Aizaia 10:12 - Edo Bible (E Baibol Ẹdo) Version 1996

¹² Sokpan, I gha ru emwi ne I ru vbe Oke Zaiọn kevbe Jerusalẹm nẹ, I gha rri ọgbaisi Asiria oya ye orhuọ hia ne ọ rhuọ kevbe uhiomwẹ ne ọ hio.

Aizaia 10:12 ပူးပေါင်းရင်းမြစ်များ

II Ọba 19:31

A gha miẹn emwa ni gha miẹn uhunmwu vbe Jerusalẹm kevbe oke Zaiọn rhunmwuda e Nọyaẹnmwa ta ẹe nẹ ighẹ rẹn gha ru ẹe.

Psalm 18:27

Wẹ miẹn iran ni mu egbe rriotọ fan sokpan, te uwẹ si iran ni tọn egbe mu kẹ otọ.

Psalm 21:10

Ọkpa ne ọ gha miẹn uhunmwu vbe ivbi uniẹn iran i rrọọ. Ọba gha gbele iran hia a fẹẹrẹ.

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Psalm 76:5

Avbe ivbiyokuo iran ni mwẹ ẹtin hia a bannọ emwi ne iran mwẹ hia kua, banbanna nian, iran gha vbiẹ ovbe uwu; iwegbe kevbe iguemwi iran hia keghi khian ekẹkan.

Itan 21:4

Emwa dan; a ma he miẹn egbe mwẹ ẹdẹ, kevbe itengbemu, ọ re ọ ye iran ru emwi. Orukhọ ọ re ena khin.

Itan 30:13

Emwa eso rrọ ni ro wẹ iran maa gbe a i miẹn ọmwa vbe ne iran ye hiehiere.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 2:12

Vbe ẹdẹ nẹdẹrriọ, e Nọyaẹnmwa ne Oghodua gha hie uhunmwu emwa ni mwẹ ẹtin hia rriotọ, iran hia ni hio, kevbe ni ya obọ rra ẹwẹe.

Aizaia 24:21

Ẹdẹ dee ne Nọyaẹnmwa gha rri avbe ẹtin ni rre odukhunmwu oya deba avbe iran nikhaemwisẹ vbe agbọn.

Aizaia 27:7

E Nọyaẹnmwa ma he rri Izrẹl oya ne obọ da ẹe zẹ vbene avbe eghian rẹn ye, emwa ni bun vbe ọghe iran ma he vbe wulo vbọ.

Aizaia 27:9

Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Aizaia 29:14

Rhunmwuda ọnii, I gha runran iran, vbe ne I gha na kinmwi iran yan egbe yan egbe vbe a ma ro a ma kọ. Iran ni te wan gha khian akpa, ẹwaẹn ne iran wẹ iran wan hia ghi do khian ekẹkan.”

Aizaia 33:1

Ọghe avbe eghian mwa fo nẹ! Iran rhare, iran rhie emwa maa, a gha rhe miẹn wẹ ọmwa rhọkpa ma rha iran ra ne a rhie iran maa sokpan, ẹghẹ ne iran ya rha, ke ne iran ya rhie ọmwa maa gha sẹ ufomwẹ, iran tobọ iran ghi do khian ne a ghi rha ke ne a ghi siuma rẹn.

Aizaia 37:23

De ọmwa ne uwẹ ro ighẹ u kpa unu ghe, ne u vbe ya ukpe sakan yi? U ma ya ọghọ mẹ, mẹ ne Osanobua nọhuanrẹn ọghe Izrẹl.

Aizaia 37:29

A do na iyẹn ma mwẹ nẹ vbene u gha vannọ kevbe vbene u gha rhuọ hẹ, banbanna nian, I gha ha ẹghọ ye uẹ ihue, I ghi gba ukhu ye uẹ akọn, I ghi mu ẹẹn la odẹ ne u la rre gha rrie.”

Aizaia 5:15

A gha fa edọmwadẹ ọghọe rua, a gha vbe mu edọmwadẹ ọghọe ne ọ tọn egbe mu rriotọ.

Aizaia 50:11

Wa hia ni si uma ne uwa fuẹn ẹrrẹe rua uma ne uwa si nii ọ re ọ ra fuẹn uwa a. E Nọyaẹnmwa tobọ ẹre ọ re ọ ra gie ẹe gha ye vberriọ ọkhọ ne ọ wegbe ọ re ọ ra rruan uwa.

