Aizaia 10:13 - Edo Bible (E Baibol Ẹdo) Version 1996

¹³ Ọgbaisi Asiria gha rhuọ, ọ wẹẹ, “Ekuabọ mwẹ ọ re I ya ru ehia, I wegbe, I waan, I vbe rẹn emwi. Mẹ ọ re ọ khiẹn uwu ne ọ rre ẹkpo uhunmwu ẹvbo hin rre, I ghi ya viọ evbare ne iran te ya gbakhua hinrre. I keghi ya igiawẹ gbele emwa ni rre evba vbene ekhuia ẹmila ru.

Aizaia 10:13 ပူးပေါင်းရင်းမြစ်များ

II Ọba 15:29

Ẹghẹ ne Pẹka na gha re ọba, ọre Tiglat Pailesa ne ọgbaisi Asiria na khọn munọ avbe ẹvbo na, Ijọn, Ebel Bẹt, Maka, Janoa, Kedẹs kevbe Hazọ, kevbe otọ e Giliad, e Galili kevbe Naftali, ọ keghi viọ emwa ni rrọ oghunmwu gha rrie Asiria.

II Ọba 16:8

Ehaz keghi viọ esiliva kevbe igoru vbe Ọgua Osa kevbe aza ẹguae, ọ na ya ehia haoko gie ọba nọkhua nii.

II Ọba 17:24

Ọba Asiria keghi viọ emwa ke Babilọn gha dee kevbe Kut, Iva, Hamat kevbe Sefavim, ọ na do wẹ ne iran yin avbe ẹvbo e Sameria, ne iran do rhie ihe ivbi Izrẹl ne a hẹ gha rrie iwe. Iran keghi munọ avbe otọe na, iran na yin ẹnrẹn.

II Ọba 17:6

ne ọ vbe re ukpo ogihinrin ne Hosia la ẹkete, ọba Asiria keghi khọn e Sameria muotọ, ọ keghi hẹ ivbi Izrẹl oghunmwu gha rrie Asiria, ọ keghi viọ eso gha rrie ẹvbo e Hala ne iran yin evba, eso kegha rre ọkpẹn Ẹzẹ Habọ vbe otọ e Gozan, eso kegha rre ẹvbo e Midia.

II Ọba 18:11

Ọgbaisi ọghe Asiria keghi viọ ivbi Izrẹl gha rrie Asiria zẹ vbe oghunmwu, ọ keghi ya viọ iran ye ẹvbo ne a tie ẹre Hala, eso kegha rre ọkpẹn ẹzẹ ne a tie ẹre Habọ vbe otọe Gozan, eso kevbe gha rre otọe Medis.

II Ọba 18:15

E Hẹzekaia keghi viọ esiliva ni rre Ọgua Osa hia gie ẹe kevbe ni rre aza ẹguae.

II Ọba 18:32

ọ te do sẹ ẹghẹ ne Ọgbaisi gha na viọ uwa ne uwa ya yin ẹvbo ọvbehe ne ọ vbe yevbe ọghe uwa, ehe ne uwa gha na miẹn gha re wa ghi vbe miẹn gha da, otọe emwiokọ esiesi kevbe ọghe owọn ọre otọe nii khin. Deghẹ wa ru vbene ọ khare, wa ira wulo, wa gha miẹn uhunmwu. Wa ghẹ gie Hẹzekaia do uwa ọzuọ ne ọ tama uwa wẹ e Nọyaẹnmwa gha miẹn uwa fan.

I Krọnikol 5:26

Ẹre Osanobua na ru ẹe ne Pul ne ọba nọkhua ọghe Asiria, (Rẹn a vbe tie ẹre Tiglat Pailesa) ya khọn ẹvbo nii. Ọ keghi munọ avbe ẹwae Riubẹn, e Gad ke odẹ Ahọ e Manasẹ oghunmwu kpao, ọ na ya viọ iran ye Hala, e Habọ kevbe Hara ke ọkpẹn Ẹzẹ Gozan ne iran gha rre evba ẹdẹdẹmwẹdẹ.

Itan 28:11

Emwa ni fe ghi gha ro vbe ẹghẹ hia wẹ iran wan an; sokpan, ovbiogue ne ọ ghe umian uyinmwẹ ọmwa, rẹn sẹẹ ọre.

Aizaia 10:8

Rẹn keghi rhuọ wẹẹ, “Ọba ọ re ọkpọkpa vbe uwu avbe ọkaokuo mwẹ khin!

