Aizaia 1:15 - Edo Bible (E Baibol Ẹdo) Version 1996

¹⁵ “Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Aizaia 1:15 ပူးပေါင်းရင်းမြစ်များ

I Ọba 8:22

Ẹghẹ nii ọre Solomọn na ya mudia ye odaro Ogiukpo e Nọyaẹnmwa vbe ehe ne emwa hia ye. Ọ keghi viọ obọ da odukhunmwu.

I Ọba 8:54

E Solomọn ghi na erhunmwu ghe e Nọyaẹnmwa fo nẹ, ọ keghi mudia vbe odaro Ogiukpo, ehe ne ọ na diguẹ viọ obọ da odukhunmwu usin.

Ẹzra 9:5

Ọ ghi sẹ ẹghẹ ne a ya zọ ese ota, I keghi guakpao vbe ehe ne I tota yi gha khiẹkhiẹ egbe, ẹwu ne I sọlọ ua ni keghi ye rrọ mwẹ urhu, I na diguẹ ne I na erhunmwu, I na viọ obọ da odukhunmwu ghe Nọyaẹnmwa Osanobua mwẹ.

Job 27:20

Orrirri gha gbe ku iran zẹ vbe okpamẹ udomwurri; efi ne ọ lae vbe asọn ghi kpolo iran gha rrie,

Job 35:13

Utumwẹ ne iran tu ladian i mwẹ esa ne ọ ye; Osanobua ne Udazi ma deghẹ iran a ma wẹ ọ gha vbe họn urhu iran.

Psalm 134:2

Wa viọ obọ da odukhunmwu na erhunmwu vbe Ọgua Osa, ne uwa rho e Nọyaẹnmwa.

Psalm 55:1

Họn erhunmwu mwẹ Nọyaẹnmwa, ghẹ fi aro ua vbe i a gha rinmwian.

Psalm 66:18

Akpawẹ te I ma zẹ ye ẹmwẹ orukhọ mwẹ, e Nọyaẹnmwa i ghẹ họn erhunmwu mwẹ.

Ẹksọdọs 9:29

E Mosis keghi tama rẹn wẹẹ, “I gha wa da lahin adesẹ ore ẹvbo rre, I gha niẹn obọ ghe ehe ne Nọyaẹnmwa ye. Avan ne ukhumwu gha da obọ yi ayan i ghi ra vbe gha rrọọ ọvbehe, ne uwa miẹn ehe na rẹn ighẹ Nọyaẹnmwa ọre ọ yan agbọn na.

Itan 1:28

Ẹghẹ nii, wa ghi gha kpetie ẹwaẹn, sokpan, mẹ ira khuẹnniẹn. Wa sẹtin gualọ mwẹ lele ehe hia, sokpan, wa i ra miẹn mwẹ.

Aizaia 4:4

E Nọyaẹnmwa gha ya ẹtin ẹnrẹn bu ohiẹn, ọ ghi vbe kpe ẹe huan hin rre ighe orukhọ uhunmwu ẹvbo na, kevbe esagiẹn ne a gbe yotọ vbọ.

Aizaia 45:15

Osanobua Izrẹl ne ọ miẹn emwa rẹn fan, Osanobua ne ọ rhiegbe lẹre nọ.

Aizaia 58:4

Aguẹ ne uwa ye ghi do ya uwa khian emwa ọkhọ, wa ghi gha gui, wa ghi gha gbinna. Wa yayi wẹ egbe aguẹ vberriọ gha ye imẹ gha zẹye erhunmwu uwa ra?

Aizaia 58:7

Wa fian ne iran ne ohanmwẹ gbe vbe evbare uwa, ne uwa vbe gha gie iran ne ivbiogue ne ẹ i mwẹ owa gha la owa uwa. Wa gha viọ ukpọn ne iran ne ẹ i miẹn rhuan, ne uwa ghẹ he ne uwa ru iyobọ ne etẹn uwa.

