Aizaia 1:16 - Edo Bible (E Baibol Ẹdo) Version 1996

¹⁶ Wa khuẹ, ne egbe uwa huan. Wa dobọ emwi dan ne imẹ miẹn ighe uwa ru na yi. Ẹn, wa dobọ emwi dan ne a ru yi,

Aizaia 1:16 ပူးပေါင်းရင်းမြစ်များ

II Ọba 17:13

E Nọyaẹnmwa gie avbe odibo ẹre kevbe avbe akhasẹ ne a tama Izrẹl kevbe Juda wẹẹ, “Wa la hin odẹ dan ne uwa la khian rre, ne uwa gha ru vbene I khare zẹ vbene ọ rre uwu uhi ne I rhie ne avbe erha uwa odede, ne I vbe rhie ne avbe akhasẹ ne eguọmwadia mwẹ rhie ye uwa obọ.”

Psalm 26:6

Nọyaẹnmwa, mẹ kpe obọ mwẹ nẹ, ya rhie ma ighe I ma rukhọ. Mẹ ghi vbe gbe ukpukpẹ lẹga Ogiukpo ruẹ zẹ vbe emwi ugamwẹ.

Psalm 34:14

Fi iyeke gbe emwi dan, gha ru emwi esi, ye ekhọe kekhọe ruẹ hia, gha gbinna ye emwi ẹmwata.

Psalm 37:27

Fi iyeke gbe ọkhọ, gha ru emwiesi, ivbi uniẹn ruẹn gha yin otọe nii rhinrin ẹdẹ.

Psalm 51:2

Khuẹ emwi dan mwẹ hia kua ne u vbe khuẹ mwẹ huan hin orukhọ mwẹ rre.

Itan 21:3

Ru emwi ne ọ kere kevbe ne ọ hẹnhẹn, ọnii ọ re ọ yẹ Nọyaẹnmwa sẹẹ ese ne a zọ ghe ẹre.

Itan 4:27

Gha lẹ ne emwi dan, ne u vbe gha la odẹ ọwara khian. Ghe zẹ ukpowẹ okpa hin urodẹ rre.

Aizaia 52:11

Wa ghẹ mwẹ wa ma kpao vbe Babilọn wa ni viọ emwi ne a ya ga vbe ọgua Osa mwẹ, wa ghẹ ye obọ kan emwi awua wa gie egbe uwa gha re nọhuanrẹn, ne uwa kpao.

Jerimaia 18:11

Banbanna nian, tama ivbi e Juda kevbe Jerusalẹm wẹ, I wa khuan khẹ iran, I wa mu egbe ne I ya rri iran oya. tama iran ne iran dobọ uyinmwẹ dan ne iran yin yi, ne iran fi ohọ werriẹ kẹe kevbe emwi ne iran ru.

Jerimaia 25:5

Iran tama uwa ne uwa fiwerriẹ hin uyinmwẹ dan ne uwa yin rre, kevbe avbe emwi dan ne uwa ru, ne uwa miẹn ehe na gha yin ẹnrẹn khian ighẹ otọe nii ne Nọyaẹnmwa mu ne uwa kevbe avbe erha uwa odede ne ogha re ọghe uwa ẹdẹdẹmwẹdẹ.

Jerimaia 26:3

Ughaghe avbe emwa nii gha danmwehọ, iran ghi mu uyinmwẹ dan iran fua. Iran gha ru vberriọ, I gha fi ekhọe mwẹ werriẹ vbe ọkhọ ne I ra wẹ ne ọ rruan iran rhunmwuda avbe emwi dan ne iran ru.”

Jerimaia 35:15

I gie avbe eguọmwadia mwẹ i ghe avbe akhasẹ gie uwa, iran vbe tama uwa ne uwa mu emwi dan ne uwa ru fua ne uwa gha ru emwi ne ọ gbae, iran tama uwa ne uwa ghẹghi ga avbe ẹbọ ọvbehe, ne uwa miẹn ehe na gha yin otọe nii ne I mu ne uwa kevbe avbe erha uwa odede. Sokpan, wa ma danmwehọ mwẹ a ma wẹ te uwa ghi ra zẹ yọ mwẹ re.

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Jona 3:8

Wẹ ne emwa ne agbọn kevbe emwirri viọ ukpọn akhiẹ yọ. we ne dọmwadẹ ọghe ọe ye ekhọe hia na erhunmwu ghe Osanobua, ne dọmwadẹ ọghọe sẹ uyinmwẹ dan kevbe emwi dan ne ọ ru rae.

Zẹkaraia 13:1

E Nọyaẹnmwa ne Oghodua khare wẹẹ, “Ọ gha sẹ ẹghẹ ne a kha na, a gha kie uhunmwu ẹzẹ ọkpa a, nẹ ọ khue ivbi uniẹn e Devid kevbe ivbi e Jerusalẹm huan hin orukhọ iran kevbe ẹbọ ne a gho rre.

Zẹkaraia 7:7

Uhunmwu ne Nọyaẹnmwa vbe gie avbe akhasẹ ni karo ọ re ọna khin vbe ẹghẹ ne Jerusalẹm na gha rre atẹ vbe ne ẹvbo na vuọn rẹn, ne ẹvbo na vbe vuọn avbe ore nekhua ni lẹga ẹre, kevbe isoko ni rre odẹ ekẹn vbe ototọ oke.

Matiu 3:8

Wa gie uyinmwẹ uwa rhie ma ighe wa gele zobọ vbe orukhọ ne a ru.

Iwinna 22:16

Wanwanna nian, de emwi ne u ghi ye mudia khẹ? Kpaegbe ne a sa amẹ nuẹn ne a miẹn ehe na kpe orukhọ ruẹ kua vbe ekpa ne u na datie eni ẹnrẹn.’

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Jems 4:8

Wa sikẹ Osanobua, rẹn gha vbe sikẹ uwa. Wa kpe obọ uwa a, wa ne emwa orukhọ. Wa kpe ekhọe uwa huan, wa ne emwa ẹkẹ vbe iwẹnwẹn.

I Pita 2:1

Rhunmwuda ọnii nian, wa gie a wabọ emwi dan hin ehe ne uwa ye rre, ohoghe ne a ta fo, kevbe ẹkẹ vbe iwẹnwẹn kevbe oya ọmwa da ọmwa, kevbe ẹmwẹ obi unu.

I Pita 3:11

Ọ ghi zobọ vbe emwi dan do gha ru emwi esi. Ọ ghi gha gualọ ọfumwegbe, ọ ghi gha zọ uhio ẹre khian.

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.