsọ.

Aizaia 10:17 ပူးပေါင်းရင်းမြစ်များ

Psalm 18:8

Ighogho vẹ ke uvun ihue ẹre ladian, aranmwẹ erhẹn ne ọ giẹn emwi uan kevbe ogiọnmwẹ erhẹn ne ọ giẹn, keghi ke unu ẹnrẹn ladian.

Psalm 21:9

Ọ gha fuẹn iran hia a zẹvbe okperhẹn, vbe irẹn a ladian. Nọyaẹnmwa gha fuẹn iran an vbe ohu ẹre, erhẹn gha giẹn iran an.

Psalm 27:1

E Nọyaẹnmwa ọrọre uwanmwẹ mwẹ kevbe imiẹnfan mwẹ, de ọmwa ne ohan rẹn gha mu mwẹ? E Nọyaẹnmwa, ọ re ọ degue mwẹ, hin uwu ẹbe hia, afianma i ghi fianmwẹ.

Psalm 50:3

Osanobua mwa dee sokpan, ẹ i ra do rre okperhẹn ne ọ giẹn emwi hia rre odaro ẹre okpẹhoho ne ọ dunmwu emwi hia lẹga ẹre.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Psalm 97:3

Erhẹn ke odaro ne ẹẹn, ọ keghi giẹẹn avbe eghian rẹn lẹga ẹre.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 27:4

Ohu ogba azara nii i ghi mu mwẹ ọvbehe, adeghẹ igban kevbe ọkọsọ rrọ ne a gha gu khọn, I gha giẹn ehia fẹẹrẹ.

Aizaia 27:7

E Nọyaẹnmwa ma he rri Izrẹl oya ne obọ da ẹe zẹ vbene avbe eghian rẹn ye, emwa ni bun vbe ọghe iran ma he vbe wulo vbọ.

Aizaia 30:33

Ẹghẹ ne ọ kpẹre ne ọ gberra, ọ re a na dọlọ ihe ọkpa yotọ ne a ra na ya ogidi erhẹn giẹn ọgbaisi ọghe Asiria. Ọ dinmwi, ọ vbe vbẹ, a keghi wa silo erhan vuọn ọnrẹn. E Nọyaẹnmwa ghi hiọnrọn erhẹn ladian ne ọ ya hie erhẹn yọ.

Aizaia 31:1

Ọ ghe iran ni ya gha nọ iyobọ vbe Igipt fo. Emwi igbinna ọrhẹnrhẹn ne Igipt mwẹ ọ re iran mu ẹtin yan, avbe ẹsin, ikẹkẹ okuo kevbe ivbiyokuo sokpan iran ma mu ẹtin yan e Nọyaẹnmwa, ne Osanobua nọhuanrẹn ọghe Izrẹl, ra ne iran nọ iyobọ vbe obọ ẹre.

Aizaia 31:9

Ọgbaisi iran gha ya ohan lẹ fua. Ohan gha vbe mu avbe ọkaokuo iran sẹrriọ wẹ iran gha lẹ sẹ afiala okuo iran rae ye okuo.” E Nọyaẹnmwa guan nẹ. E Nọyaẹnmwa ne a ga vbe Jerusalẹm kevbe ne erhẹn ne a ya zọ ese ne ẹẹn, baa vbe evba.

Aizaia 33:12

Te uwa ra guọghọ sotọ zẹ vbe okuta nọkhua ne a ya erhẹn giẹn nẹ a ya ru orhue ne a ya dọlọ, kevbe igban ne a giẹn ya ru emuẹn.

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Aizaia 37:23

De ọmwa ne uwẹ ro ighẹ u kpa unu ghe, ne u vbe ya ukpe sakan yi? U ma ya ọghọ mẹ, mẹ ne Osanobua nọhuanrẹn ọghe Izrẹl.

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Aizaia 47:14

“Te iran ra gha yevbe iku irunmwu ni bunnọẹn erhẹn ghi giẹn ehia a! Iran i ra kue sẹtin miẹn egbe iran fan erhẹn ni gha yọn ne iran gbe, ẹ i re erhẹn kherhe ne a ghae.

