Aizaia 1:14 - Edo Bible (E Baibol Ẹdo) Version 1996

¹⁴ Emwiukpo Uki Ọgbọn ọghe uwa wa sọnnọ mwẹ kẹe kevbe avbe ẹdẹ ugie, ihẹ iran khin mwẹ re, egbe iran wọ mwẹ ne ẹ.

Aizaia 1:14 ပူးပေါင်းရင်းမြစ်များ

I Krọnikol 23:31

Ke ẹghẹ hia ne a ya giẹn ese ne a zọ ghe Nọyaẹnmwa vbe Ẹdẹ Ikẹtin, Emwiukpo Uki Ọgbọn, kevbe avbe emwiukpo ọvbehe hia. A keghi mwamwa ilele ne a ya gha rẹn zẹẹ, inu e Livai ne a zẹe wẹ ne ọ winna iwinna na vbe ẹghẹ ke ẹghẹ. A keghi wa zẹ avbe Livai wẹ iwinna iran ọrọre ne iran gha ga e Nọyaẹnmwa rhinrin ẹdẹ.

Aizaia 29:1

Ọghe Jerusalẹm tobọẹre, ne ọ vbe re Ogiukpo Osanobua fo vbe otọ. Ọghe ẹvbo nii ne Devid bu agọ yi fo vbotọ. Gie ukpo okpa ra eva ọvbehe deba ugie kevbe emwi ukpo ne a ru vbọ vbe rre ne ọ vbe rrie,

Aizaia 29:2

ne Osanobua si ọkhọ la rọ ighe ẹvbo nii ne a tie ẹre “ogiukpo Osanobua.” Eve kevbe irria-kọn gha rrọọ, ẹvbo nii hia ghi do yevbe Ogiukpo ne a ya esagiẹn gue ya sẹ otọ.

Aizaia 43:24

Wa ma dẹ eturari mẹ, a ma ghi wẹ wa gha ya ẹvbi aranmwẹ vuọn mwẹ ẹko, sokpan, wa keghi ya ẹmwẹ orukhọ uwa mu ihẹ mẹ. Wa ya ẹmwẹ abakuru uwa wọọ mwẹ egbe. Wa keghi ya ẹmwẹ orukhọ ne uwa ru wiẹn mwẹ uan.

Aizaia 61:8

E Nọyaẹnmwa khare wẹẹ, “Ohiẹn ẹmwata ọ re I ho, azẹ ọmwa kpokpo kevbe ọkhọ, i yẹ mwẹ I gha wa san avbe emwa mwẹ ẹse, I ghi gu iran ta ile ẹdẹdẹmwẹdẹ.

Aizaia 66:23

Ẹghẹ emwiukpo Uki ọgbọn kevbe Ẹdẹ Ikẹtin hia, ọre ivbi edọmwadẹ uhunmwu ẹvbo gha do ya gha ga mwẹ vbe Jerusalẹm vbe emwana. Erriọ,” Nọyaẹnmwa khare.

Aizaia 7:13

Ẹre Aizaia ghi na wanniẹn wẹẹ, “Banbanna nian, danmwehọ, wa ne ivbi uniẹn e Devid. Emwi dan wa nọ ne uwa gha ya emwi wọ emwa nagbọn egbe, te uwa ghi ra vbe yae wọ Osanobua egbe ra?

Hozia 2:11

I gha dobọ ugie ne ọ do hia yi. Ugie ukpukpo kevbe ugie ukiuki ne ọ do deba, emwi ne ọ ru vbe Ẹdẹ Ikẹtin hia fẹẹrẹ, kevbe iko ugamwẹ ne ọ ko hia.

Hozia 5:7

Iran ma guobọ e Nọyaẹnmwa. Ivbi iran i re ọghe ọe. Rhunmwuda ọnii nian, a gha fuẹn iran kevbe otọe iran an ban.

Emọs 2:13

Banbanna nian, te I ra piẹnpiẹn uwa mu otọ zẹ vbe okotọ ne a ya kun ọka.

Emọs 5:21

E Nọyaẹnmwa khare wẹẹ, “Ugie ugamwẹ ne uwa do hia wa sọnnọ mwẹ, I i ghi ho ne I bẹghe iran.

Zẹkaraia 11:8

Egbe avbe ọsuohuan eha ọvbehe ni khuiwu mwẹ keghi wọ mwẹ rhunmwuda ọnii, I na ru iran eheha emwi vbe uki ọkpa kẹkan.

Malakai 2:17

Te egbe etalọ ne uwa talọ ghi wọ e Nọyaẹnmwa. Sokpan, wa ghi vbe nọ wẹẹ, “Vbe ima ya ya egbe wọ ẹre hẹ yi?” Vbe ekpa ne uwa na kha wẹẹ, “E Nọyaẹnmwa ne Oghodua ro wẹ emwa esi ọre emwa hia ni ru; emwi dan khin, vbe ẹmwata, ọ wa ho ẹmwẹ iran.” Ra ne uwa na kha wẹẹ, “Rẹn ghi vbo yi ighẹ nene Osanobua ne a wẹ ẹmwata nọ?”