Aizaia 10:1 - Edo Bible (E Baibol Ẹdo) Version 1996

¹ Ọghe uwa fo nẹ! Wa ni yi uhi dan ne a ya gha wọ avbe emwa mwẹ uhunmwu.

Aizaia 10:1 ပူးပေါင်းရင်းမြစ်များ

I Ọba 21:13

Igbẹki eva nii keghi wa sirra emwa hia ba ẹre ifi ẹzọ wẹ iran họn vbe ọ kpa unu ghe Osanobua kevbe ọba. Rhunmwuda ọnii, iran keghi silo ẹe ladian hin ore ẹvbo rre, iran na filo okuta gbe ẹe rua.

Psalm 58:2

Hiehiere! Emwi dan ne uwa ra ru ọkpa, ọ re uwa zẹ iro ẹre, wa ghi vbe gha ru orukhọ ekhọe dan vbe otọe nii.

Ẹksọdọs 23:3

Ghẹ vbe zẹ ovbiogue ẹkpe vbe a gha bu ohiẹn ọnrẹn.

Ẹksọdọs 23:6

“A gha gui ẹzọ ivbiogue vbe uwu uwa wa ghẹ khiẹn ohiẹn bu gbe ẹe.

Aizaia 29:21

Osanobua gha fuẹn iran an ighe avbe emwa ni ta ẹrrẹe ọtakhọ, iran ne ẹ i gia rri emwa dan oya, iran ni ta ohoghe ne a ghẹ miẹn ehe na bu ohiẹn ẹmwata ne emwa esi.

Aizaia 3:11

Sokpan, ọghe avbe emwa dan fo nẹ. Emwi ne iran ka ru emwa ọvbehe re, ọ re a ghi ra vbe ru iran re na.

Aizaia 3:14

E Nọyaẹnmwa ra do buohiẹn avbe ediọn kevbe avbe ọkaolotu emwa irẹn, ọ baa iran ifi ẹzọ wẹẹ, “Wa ya de rhu avbe ogba azara, owa ọghe uwa vuọn ne emwi ne uwa miẹn avbe ivbiogue re.

Aizaia 5:11

Ọghe uwa fo nẹ! Wa ghi wa rhiọrre vbe owiẹ vbirrivbirri ya suẹn ayọn ne a da, wa ghi ya ota hia gha re emwa ne ayọn gbe.

Aizaia 5:18

Ọghe uwa fo nẹ! Wa ma sẹtin zobọ vbe orukhọ ne uwa ru.

Aizaia 5:23

Sokpan, wa gha rri igho odieke kherhe nẹ, wa ghi fannọ emwa ni rri abe kua, wa ighi gie ne ọ ma rukhọ miẹn ibuohiẹn ẹmwata ne ọ khẹke ẹe.

Aizaia 5:8

Ọghe uwa fo nẹ! Wa gha dẹlẹ owa ọvbehe kevbe ugbo ọvbehe, ne uwa viọ ba ne uwa ka mwẹ. Ẹ i ghi rre gbe ban, emwa ọvbehe i ghi miẹn ehe dia, wa ọkpa ọ re ọ ghi ra gha rre otọe nii.

Aizaia 59:13

Ma sẹmwẹ ru ẹ, ma he uwẹ yotọ, ma ma ghi lele uwẹ, ma wọ avbe ẹrrẹe uhunmwu ma keghi fi iyeke gbe uwẹ. Ohoghe iro ne ima zẹ khin, ẹmwẹ ne ima ta i re ẹmwata.

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Jerimaia 22:13

Ọwiri ọ re ọghe ọmwa ne ọ ye a i ta ẹmwata bọ owa. Ọ na vbe ya ẹkẹ vbe iwẹnwẹn bọ ba ẹre; ọmwa ne ọ ye ẹvbo ẹre miẹn ẹsọn kua kẹkan vbene ẹ i na vbe ha iran osa.

Emọs 2:7

Iran ye owẹ rrilo ovbiogue kevbe ne ẹ i mwẹ ginna otọ, iran keghi vbe sua ovbiogue hin urodẹ rre. Ọmọ kevbe erha ẹe ghi gha gu ọmọ okhuo ọviẹn ọkpa ru emwi, iran na la ekpa ọnii ya iruẹn ye eni mwẹ nọhuanrẹn.

Maika 6:16

Emwi na hia gha sunu rhunmwuda emwi dan ne Ọba Ehab ne ovbi Ọmri gu ẹe, ọ re uwa vbe guẹ. Emwi ne iran mu gbọọ ọ re uwa lele, rhunmwuda ọnii, I gha fuẹn uwa a, emwa hia ghi gha zan uwa. Emwa hia ghi gha sọnnọ uwa vbe ehe hia.”

Habakọk 2:12

Ọghe uwa fo! Wa ye a i ghẹru bu ẹvbo, wa keghi ya izigha bọ ẹe.

