Aizaia 1:9 - Edo Bible (E Baibol Ẹdo) Version 1996

⁹ Akpawẹ ẹ ire ne Nọyaẹnmwa ne Oghodua na gie eso miẹn uhunmwu vbọ, iran gha wa fuẹn e Jerusalẹm uan fẹẹrẹ zẹvbe Sọdom kevbe Gomorra.

Aizaia 1:9 ပူးပေါင်းရင်းမြစ်များ

Gẹnẹsis 18:26

E Nọyaẹnmwa keghi wanniẹn wẹẹ, “A deghẹ I miẹn arhunmwu ekigbe siyeha ni maa vbe Sọdom, I gha rhunmwuda ekigbe siyeha nii sẹ ẹvbo nii rae.”

Gẹnẹsis 18:32

Ebraham keghi kha wẹẹ, “Lahọ ghẹ mu ohu Nọyaẹnmwa, I gha ye guan uhukpa na kẹkan. A deghẹ igbe kẹkan ọre a miẹn vbọ vbo?” Rẹn keghi kha wẹẹ, “I i ra fuẹn ọẹn ruan a deghẹ a miẹn igbe vbọ.”

Gẹnẹsis 19:24

E Nọyaẹnmwa keghi gie ugbofi ne ọ giẹn ke odukhunmwu rhọ yan Sọdom kevbe Gomorra vbe udomwurri.

I Ọba 19:18

Sokpan, I gha sẹ arhiẹn arriaisẹn ihinrọn (7,000) rae vbe Izrẹl, emwa ni rhie egbe mu mwẹ, emwa ni ma he vbokho igue rre ne Bal ra ne iran ya unu soso amazẹ ẹre unu.”

II Ọba 19:4

Ọgbaisi ọghe Asiria gie avbe irriegie ẹre ne iran do kpa unu ghe Nọyaẹnmwa ne ọ rrọọ. Te Nọyaẹnmwa ne Osanobua ruẹ gha họn ẹmwẹ na ne ọ rri iran ni ta ẹe oya. Rhunmwuda ọnii, na erhunmwu ne emwa ima ne iran miẹn uhunmwu.”

Aizaia 1:8

E Jerusalẹm okpa ne ọ ghi kẹe, ẹvbo ne okuo gha gae nọ, ọ kegha re ne ẹ i mwẹ emwi ne ọ degue ẹre, zẹ vbene irhu abodẹ ne ọ rre uwu ogba azara ye, ra irhu ne ọ rre ugbo ẹyẹn.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 11:16

Odẹ nọ vbẹe ọkpa gha la Asiria ladian ne avbe ivbi Izrẹl ni miẹn uhunmwu vbe evba, zẹẹ vbene ọ vbe gha rrọọ ne avbe erha iran odede vbe iran kpao vbe Igipt rre.

Aizaia 17:6

Ibozẹghẹ ọ re ọ khian miẹn uhunmwu. Izrẹl gha do yevbe erhan oliv ne a kọlọ ọmọ rẹn fo, a na ghi sẹẹ eva ra eha rae ye ọre uhunmwu, ra ezaghazagha ne a sẹrae ye ọre abọ ni rre ototọ. Mẹ ne Nọyaẹnmwa ne Osanobua Izrẹl ọ re ọ tae.”

Aizaia 24:13

Emwi ne ọ ra sunu vbe uhunmwu ẹvbo otọe agbọn hia, ọ re ọna khin. Te ọ ra yevbe ufomwẹ emwiorhọ vbe a ghi kọlọ ọmọ hin uhunmwu erhan hia rre nẹ, a na vbe kọlọ alimo ne okiekie hin azara rre.

Aizaia 24:6

Rhunmwuda ọnii, Osanobua fi agbọn unu nẹ. Emwi ne emwa iran ru, ọ re iran ha osa ẹre na. Te iran ni ghi dekẹe ghi kanmwa yọ kanmwa yọ.

