Aizaia 1:28 - Edo Bible (E Baibol Ẹdo) Version 1996

²⁸ Sokpan, emwa hia ni ru orukhọ, iran na vbe sọtẹ ghe ẹre, ọ gha dunmwu iran an, ọ gha gbele iran hia a ighe avbe emwa ni hee ẹe yotọ.

Aizaia 1:28 ပူးပေါင်းရင်းမြစ်များ

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

II Krọnikol 21:10

Idọm ma ghi dọlegbe ga gie Juda ke ẹghẹ nii gha dee. Vbe ẹghẹ ne a vbe kha na, ọ re ẹvbo ne a tie ẹre Libna na vbe sọtẹ, rhunmwuda e Jehoram na fi iyeke gbe Nọyaẹnmwa ne Osanobua avbe erha ẹe odede.

II Krọnikol 28:23

Ọ keghi zọ ese ghe avbe ẹbọ e Siria ni khọn miẹn irẹn otọ, ọ na kha wẹẹ, “Avbe ẹbọ ivbi e Siria ọ re ọ ye Siria obọ, rhunmwuda ọnii, a dẹghe mẹ zọ ese ghe iran, ughaghe iran gha vbe yọ mwẹ obọ.” Ọna keghi si ọfuan ye irẹn kevbe ẹvbo ẹre egbe.

Job 31:3

Ọ ghi mu ọfuan kevbe ọrhiae, giẹ avbe emwa ni ru emwi dan.

Job 34:26

Ọ ghi rrie emwa orukhọ oya vbe ehe ne emwa hia gha na miẹn ọẹn,

Job 34:27

rhunmwuda, iran ma ghi lele ẹe, iran kevbe yangbe uhi ẹre hia.

Psalm 1:6

E Nọyaẹnmwa ọ re ọ su avbe emwata, rẹn ọ re ọ vbe viọ iran lẹre, sokpan, avbe emwa dan, odẹ ọfuan ọghe iran, ọ re iran gbẹn.

Psalm 104:35

Te a gha guọghọ avbe emwa orukhọ hin agbọn rre, ai ghẹ dọlegbe miẹn emwa dan ọvbehe. rho e Nọyaẹnmwa wẹ ekhọe mwẹ! Rho e Nọyaẹnmwa!

Psalm 125:5

Sokpan, u gha rria iran ne emwa dan ikhi u ghi vbe rria iran ni yangbe odẹ ruẹ ikhi. Ọfumwegbe gu Izrẹl rrọọ!

Psalm 37:38

sokpan, te a wa fuẹn emwa orukhọ ua fẹẹrẹ ivbi uniẹn ọnrẹn ghi gbẹro.

Psalm 5:6

Wẹ fuẹn avbe ọhọn ohoghe fo fẹẹrẹ, wẹ keghi vbe sọnnọ emwa ibalegbe kevbe emwa erẹrẹ

Psalm 73:27

Ẹ i mwẹ iran ni he uwẹ ye otọ ma fuẹn uan, wẹ gha fuẹn iran an ighe emwa ni ma guobọ ruẹ.

Psalm 9:5

U bu abe gbe iran nigẹbọ nẹ, u vbe fuẹn avbe emwa dan an, ai ghi ye iran rre ọvbehe.

Psalm 92:9

Ma rẹnrẹn wẹ, avbe eghian ruẹn gha wulo, kevbe wẹ obọ gha vba avbe emwa dan hia fẹẹrẹ

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Aizaia 1:4

Ọghe uwa fo nẹ, wa ne uhunmwu ẹvbo ni ru orukhọ, wa ne emwa dan ni kẹkẹ ua! Orukhọ uwa silo uwa gbe otọ nẹ, wa fi yeke gbe Nọyaẹnmwa ne Osanobua Izrẹl, wa keghi hee ẹe yotọ.

Aizaia 24:20

Agbọn tobọ ẹre ghi gha ya owẹ fi otọ dọn, zẹ vbe Ọdayọn. Ọ ghi gha han yo han rre zẹ vbene irhu ne a gbae ru vbe okpẹhoho a gha hoho. Ihe orukhọ agbọn yẹnyẹn ọẹn mu otọ nẹ, ọ gha de guo, ẹ i ghi vbe kpaegbe ọvbehe.

Aizaia 30:13

Wa rri abe. Te uwa yevbe ekẹn ne ọ yo ne ọ wa va eva ke odukhunmwu do sẹ otọ. Wa gha de rẹnkhẹn uan. vbe udomwurri.

