Aizaia 1:1 - Edo Bible (E Baibol Ẹdo) Version 1996

¹ Ẹmwẹ ne Osanobua rhie ma Aizaia ne akhasẹ ne ovbi Amọz vbe ekpa e Juda kevbe Jerusalẹm, vbe ẹghẹ avbe ọba Uzaia, e Jotan, Ahaz kevbe Hẹzekaia ne avbe ọba e Juda, ọ re ọ rre Ebe na.

Aizaia 1:1 ပူးပေါင်းရင်းမြစ်များ

II Ọba 15:1

Ọ ghi rre ukpo eha irrọvbọgban ne Jeroboam Ne Ogieva, ne ọba Izrẹl rriọba, Uzaia ne ovbi Amazaia keghi rriọba vbe Juda

II Ọba 15:13

Ọ ghi rre ukpo ọkpairrọvbe iyeva ne Uzaia rriọba vbe Juda, e Sialọm ne ovbi e Jabẹs keghi rriọba vbe Izrẹl. Ọ keghi ya uki ọkpa vbe ẹkete vbe Sameria.

II Ọba 15:32

Ọ ghi rre ukpo ne ogieva ne Pẹka ne ovbi e Remalaia rriọba vbe Izrẹl, e Jotan ne ovbi Uzaia keghi rriọba e Juda,

II Ọba 15:7

Uzaia keghi wu, a na re ẹre ye idin avbe ọba vbe Ẹvbo e Devid, ẹre ovbi ẹre ighẹ Jotan na rriọba lele ẹe.

II Ọba 18:1

Ọ ghi rre ukpo ne ogieha ne Hosia ne ovbi Ela rriọba vbe Izrẹl, e Hẹzekaia ne ovbi Ehaz keghi rri ọba e Juda,

II Ọba 19:2

Ọ keghi gie Eliaikim ne ọkaẹguae, e Siebna ne ọgbenbe iko kevbe ohẹn ne ọdiọn bu Aizaia ne ovbi Amọz. Iran keghi yọ ukpọn akhiẹ.

II Krọnikol 26:1

Ivbi e Juda hia keghi zẹ Uzaia ne ọ re ọmọ ukpo enẹ irrọvbe ugie ne ọ rriọba lele erha ẹe.

II Krọnikol 26:22

Aizaia ne akhasẹ ne ovbi Amọz gbẹnnẹ avbe emwi nekpa hia ne Uzaia ru vbe ẹghẹ ẹre ye otọ.

II Krọnikol 27:1

Ukpo ekesọgban ọre Jotam ye vbe ọ rriọba, ọ keghi ya ukpo enẹirrọvbugie vbe ẹkete vbe Jerusalẹm. Iye ẹe kegha re Jerusia ne ovbi e Zadọk.

II Krọnikol 28:1

Ehaz ghi rre ọmọ ukpo ugie, ọ keghi rriọba. Ọ keghi ya ukpo enẹirrọvbugie vbe ẹkete vbe Jerusalẹm. Ọ ma lele igiemwi esi ọghe e Devid ne Ọba ne erha ẹe odede, sokpan, ọ kegha ru emwi ne ẹ i yẹ e Nọyaẹnmwa.

II Krọnikol 29:33

Debare iran keghi vbe viọ ẹkhuia ẹmila arriaeha (600) rre, kevbe ohuan arriaisẹn eha (3,000) zẹ vbe emwi ne a ya zọ ese, ne emwa ni rri ọe.

Psalm 89:19

Vbe ẹghẹ ne ọ kpee fua, u tama eguọmwadia ruẹ ni guobọ ruẹ vbe aro umian wẹẹ, “Mẹ rhie iyobọ ne ovbiyokuo ne ọ hin usi nẹ I vbe mu ẹkete nii ne ọmwa ne I hannọ zẹ, vbe uwu avbe emwa nii nẹ.

Aizaia 13:1

Uhunmwu ne a giee rre vbe ekpa e Babilọn ọ re ọ na khin, zẹ vbene Aizaia ne ovbi Amọz họn ẹẹn ke ehe ne Osanobua ye gha dee.