Aizaia 37:4

Ọgbaisi Asiria gie avbe ọkaokuo ẹre ne iran do kpa unu ghe Osanobua ne ọ rrọọ. Te Nọyaẹnmwa ne Osanobua ruẹ gha họn avbe ihẹn na ne ọ rri avbe emwa ne ọ kee ẹre unu rre oya. Rhunmwuda ọnii, na erhunmwu ghe Osanobua ne avbe emwa ima ni ghi miẹn uhunmwu.”

Aizaia 46:3

“Wa danmwehọ mwẹ, wa ne ivbi uniẹn e Jekọb, wa hia ni ghi kẹe vbe emwa mwẹ, te I gha gbearoghe uwa ke ẹghẹ ne a ya biẹlẹ uwa gha dee.

Aizaia 6:13

Gia kha wẹ arhiọnkpa kẹkan miẹn uhunmwu vbe uwu arhin igbe vbe otọe nii, te a ra ye vbe fuẹn irẹn uan, ọ ghi yevbe ut ukhunmwu erhan okan ne a tọn gbe otọ nẹ.” (Ut ukhunmwu ni mudia ye omuhẹn ọgbọn ne emwa Osanobua.)

Aizaia 65:8

E Nọyaẹnmwa khare wẹẹ, “A i miẹn ọmwa ne ọ viọ alimo azara ne ọ maa kua, sokpan, te iran ya ẹe ru ayọn. Erriọ vbe nọ, mẹ i ra fuẹn emwa mwẹ hia a, I gha miẹn iran ni ga mwẹ vbọ fan.

Jerimaia 23:14

Sokpan, I vbe miẹn wẹ avbe akhasẹ ni rre Jerusalẹm wa vbe rhia sẹẹ iran rhie amwẹ ẹrrẹe, iran vbe ta ohoghe, iran kpe ọbọbọ ne emwa ya gha ziba. Sẹrriọ wẹ a i ghi miẹn ne ọ dobọ emwi dan ne a ru yi. Zẹ vbe ne I miẹn iran, iran hia wa vbe rhia vbe ivbi e Sọdom kevbe Gomorra.

Jerimaia 42:2

iran tama mwẹ wẹẹ, “Lahọ u ghi ru vbene ima tama ruẹn. Na erhunmwu ghe Nọyaẹnmwa Osanobua mwa ne ima. Na erhunmwu ne ima ni miẹn uhunmwu. Ma te ka wa bun yi, u gha miẹn nian wẹ ima ibozẹghẹ ọ re ọ ghi kẹe.

Jerimaia 50:20

Ọ gha sẹ ẹghẹ nii, a i ghi ra miẹn orukhọ vbe Izrẹl, ra uyinmwẹ dan vbe Juda rhunmwuda, I gha ya orukhọ bọ avbe emwa ni fi yi vbọ. Mẹ ne Nọyaẹnmwa taa ẹe nẹ.”

Eve Orriara 3:22

Aho ẹmwẹ ọmwa ne ẹ i fira kevbe itohan ọghe e Nọyaẹnmwa ye rrọọ rhinrin,

Eve Orriara 4:6

A rri avbe emwa mwẹ oya, ne ọ gberra ọghe ivbi e Sọdom, emwa ne Osanobua rrua gbotọ vbe udomwurri.

Ezikiẹl 14:22

Adeghẹ a miẹn ọmwa ne ọ miẹn uhunmwu vbọ, ọ na miẹn ivbi ẹre fan, u ghi gbearokotọ ghe iran vbe iran a sẹ ehe ne u ye. Ghe vbene iran i zẹdẹ maa hẹ. Ẹghẹ nii, u gha rẹn wẹ oya ne I wẹ I ra rri ivbi e Jerusalẹm re, emwi ne ọ wa khẹke nọ.