Habakọk 2:15

Ọghuẹ fo! Vbe uwu ohu ruẹ, wẹ keghi si avbe ẹdogbo ruẹ sẹ otọ, u keghi fa iran an. U keghi ya iran gha ya owẹ fi otọe dọn khian zẹ vbe ọmwa ne ọ daa ayọn.

Habakọk 2:19

Ọwuẹ fo! U gha khama ike erhan wẹẹ, “Rhiọrre!” kevbe ovbi okuta wẹẹ, “Kpaegbe!” Amazẹ gha sẹtin rhie emwi ne a ma rẹn rhọkpa ma ruẹn ra? A sẹtin ya esiliva kevbe igoru rhu ẹe, sokpan, orhiọn i rre uwu ẹre.

Habakọk 2:6

Emwa ne a khọn miẹn ẹre otọ gha zan iran, iran ghi vbe gha mu ohu iran. Iran ghi kha wẹẹ: “Wa viọ emwi ne ẹ i re ọghe uwa, sokpan, ọghe uwa fo! Vbe ọ gha kpee sẹhẹ, ne uwa gha khiẹn iran ni rri uwa osa obọ wẹ ne iran ha osa, ne uwa ya si ẹfe koko ne egbe uwa!”

Habakọk 2:9

Ọghe uwa fo! Emwi ne uwa ya uyinmwẹ ika gbe emwa miẹn iran re, ọ re uwa ya họn ẹfe, ne ẹgbẹe uwa, wa keghi vbe gha ho ne owa uwa gha rrọ vbene ẹ i mwẹ ẹbe ra ikuangbe!

Matiu 11:21

“Ọ suẹ Korazin! Ọ suẹ Bẹtsaida! Akpawẹ te a winna iwinna ọyunnuan ne a winnaẹn vbe uwu uwa vbe Taia kevbe Saidọn, ẹ i re eban iran ghẹ ghi viọ osọnmwẹ ukpọn ye egbe, zẹ emuẹn yan uhunmwu ne iran ya rhie ma ighe iran zobọ vbe orukhọ ne iran te ru.

Matiu 23:23

“U miẹn agbọn ne uwa ye, enimaemwa Uhi kevbe Farisi, ayunukpaegbe. Wa ghi zẹ a ghae ye ihe igbe ebe uwọnmwẹ ne giẹrẹ hia, vbe ne avbe akpọkọ, ihiehie kevbe ebe aranmwọkhọ ye, vberriọ, wa sẹ emwi kpataki ni rre uwu Uhi rae, zẹ vbe a i bu eku, itohan, kevbe ne a i na sẹ ni dekẹe rae.

Matiu 23:27

“U miẹn agbọn ne uwa ye, enimaemwa Uhi kevbe Farisi, ayunukpaegbe! Wa ye vbe idin ne a ye orhue dọlọ, ne odukhunmwu ẹnrẹn ye mose mose, sokpan uwu ẹre vuọn ne ugboloko orinmwi kevbe osọnnọ ẹwia.

Matiu 23:29

“U miẹn agbọn ne uwa ye enimaemwa Uhi kevbe Farisi, ayunukpaegbe. Wa mannọ idin avbe akhasẹ mose mose, wa keghi te idin ne a mannọ ne iran ne eni yin ẹse egbe.

Matiu 26:24

Ovbi Ọmwa gha gele wu zẹ vbene Ebe tae ye otọ nẹ, sokpan ọsọre ighe ọmwa ne ọ gha rhie Ovbi Ọmwa maa! Ọ gha te maa ne ẹn sẹ akpawẹ a ma biẹ ọe!”

Iyẹn ne ọ Maan Ọghe Luk 11:52

“Ọ sẹ uwa, wa ni ma emwa Uhi! Wa rhie isanhẹn urho irẹnmwi mwẹ, wa tobọ uwa ma la owa, wa ma gie ne ọ ho ne ọ la owa, la owa.”

Iyẹn ne ọ Maan Ọghe Jọn 19:6

Ugbẹn vbe avbe igie ohẹn kevbe avbe ọgbalegbe ghi wa bẹghe ẹre, iran davan wẹẹ, “Kan rẹn mu ugbugbe! Kan rẹn mu ugbugbe!” Pailet tama iran wẹẹ, “Wa mu ẹn khekherriọ ne uwa tobọ uwa ya kan rẹn mu ugbugbe, Mẹ ma miẹn abe bu gbe ẹe.”

Iyẹn ne ọ Maan Ọghe Jọn 9:22

Avbe evbibiẹ ọe kha vberriọ rhunmwuda ighe ohan avbe Ju mu iran, rhunmwuda avbe Ju wa tae nẹ wẹẹ deghẹ ọmwaikọmwa tae ladian ighe Jesu ọrọre nene Mẹzaia, iran gha khu ẹe hin Ọgua ediọn rre.

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.