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Aizaia 50:11

Wa hia ni si uma ne uwa fuẹn ẹrrẹe rua uma ne uwa si nii ọ re ọ ra fuẹn uwa a. E Nọyaẹnmwa tobọ ẹre ọ re ọ ra gie ẹe gha ye vberriọ ọkhọ ne ọ wegbe ọ re ọ ra rruan uwa.

Aizaia 58:2

Ẹdẹgbegbe ọ re iran ya ga mwẹ, iran ghi vbe kha wẹ iran ho ne iran rẹn vbene I ru emwi hẹ, kevbe ne iran vbe gha ya uhi mwẹ ru emwi. Iran khare wẹ, iran ho ne I yi uhi ẹmwata ne iran, kevbe wẹ te ọ wa bọbọ iran egbe ne iran gha ga mwẹ.”

Aizaia 64:6

Te ima hia wa vuọn ne orukhọ, uhin ighẹ uyinmwẹ ne ọ ghi maa sẹẹ, iku kevbe ẹkẹkhẹrhẹ nọ. Rhunmwuda orukhọ mwa, te ima ghi yevbe ebe ne ọ kakae ne ẹhoho hohoo kua.

Aizaia 65:11

“Sokpan, emwi ughaẹn ra wa gha nọ ne uwa ni hee mwẹ yotọ, wa ni ma zẹ ye Zaiọn ne oke mwẹ nọhuanrẹn re, wa na vbe gha gho e Gad kevbe Mẹni, ne avbe ẹbọ uhimwẹ kevbe ẹwerẹ.

Aizaia 66:17

E Nọyaẹnmwa khare wẹẹ, “Ufomwẹ iran sotọ fo ighẹ iran ni họnmwẹ egbe ne iran miẹn ehe na gu enigẹbọ ga kugbe, iran ni gbe usun ye ugbo ẹbọ, iran ni rri esiebo kevbe ofẹn, deba avbe evbare oya hia.

Aizaia 66:24

“Iran gha wa kpao nii, iran gha miẹn ikun avbe iran hia ni sọtẹ mwẹ, ọkhọe ne ọ rri iran i wu ẹdẹ, erhẹn ne ọ giẹn iran i vbe dọyọ ẹdẹ. Emwi ne ọ mianmwẹ ughe ọ re iran ra gha khin ne emwa nagbọn.”

Jerimaia 17:13

E Nọyaẹnmwa, wẹ ọrọre idaehọ Izrẹl, ekhue gha mu iran hia ni he uwẹ yotọ a gha ho iran bẹkun zẹvbe eni ne a gbẹnnẹ ye ekhae rhunmwuda, iran hee uwẹ ne Nọyaẹnmwa yotọ nẹ, wẹ ne uhunmwu ẹzẹ amẹ ne ọ furre.

Jerimaia 44:12

Zẹvbe ọghe ivbi e Juda ni ghi kee, ni vbe muegbe ne iran kpao gha rrie Igipt ne iran ya yin odọ nii, I gha miẹn wẹ a fuẹn iran hia a. Iran fẹẹrẹ, ke ni kpọlọ kevbe ni kanmwa, ehia gha wulo vbe Igipt, okuo ma ghi gbele iran an, iran gha khian emwi ne ọ mianmwẹ ughe, emwa gha ya iran gbogiẹ a ghi gha ya eni iran tie ihẹn.

Hozia 14:9

Te emwa ne ẹwaẹn gba na gha rẹn otọ ẹmwẹ ne a gbẹnnẹ ye emwana, ọ ghi vbe la iran ekhọe. Odẹ ne ọ kere ọ re odẹ e Nọyaẹnmwa khin, evba nii ọ re emwa ẹmwata vbe la khian vbe ẹdagbọn iran. Sokpan, emwa orukhọ rrua owẹ, iran keghi dele rhunmwuda, iran ma ka ẹe yọ.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.

II Pita 3:7

Sokpan agbọn kevbe ẹrinmwi ne ọ rrọọ banbanna, ẹmwẹ ọkpa ni ọghe Osanobua, ọre a ya da ẹe yi, ne a do ya erhẹn fuẹn ọnrẹn uan. Te a viọ iran hinrre khẹ ẹdẹ ne a gha gui ẹzọ avbe emwa dan ne a fuẹn iran uan.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”

I Samuẹl 12:25

Sokpan deghẹ te uwa ghi ye gha ru orukhọ khian, a gha fuẹn uwa kevbe ọba uwa aa.”