Aizaia 65:7

ighẹ orukhọ iran kevbe orukhọ avbe erha iran odede. Iran giẹẹn eturari vbe uhunmwu oke ẹbọ, iran kevbe gha ya ukpe sakan mwẹ. Rhunmwuda ọnii, I gha rri iran oya zẹ vbene ọ khẹke orukhọ ne iran ru gberra.”

Aizaia 9:9

Avbe ivbi Izrẹl hia, avbe emwa hia ni rre ore ẹvbo e Sameria, gha rẹn wẹ ọ ru ọna nẹ. Banbanna nian, iran hia wa tọn egbe mu. Iran khare wẹẹ,

Jerimaia 25:29

Ẹvbo mwẹ ọ re I ra na suẹn iwinna ọ dunmwu an nii. Te iran ro wẹ iran gha lẹ ọre fe vbe ne a i na rri iran oya ra? Hiehiere, te a ra rri iran oya rhunmwuda, te I ra gie okuo gie emwa hia ni rre agbọn. Mẹ ne Nọyaẹnmwa ne Oghodua tae nẹ.

Jerimaia 50:18

Rhunmwuda ọnii, mẹ ne Nọyaẹnmwa ne Oghodua, Osanobua Izrẹl, gha rri Ọba Nebukiadneza kevbe ẹvbo ẹre oya, zẹ vbene I rri ọgbaisi ọghe Asiria oya.

Jerimaia 50:32

Okpẹvbo ruẹ ne u ye hio gha rrua owẹ, ọ ghi de, ọmwa ne ọ gha si ẹẹ kpaegbe, i rrọ. I gha mu erhẹn ye avbe okpẹvbo ruẹ, emwi ni rre eni hia ghi la ọ rhiae rrie.”

Ezikiẹl 31:10

“Rhunmwuda ọnii nian, Mẹ ne Nọyaẹnmwa ne Udazi gha tama uwa emwi ne ọ ra rruan erhan nii ne ọ gha tan khian ọ te ya sẹ ikpakpa iso. Vbene ọ ya tan khian nii, ọ re ọ vbe ya gha hio.

Ezikiẹl 31:14

Rhunmwuda ọnii, ke ẹghẹ na kpao, a i ghi miẹn erhan, ne ọ gha ye tan vberriọ ọvbehe vbene ọ khọnrẹn wẹ ne a gbe amẹ khakha ẹe sẹ hẹ, ẹ i ghi ra ya uhunmwu ha ikpakpiso gberra ọvbehe ne ọ ye ya tan sẹ vberriọ. Te iran hia ra wulo zẹ vbe emwa kẹkan, te iran ra ya egbe ba iran ni tuorre rrie ẹvbo iran ni wulo nẹ.”

Daniẹl 11:45

Ọ gha ya mu avbe owa ukpọn ọba ọghọe ne tẹgbẹẹ, ye ẹkpo okun kevbe oke nọkhua, ne a bọ Ọgua Osa yi sokpan, Ọ gha wu vbene ọmwa rhọkpa i ra na gha rre evba ne ọ gha yọre obọ.”

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Nọmbas 24:24

Iyokuo gha ke Saiprọs gua okọ rre iran gha khọn Asiria kevbe Babilọn mu otọ, sokpan iran tobọ iran gha vbe fuẹn uan ẹdẹdẹmwẹdẹ.”

Matiu 12:33

“Erhan esi ọre ọ mọ ọmọ esi. Erhan dan ọre ọ vbe mọ ọmọ dan, rhunmwuda ọmọ erhan ọre a ya rẹn erhan.

Matiu 15:19

Uwu ekhọe ọre iro nọ ya ọmwa ru emwi hia ke rre: izigha, oghẹ, uyinmwẹ ohọhọ hia, oyi, ohoghe, ọtakhọ.

Diuteronomi 32:27

Sokpan, mẹ i ra rhie otọ ne eghian iran ya gha rhuọ, wẹ iran khọn emwa mwẹ miotọ, vbe imẹ tobọ mwẹ dunmwu iran an nẹ.’

I Pita 4:17

Ọ sẹe nẹ nian ne ibuohiẹn gha ya suẹn, emwa Osanobua ọre a gha ka bu ohiẹn ọnrẹn. A deghẹ egbe ima ọre ọ na suẹn, vbe ọ ra gha ye hẹ vbe ufomwẹ ọnrẹn, vbe egbe iran ni ma ya Iyẹn Ne ọ maa ne ọ ke obọ Osanobua rre yi?