Aizaia 5:21

Ọghe uwa fo nẹ! Wa ro ighe uwa wan, ighe uwa guẹ emwi gbe.

Jerimaia 46:8

Igipt nọ, ọ gha guakpao zẹ vbe Naẹl zẹ vbe ẹzẹ ne ọ ro la oke ẹre, Igipt khare wẹẹ, ‘I gha ro gue agbọn hia, I gha fuẹn avbe okpẹvbo rua deba emwa ni rrọọ.

Jerimaia 48:14

“Ivbi e Moab, vbe uwa na kha hẹ yi ighẹ ọkhae wa khin? Ivbiyokuo ni din, ne a danmwẹ ghe nẹ vbe okuo.

Ezikiẹl 25:3

Tama iran wẹ ne iran danmwehọ vbene I kha hẹ, mẹ ne Nọyaẹnmwa ne Udazi: Ẹko rhiẹnrhiẹn uwa a vbe uwa miẹn wẹ a mu awua la uwu Ọgua Osa mwẹ, a duẹ ọre ua ighe otọ Izrẹl, kevbe vbe a viọ ivbi e Juda gha rrie iwe.

Ezikiẹl 26:2

“Ovbi ọmwa, ghe emwi ne ivbi e Taia wee ba. Iran gha go kha wẹ a guọghọ e Jerusalẹm nẹ! Ẹtin ẹki ne ọ te do fo. Ẹ i ghi gu ima suan ọvbehe!

Ezikiẹl 29:3

Tama rẹn wẹ ẹmwẹ ne Nọyaẹnmwa ne Udazi tama ọba Igipt ọ re ọna khin wẹẹ: Oghian rẹn ọ re I khin, wẹ ne Ugbogiorinmwi agbaka ne ọ rre uwu ẹzẹ. U khare wẹ ọwuẹ ọ re Naẹl khin ighe wẹ ọ re ọ yii ẹe.

Ezikiẹl 35:13

I họn ẹmwẹ ọpakharha ne u gha ta gun mwẹ.”

Daniẹl 4:27

Rhunmwuda ọnii nian, Umogun, u ghi rhie ude ne I bu ruẹ re. Da obọ orukhọ ne a ru yi, gha ru emwi ne ọ kere, vbe gha tohan avbe ivbiogue. Ẹghẹ nii, agbọn ghi gha ma ruẹn khian.”

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”

Emọs 5:27

Vbe ẹghẹ ne I gha na viọ uwa gha rrie iwe vbe odẹ vbe a gberra e Damaskọs nẹ.” Erriọ Nọyaẹnmwa ne a tie ẹre Osa ne Oghodua khare.

Emọs 6:13

Wa gha ghagha i ghẹ wa sẹtin khọn ẹvbo Lodeba. Wa gha rhuọ wẹẹ, “Te ima mwẹ ẹtin sẹ ọe ne ima na khọn e Kanaem.”

Habakọk 1:11

Iyeke ọnii, iran ghi bi gha khian vbe ẹhoho, iran rrie; ighe avbe emwa na ne ẹtin iran re ẹbọ ne iran gho.”

Habakọk 1:16

Uhin ighe te iran wa gho ọga iran, iran ghi vbe gha zọ ese ne iran, rhunmwuda, ọga iran ọ re ọ rhie emwi ne ọ ghi maa sẹ ne iran vbe emwi hia.

Habakọk 2:6

Emwa ne a khọn miẹn ẹre otọ gha zan iran, iran ghi vbe gha mu ohu iran. Iran ghi kha wẹẹ: “Wa viọ emwi ne ẹ i re ọghe uwa, sokpan, ọghe uwa fo! Vbe ọ gha kpee sẹhẹ, ne uwa gha khiẹn iran ni rri uwa osa obọ wẹ ne iran ha osa, ne uwa ya si ẹfe koko ne egbe uwa!”

Diuteronomi 8:17

Rhunmwuda ọnii, wa ghẹ ro ighẹ ẹtin kevbe iwegbe obọ uwa ọ re uwa ya họn ẹfe ne egbe rua.

Giọgis 7:2

E Nọyaẹnmwa keghi tama e Gidiọn wẹẹ, “Emwa ne u hẹ mwẹ bun gbe ne I gha gie ẹe khọnmiotọ vbe uhunmwu emwa Midian. Iran sẹtin gha ro ighẹ iran ọ tobọ iran khọnmiotọ, iran i vbe tian mwẹ.