Aizaia 60:19

“Ovẹn i ghi ra gha re uwanmwẹ ruẹn vbe avan ọvbehe, ra ne uki gha re uwanmwẹ ruẹn vbe asọn, mẹ ne Nọyaẹnmwa ọ re ọ ra gha re uwanmwẹ ruẹn ọghe etẹbitẹ. Uwanmwẹ uyi mwẹ gha wan mu uwẹ egbe.

Aizaia 66:24

“Iran gha wa kpao nii, iran gha miẹn ikun avbe iran hia ni sọtẹ mwẹ, ọkhọe ne ọ rri iran i wu ẹdẹ, erhẹn ne ọ giẹn iran i vbe dọyọ ẹdẹ. Emwi ne ọ mianmwẹ ughe ọ re iran ra gha khin ne emwa nagbọn.”

Aizaia 9:18

Uyinmwẹ dan emwa nii gha to vbe erhẹn ne ọ giẹn ẹti oha igban, ọ gha giẹn vbe erhẹn ẹgbo ne ọ zẹ okpighogho ghe odukhunmwu.

Jerimaia 4:4

Wa ya ile ne uwa gu imẹ ne Nọyaẹnmwa uwa ta gha ru emwi, ne uwa ye egbe uwa fiohan mẹ, wa ne ivbi e Juda kevbe ivbi e Jerusalẹm. Adeghẹ wa ma ru vberriọ, ohu mwẹ gha vẹn zẹ vbe erhẹn rhunmwuda emwi dan hia ne uwa he ru. Ọ gha vẹn, orhunmwu ọkpa ne ọ gha dọ ẹre yọ irrọọ.”

Jerimaia 7:20

Rhunmwuda ọnii, mẹ ne Nọyaẹnmwa ne Udazi gha gie ohu mwẹ ne ọ mwẹ ọghae hihiẹn yan Ọgua Osa na. I gha hihiẹ ọe yan emwa nagbọn kevbe avbe aranmwẹ oha, uhin ya sẹ egbe erhan kevbe emwiokọ. Te ohu mwẹ ra ye vbe erhẹn na i miẹn ọmwa ne ọ gha sẹtin dọ ẹre yọ.

Nahum 1:10

A gha giẹn uwa a, zẹ vbe igban ni kinnọ egbe kevbe ebe ne ọ kakae.

Zẹfanaia 1:18

Vbe ẹdẹ nii ne Nọyaẹnmwa gha rhie izohu ẹre maa, igoru kevbe esiliva iran hia ne ọ gha sẹtin miẹn iran fan, ẹ i rrọọ. Erhẹn ohu ẹre gha fuẹn agbọn na hia a. Ọ gha rhie ufomwẹ udomwurri ye ẹmwẹ emwa ni rre agbọn na hia.

Zẹkaraia 12:6

“Ọ gha sẹ ẹghẹ nii, I gha ru ẹe ne ẹwae ni rre Juda gha ye vbe erhẹn ne ọ rre otọe ẹgbo ra ni rre ugbo ọka ne ọ wo nẹ, iran gha fuẹn avbe ẹvbo ni lẹga iran an. Ivbi e Jerusalẹm ghi gha rrọ vbe ne ẹkun na sẹ iran otọ vbe ore ẹvbo.

Nọmbas 16:35

E Nọyaẹnmwa keghi gie erhẹn ne ọ giẹn iran an ighẹ iran ekigbe siyeha yan uri (250) ni viọ eturari ni rre.

Matiu 3:12

Ọ rhie ahẹn ne ọ ra ya khan ọka mwẹ obọ, ọ gha viọ ọka la owa, ọ ghi ya erhẹn ne ẹ i dọyọ giẹn ihunhun ni rrọọ.”

Diuteronomi 4:24

Rhunmwuda Osanobua uwa i ho ne a gha gu ẹe mwa ẹrrẹe, te ọ yevbe erhẹn ne ọ baa gidigidi.

Hibru 12:29

Rhunmwuda Osanobua mwa, erhẹn ne ọ fuẹn emwi uan nọ.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.

Arhie Maan 22:5

Asọn i ghi khian gha rrọọ ọvbehe, iran i ghi khian vbe gha gualọ ukpa ra ovẹn ne ọ yunmwu, rhunmwuda Nọyaẹnmwa ọre ọ khian gha re uwanmwẹ iran, iran gha khaemwisẹ zẹ vbe ọha ẹdẹ kevbe ẹdẹdẹmwẹdẹ.