Aizaia 64:7

A ma miẹn orhiọnkpa ne ọ ya erhunmwu dọlegbe ghe ehe ne u ye, a ma miẹn ne ọ bu ruẹ rre do nọ iyobọ. U rhie egbe ruẹ lẹre ne ima, u ke hee ima yotọ rhunmwuda orukhọ mwa.

Aizaia 8:17

E Nọyaẹnmwa rhie egbe ẹre lẹre ne emwa rẹn nẹ, sokpan, mẹ mu ẹtin yan rẹn, I vbe mwẹ idaehọ vbe uwu irẹn.

Jerimaia 11:11

Rhunmwuda ọnii nian, mẹ ne Nọyaẹnmwa, ọ re ọ tama iran yotọ na wẹ I ra do si ọfuan ye iran egbe, kevbe wẹ iran i sẹtin lẹ ọre fe. Iran gha tu bu mwẹ gha dee do nọ iyobọ, I i zẹdẹ zẹ ye iran ẹre.

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Jerimaia 4:31

I họn urhu eve ọkpa, ọ yevbe ọghe okhuo, ne emwi ubiẹmwẹ ru, vbe ọ khian biẹ ọmọ okaro. Utumwẹ e Jerusalẹm nọ, ọ gha hẹwẹ ukuke, o nien obọ ladian gha kha wee, “I wiri! Iran ra do gbe mwẹ uan.”

Ezikiẹl 11:6

Emwa ne uwa he gbele ua vbe ore ẹvbo na bun sẹrriọ wẹ te ikun orinmwi ghi gba ehehia.

Ezikiẹl 14:3

“Ovbi ọmwa, avbe emwa na, ẹmwẹ ẹbọ okpa ọ re ọ wa rre iran ekhọe rhunmwuda ọnii, te iran ghi gie ẹbọ gha si iran fi orukhọ. Te iran ro ighẹ mẹ gha rhie ewanniẹn ne iran ra?

Ezikiẹl 39:23

Avbe uhunmwu ẹvbo gha vbe rẹn wẹ orukhọ ne ivbi Izrẹl ru ghe mwẹ ọ re ọ sii ẹe ne iran na gha rrie iwe. Mẹ fi iyeke gbe iran, I keghi gie avbe eghian khọn iran, iran na vbe gbele iran an vbe okuo.

Hozia 5:6

Iran munọ ohuan kevbe ẹmila iran ne iran ya zọ ese ghe Nọyaẹnmwa, sokpan, ẹ i ruẹ ne iran. Iran i sẹtin miẹn ọẹn rhunmwuda, rẹn kpao sẹ iran rae nẹ.

Maika 3:4

Ẹghẹ dee ne uwa gha na datu tie Nọyaẹnmwa sokpan rẹn i ra zẹ ye uwa ẹre. Rẹn i ra vbe họn erhunmwu ne uwa na rhunmwuda wa ru emwi dan nẹ.

Zẹkaraia 7:13

Rhunmwuda ne iran ma na zẹ yọ vbe I gu iran guan, iran ghi vbe na erhunmwu, mẹ ma vbe zẹ yọ.

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Matiu 6:7

“U gha na erhunmwu, ghẹ gha talọ kpẹrẹ vbe ne iran ne enigẹbọ ru. Iran ro wẹẹ erhunmwu gha tan ọre Osanobua gha na họn erhunmwu iran.

Iyẹn ne ọ Maan Ọghe Jọn 9:31

Ma rẹnrẹn wẹ Osanobua i zẹ ye ọmwa orukhọ ẹre, sokpan ọ zẹ ye avbe emwa ni daa nẹ re, ni vbe ru emwi ne ọ ho ne iran gha ru.

I Timoti 2:8

I ho ne ikpia hia gha na erhunmwu vbe ehe hia, emwa ni ye egbe yan Osanobua, emwa ni gha sẹtin viọ obọ iran da odukhunmwu vbe ne a i na mu ohu kevbe ne a i na muan ẹmwẹ.