Aizaia 1:12 - Edo Bible (E Baibol Ẹdo) Version 1996

¹² Gha tama uwa wẹ ne uwa gha viọ ena hia bu mwẹ rre vbe uwa a do ga mwẹ yi? Gha ọ wẹ ne uwa do gha gbe ukpukpẹ na vbe Ọgua Osa mwẹ yi?

Aizaia 1:12 ပူးပေါင်းရင်းမြစ်များ

Psalm 40:6

Wẹ ẹi gualọ ese ra imuohan; u ma vbe nọ aranmwẹ ne a giẹn ọ re ohoho vbe aka ra ne a ya zọese ne ọ kpe orukhọ kua. Sokpan, wẹ keghi rhie ehọ mẹ ne I ya gha họn ẹmwẹ ruẹn.

Ẹksọdọs 23:17

Igba eha vbe ukpo ọre ikpia nii rre ọbuohiẹn uwa hia gha do gha miẹn mwẹ aro, erriọ Nọyaẹnmwa khare.

Ẹksọdọs 34:23

Ikpia nii rre uwu uwa hia ghi gha rri ehe ne I ye igba eha vbe ukpo, mẹ ne Nọyaẹnmwa, Osanobua ọghe Izrẹl.

Asan-Ibo 5:1

Hẹko gha ya ẹwaẹn yo Ọgua Osa. Ọ kere ne a yo ya ruẹ emwi vbe evba sẹẹ ne a ya gha zọ ese zẹvbe avbe ọzuọ ni ma rẹn emwi ne ọ kere hin e ne ọ ma kei rre.

Jerimaia 7:11

Te uwa ro ighe Ọgua Osa mwẹ, ehe ne avbe izigan lẹre yi nọ ra? I bẹghe emwi ne uwa ru nẹ.

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Zẹkaraia 7:5

Ọ wẹẹ, “Tama ivbi ẹvbo nii kevbe avbe ohẹn wẹ ne iran na yo aguẹ kevbe ne iran na khiẹ vbe uki ne ogisẹn ke ne ogihinrọn nii vbe ukpo ekigbesiyenẹ ni gberra na, ẹ i re imẹ ọre iran ya ya ọghọ na.

Matiu 23:5

Iran ghi gha ru emwi hia ọghe ne emwa ba bẹghe mwẹ. Wa ma miẹn vbene ẹkpo ne a viọ uviẹn ebe na gbẹnnẹ kevbe Ebe ni re na a mu gba ye obọ kevbe uharo ọghe iran kọnkọn hẹẹ! Wa ma miẹn vbene ẹwu iran wa hiọrọ otọ hẹẹ!

Diuteronomi 16:16

“Ikpia ẹvbo ruẹ hia, igba eha vbe ukpo ọ re iran gha yo ihọkpa nii ne a na ga ẹe ya gha ga e Nọyaẹnmwa, ena ọ re Alagberra, Emwiukpo Akọrhọre kevbe Emwiukpo Irhu. Dọmwadẹ ọghe ọe ghi rhie ọhẹ gha dee.