Ezikiẹl 6:8

“I gha gie eso vbọ lẹ ugbemwẹ na fe, ne a zagha iran gba avbe uhunmwu ẹvbo hia,

Joẹl 2:32

Sokpan, iran hia ni kpe tie Nọyaẹnmwa, a gha miẹn iran fan. Zẹ vbene Nọyaẹnmwa khare, ‘Eso vbe iran ni rre Jerusalẹm, gha lẹ fe, iran ne imẹ hannọ zẹ gha miẹn uhunmwu.’ ”

Emọs 4:11

“I fuẹn eso vbe uwu uwa a, zẹ vbene I fuẹn Sọdom kevbe Gomorra, wa ni miẹn uhunmwu vbọ keghi yevbe ovbi erhan ne ọ giẹn khian, a keghi rhie ẹre hin erhẹn rre. Sevba, wa ma ye bu mwẹ rre,” erriọ Nọyaẹnmwa khare.

Habakọk 3:2

E Nọyaẹnmwa, I họọn emwi ne u ru, ohan wa mu mwẹ. Banbanna nian, vbe ru vbe ẹghẹ ima, avbe emwi nikpọlọ ne u te ka ru ẹkpo nẹdẹ. Ye vbe mwẹ itohan a gha rhe wẹ te ohu mu ẹẹn.

Zẹfanaia 2:9

Omwa vbene a na miẹn wẹ mẹ ọrọre Osanobua ne ọ rrọọ ọghe Izrẹl, I vẹn ihen nẹ wẹ te a ra fuẹn Moab kevbe Amọn zẹ vbe Sọdom kevbe Gomorra. Iran gha khian otọ uye umwẹ kevbe itowa ẹdẹdẹmwẹdẹ ne ekie hinrin. Iran ni ghi miẹn uhunmwu vbe emwa mwẹ gha hẹ rhu iran, iran ghi mu otọ iran.”

Matiu 7:14

Sokpan te onurho arrọọ ye wẹnrẹn, odẹ ne a la sọe ma vbe rriẹ, ibozẹghẹ ọre ọ vbe lae.

Ebe ne Pọl gbẹẹn gie emwa Rom 9:27

Aizaia keghi vbe kha vbekpa Izrẹl wẹẹ, “Ọ gha khọn rẹn ne ivbi Izrẹl gha ye vbe ikpekhae ni rre ọkpẹn okun, ibozẹghẹ ọre a ra miẹnfan vbe uwu iran.

Ebe ne Pọl gbẹẹn gie emwa Rom 9:29

Te ọ ye vbe ẹmwẹ ne Aizaia ka vbe ta yi wẹẹ, “Akpawẹ ẹ i re ne Nọyaẹnmwa Oghodua na sẹ rae ne ima vbe ivbi uniẹn mwa, ma ghẹ ghi do ye vbe Sọdom, ma ghẹ gha ye vbe Gomorra.”

Diuteronomi 29:23

Oha ghi khian ehe ọrhiae ne ọ dihoi rua ne ugbofi kevbe umwẹ lẹ rhu, a i kọ emwi yọ, irunmwu i ra vbe zọ vbọ. Otọe uwa ghi yevbe avbe ẹvbo e Sọdom kevbe Gomorra, zẹ vbe Adma ke Zẹboim, ne e Nọyaẹnmwa dunmwu an vbe ohu kakabọ mu ẹẹn.

II Pita 2:6

Osanobua bu ohiẹn gbe avbe ẹvbo Sọdom kevbe Gomorra, ọ keghi ye erhẹn fuẹn iran uan, ọ keghi ya iran khian igiemwi ne emwa dan, vbe ekpa emwi ne ọ gha sunu vbe egbe iran.

Arhie Maan 11:8

Ikun iran ghi vbe gha rre adesẹ ẹvbo nọkhua nii, ehe ne a na kan Nọyan iran mu ugbugbe. Eni oro ne a mu ne ẹvbo ni ọrọre Sọdom ra Igipt.