Aizaia 1:21 - Edo Bible (E Baibol Ẹdo) Version 1996

²¹ Ẹvbo ne ọ te ka mwẹ uyinmwẹ ne ọ gbae yi, ọ re ọ ghi yin uyinmwẹ ohọhọ na, vbe ẹghẹ okpa emwa ẹmwata ọ re ọ wa gba re, sokpan, banbanna nian avbe izigha ọ re ọ ghi kẹe.

Aizaia 1:21 ပူးပေါင်းရင်းမြစ်များ

II Samuẹl 8:15

E Devid kegha khaemwisẹ yan Izrẹl hia, ọ keghi gie a miẹn wẹ uyinmwẹ ẹmwata ne ọ gbae ọre a yin ghe emwa hia.

II Krọnikol 19:9

Ọ keghi tama iran wẹẹ, “Wa ghi winna iwinna uwa vbe uwu amu ohan e Nọyaẹnmwa, wa ghi gha ya ekhọe ẹmwata họn ẹmwẹ ne ẹẹn vbe emwi hia ne uwa a rhirhi ru.

Nehimaia 11:1

Avbe ọkaolotu ni rrọ keghi yin e Jerusalẹm, avbe emwa ni dekẹe keghi yan uta ya zẹ ẹgbẹe ọkpa vbe uwu igbe ne ọ gha ya yin ẹvbo nọhuanrẹn ọghe Jerusalẹm vbene avbe nekpa na ya yin avbe okpẹvbo kevbe ore nekhua nekpa.

Psalm 46:4

Ẹzẹ ọkpa rrọ ne ọ rhie oghọghọ rri ẹvbo Osanobua, gha die owa ne ọ huanrẹn ọghe Ne ọ yo Sẹẹ Ehia.

Psalm 48:1

E Nọyaẹnmwa kpọlọ ne avbe kakabọ rho ọre nọ vbe ẹvbo Osanobua mwa; vbe uhunmwu oke ne ọ huanrẹn ọghọe.

Psalm 48:8

Ma ka họn emwi ne Osanobua ru nẹ banbanna nian aro mwa sẹ ọe vbe ẹvbo Osanobua mwa. E Nọyaẹnmwa ne Oghodua; ọ gha rhie ẹvbo ni lẹre ẹdẹdẹmwẹdẹ vbe ne ẹi na mwẹ ẹbe.

Aizaia 1:22

E Jerusalẹm, te u te yevbe esiliva, sokpan banbanna nian, u la ọrhiae rrie nẹ, te u te ka yevbe ayọn ne ọ maa yi, sokpan banbanna nian, amẹ kẹkan ọ re u ghi khin.

Aizaia 26:10

A gha rhe miẹn wẹ u tohan emwa dan iran i ye ruẹ vbene a ru emwi ẹse he uhin vbe ẹvbo ẹmwata ne a ye vbe emwa na te iran ye ru emwi dan. Iran ma ho ne iran miẹn ukpọlọmwẹ ruẹn kue.

Aizaia 48:2

Sevba wa ghi ye gha ya unu hia tae wẹ ivbi ore nọkhua ọghe ẹvbo nọhuanrẹn nii ọ re uwa khin, kevbe wẹ Osanobua Izrẹl ọ re uwa ya egbe kọ ọmwa ne eni ẹnrẹn re e Nọyaẹnmwa ne Oghodua.

Aizaia 5:7

Izrẹl ọrọre ogba azara ọghe Nọyan ne Oghodua; emwa e Juda ọrọre azara ne ọ kọ yọ. Rẹn te rhie aro yọ ne iran gha ru emwi ne ọ maa, sokpan, iran kegha do izigha. Rẹn te rhie aro yọ ne iran gha ru emwi ne ọ gbae, sokpan, emwa ne obọ iran vbare kegha tu wẹ ne a bu ohiẹn ẹmwata.

Aizaia 59:14

A khu ohiẹn ẹmwata fua, emwi ne ọ kere i sẹtin sikẹ ọmwa. Ẹmwata rrua owẹ vbe ughe, uyinmwẹ ne ọ diae i vbe miẹn otọ tota yi vbe evba.

