Aizaia 1:10 - Edo Bible (E Baibol Ẹdo) Version 1996

¹⁰ E Jerusalẹm te avbe iran ni khaemwisẹ yan ruẹn kevbe avbe emwa ruẹn yevbe ọghe Sọdom kevbe Gomorra. Danmwehọ ẹmwẹ ne Nọyaẹnmwa wa tama ruẹn nian. Rhie ehọ ye emwi ne Osanobua mwa ma ruẹn re na.

Aizaia 1:10 ပူးပေါင်းရင်းမြစ်များ

Gẹnẹsis 13:13

ne emwa rẹn re emwa dan ni vbe ru orukhọ ghe Nọyaẹnmwa.

Aizaia 28:14

Wa danmwehọ vbene Nọyaẹnmwa kha hẹ, wa ne emwa ni tọn egbe mu ni khaemwisẹ yan avbe emwa na vbe Jerusalẹm.

Aizaia 3:9

Ẹmwẹ ne iran rhie ye ekhọe ọ re a ra ya gu iran gui. Te iran ghi wa rhan ma orukhọ zẹ vbene emwa Sọdom ghaa ye. Ọghe iran fo ne, obọ iran ọ re iran ya sii ẹe gie egbe iran.

Aizaia 30:9

Ẹghẹ hia ọ re iran ya sọtẹ Osanobua, ẹghẹ hia ọ re iran ya ta ohoghe, ẹghẹ hia ọ re iran ya he ne iran họn iruẹmwi e Nọyaẹnmwa.

Aizaia 33:22

Ugbalọmwẹ ne a gbalọ okọ nii, i mwẹ asa, ukpọn ne ẹhoho ya sua ẹre khian i gia tan. Ma gha viọ emwi ne avbe ivbiyokuo eghian mwa mwẹ, iran gha bun sẹ vberriọ wẹ uhin ghẹ te obọ avbe arọ gha vbe vba vbọ. E Nọyaẹnmwa tobọ ẹre ọ re ọ ra gha re ọba mwa. Rẹn ọ re ọ ra gha khaemwisẹ yan mwa, ọ ghi vbe gha degue mwa.

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Jerimaia 23:14

Sokpan, I vbe miẹn wẹ avbe akhasẹ ni rre Jerusalẹm wa vbe rhia sẹẹ iran rhie amwẹ ẹrrẹe, iran vbe ta ohoghe, iran kpe ọbọbọ ne emwa ya gha ziba. Sẹrriọ wẹ a i ghi miẹn ne ọ dobọ emwi dan ne a ru yi. Zẹ vbe ne I miẹn iran, iran hia wa vbe rhia vbe ivbi e Sọdom kevbe Gomorra.

Ezikiẹl 13:2

“Ovbi ọmwa, ta ku avbe akhasẹ ni rre Izrẹl, emwa ni zẹ ẹmwẹ obọ iran ta zẹvbe ẹmwẹ akhasẹ. Tama iran ne iran danmwehọ ẹmwẹ e Nọyaẹnmwa.”

Ezikiẹl 16:35

Rhunmwuda ọnii nian, e Jerusalẹm ne ẹwia! Danmwehọ vbene Nọyaẹnmwa ne Udazi kha hẹ.

Ezikiẹl 16:46

Ọtuẹn nokhuo nọdiọn, ke ẹe ke avbe igue ne ọ mwẹ, ọrọre Sameria ne ọ rre odẹ okuọ. Ọtuẹn nokhuo nekherhe, ke ẹe ke avbe igue ẹre, ọrọre Sọdom vbe odẹ ekẹn.

Ezikiẹl 16:49

Te irẹn kevbe ivbi ẹre nikhuo gha hio rhunmwuda ọkpọkua ne iran gha re, iran keghi vbe gha rrọ vbe ọfumwegbe kevbe a i mwẹ oyanghan, sokpan iran ma gbearoghe avbe ivbiogue kevbe iran ne ọ ma dunna na.

Emọs 3:1

Wa ne ivbi Izrẹl, wa danmwehọ uhunmwu na ne Nọyaẹnmwa gie vbe ekpa uwa, emwa uhunmwu ẹvbo ni hia fẹẹrẹ ne Nọyaẹnmwa viọ ke Igipt gha dee:

Emọs 3:8

Oduma gha davan, de ọmwa ne ohan i ra mu. E Nọyaẹnmwa ne Udazi gha guaan nẹ, de ọmwa ne ọ gha sẹtin wẹ rẹn i ra ta uhunmwu ne ọ gie?

Emọs 9:7

E Nọyaẹnmwa khare wẹẹ, “Wa ne ivbi Izrẹl, vbene ẹmwẹ uwa ye mwẹ vbe ekhọe ọ re ẹmwẹ ivbi e Sudan vbe ye mwẹ vbe ekhọe. E Kret ọ re I ke viọ ivbi e Filistin gha dee, I keghi viọ ivbi e Siria ke Kaa gha dee zẹ vbene I viọ uwa ke Igipt gha dee.

Maika 3:1

Wa danmwehọ, wa ni khaemwisẹ yan Izrẹl! Te ọ te kei ne uwa mu aro yọ ne a gha bu ohiẹn ẹmwata.

Ebe ne Pọl gbẹẹn gie emwa Rom 9:29

Te ọ ye vbe ẹmwẹ ne Aizaia ka vbe ta yi wẹẹ, “Akpawẹ ẹ i re ne Nọyaẹnmwa Oghodua na sẹ rae ne ima vbe ivbi uniẹn mwa, ma ghẹ ghi do ye vbe Sọdom, ma ghẹ gha ye vbe Gomorra.”

Diuteronomi 32:32

Eghian iran ni sakan an vbe Sọdom kevbe Gomorra, ye vbe erhan ohọ ne ọ mọ orriara kevbe eruan,

Arhie Maan 11:8

Ikun iran ghi vbe gha rre adesẹ ẹvbo nọkhua nii, ehe ne a na kan Nọyan iran mu ugbugbe. Eni oro ne a mu ne ẹvbo ni ọrọre Sọdom ra Igipt.