Aizaia 59:15

Uyinmwẹ ne ọ diae vbee sẹ vberriọ vbe evba wẹ ọmwaikọmwa ne ọ dobọ emwi dan ne a ru yi, obọ ọkhọ ghi vba ẹre.” E Nọyaẹnmwa miẹn ọna nẹ, ohu mu ẹẹn wẹ uyinmwẹ ẹmwata i rrọọ.

Aizaia 59:3

Wa ru orukhọ ọghe ohoghe ne a ta kevbe, ọkhọ kevbe izigha.

Jerimaia 3:1

E Nọyaẹnmwa khare wẹẹ, “Ọmwa gha khu amwẹ ọnrẹn nẹ, ọ na kpao sẹ ọe rae, ọ na ya rọnmwẹ okpia ọvbehe, okpia nii i ghi dọlegbe rhie ẹre ọvbehe. Emwi vberriọ gha si awua ye otọe sokpan, ẹ i re avbiẹ ọse wa he zẹlẹ, wa keghi vbe ho na ne uwa dọlegbe bu mwẹ gha dee.

Hozia 11:12

E Nọyaẹnmwa khare wẹẹ, “Ivbi Izrẹl ya ohoghe kevbe erẹrẹ gha ogba ga mwẹ, te ivbi e Juda ye sọtẹ mwẹ; mẹ ne Osanobua ẹmwata nọhuanrẹn.

Habakọk 1:4

Te uhi ye mitan mitan, ẹ i vbe mwẹ esa, a i vbe bu ohiẹn ẹmwata. Emwa dan ghi gha rria ase emwa ẹmwata, rhunmwuda ọnii, te ohiẹn ghi khian ne a khiẹn bu.

Zẹkaraia 8:3

I gha dọlegbe gha die Jerusalẹm ne ẹvbo mwẹ nọhuanrẹn ne I do yin ẹnrẹn. A gha rẹn ọnrẹn ye ẹvbo ne ọ mudia ẹse, a ghi vbe gha tie oke Nọyaẹnmwa ne Oghodua oke nọhuanrẹn.

Iyẹn ne ọ Maan Ọghe Luk 13:34

“Eu! Jerusalẹm, Jerusalẹm! Wẹ ne ọ gbele avbe akhasẹ kevbe avbe odibo ne Osanobua gie ẹre uhunmwu bu ruẹ gha dee! Inu igba I he te gha ho ne I tan ifuẹn mwẹ ga emwa ruẹn vbe ne iye ọkhọkhọ tan ifuẹn gue ivbi ẹre, sokpan u ma kue.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.

Hibru 12:22

Sokpan, uhunmwu Oke Zaiọn ọre uwa gha dee kevbe ẹvbo Osanobua, Jerusalẹm ne ọ rre ẹrinmwi, ke ẹe kevbe odibo Osa ẹre ne ẹgbenuri.

Arhie Maan 11:2

Sokpan ghẹ ka iran ni rre iba ore yọ. Ghẹ mwa iran, rhunmwuda, a zẹ iran obọ ne iran ni ma yayi nẹ, iran ni gha do gbe ọgọlọbọ vbe uwu Ẹvbo Ne Ọ Huanrẹn la uki eva yan iyeva.

Arhie Maan 11:8

Ikun iran ghi vbe gha rre adesẹ ẹvbo nọkhua nii, ehe ne a na kan Nọyan iran mu ugbugbe. Eni oro ne a mu ne ẹvbo ni ọrọre Sọdom ra Igipt.

Arhie Maan 17:1

Ọkpa vbe uwu avbe odibosa ihinrọn, ne egboghogbogho gha gue nii, keghi bu mwẹ gha dee do tama mwẹ wẹẹ, “Larre, ne I do rhie maa ruẹn vbene a ra ya rri ọre oya hẹ ighẹ ogiete ebabotu nii, ẹvbo nọkhua nii ne a bọ ye ọkpẹn avbe ẹzẹ ni bun.