Aizaia 2:1

Ghe uhunmwu ne Osanobua gie Aizaia ne ovbie Amọz re vbekpa e Juda kevbe Jerusalẹm:

Aizaia 20:2

Odẹ ukpo eha ne ọ gberra, emwi na ke do sunu, e Nọyaẹnmwa ke khama Aizaia ne ovbi Amọz wẹ ne ọ bannọ ibata ẹre kevbe ukpọn ẹkpo ivin ne ọ te yọ hẹ kua. Ọ keghi gele ru vberriọ, ọ na bannọ uan gha ya owẹ kẹkan mama otọ lele ehe hia khian.

Aizaia 21:2

I miẹn umian ọghe emwi dan ni sunu, umian ọghe a ya ọmwa ne a vbokho kevbe ọfuan. “Ivbiyokuo Ẹlam, wa dekun iran! Ivbiyokuo e Medis, wa gha ga avbe okpẹvbo nii. Osanobua gha dobọ oya ne Babilọn he si ye emwa egbe yi.”

Aizaia 37:2

Ọ keghi gie Eliaikim ne ọ gbearoghe ẹguae, e Siebna ne ọgbenbe ẹguae, kevbe eniwanrẹn ohẹn bu akhasẹ ighẹ Aizaia ne ovbi Amọz. Ukpọn akhiẹ ọ re iran vbe hẹ rhuan.

Aizaia 38:1

Vbe ẹghẹ na, e Hẹzekaia ne ọba keghi gha khuọnmwi, ọ te ra wa wu. Aizaia ne akhasẹ ighe ovbi Amọz keghi ya miẹn ọẹn, ọ tama rẹn wẹẹ, “E Nọyaẹnmwa we ne a tama ruẹn ne u dọlọ emwi yi, rhunmwuda u i ra fe. Mu egbe ne u gha ya wu.”

Aizaia 40:9

E Jerusalẹm, hin oke ne ọ yo, ne u ya wewe iyẹn ne ọ maa nii! E Zaiọn, ya urhu ne ọ la datu, ta iyẹn ne ọ maa ni ladian, guan ladian, ghẹ gie ohan mu ẹẹn. Tama avbe ore nekhua ni rre Juda wẹ Osanobua iran dee.

Aizaia 6:1

Vbe ukpo ne Ọba Uzaia wu, I keghi bẹghe Nọyaẹnmwa. Ọ keghi tota ye ẹkete ẹre, ọ yo, ọ keghi vbe ye gelete, emwi ne ọ ya mu egbe keghi vuọn Ọgua Osa hia.

Aizaia 7:1

Ẹghẹ ne Ọba Ehaz ne ovbi e Jotam kevbe eyẹ ọghe Uzaia na gha rre ẹkete e Juda, okuo keghi saa. E Rezin ne ọba e Siria, kevbe Pẹka ne ovbi e Remalaia ọba Izrẹl keghi dekun e Jerusalẹm, sokpan, iran ma sẹtin khọn rẹn.

Jerimaia 23:16

E Nọyaẹnmwa ne Oghodua tama ivbi e Jerusalẹm, “Wa ghẹ danmwehọ ẹmwẹ ne avbe akhasẹ ta, idaehọ ohoghe ọre iran ya koko uwa. Emwi ne ọrre iran ekhọe ọre iran tama uwa, ẹ i re ẹmwẹ ne imẹ tae.

Ezikiẹl 1:1

Vbe Ikpẹdẹ ne ogisẹn ọghe uki ne ogienẹ vbe ukpo ne ogiwera, mẹ ne Ezikiẹl, ne ohẹn, ne ovbi e Buz, keghi gu ivbi e Ju ni rre iwe rre ọkpẹn Ẹzẹ e Kiẹba vbe Babilọn. Iso keghi kie yotọ, I na miẹn umian ọghe Osanobua.

Hozia 1:1

Ọna ọrọre uhunmwu ne Nọyaẹnmwa gie ẹre re ighe Hozia ne ovbi e Biẹri vbe ẹghẹ ne avbe Uzaia, Jotan, Ehaz kevbe Hẹzekaia na gha re ọba e Juda, ne Jeroboam ne ovbi e Jehoas na gha re ọba Izrẹl.

Emọs 1:1

Ẹmwẹ Emọs ne Ọsuohuan ne ovbi ẹvbo ne a tie ẹre Tẹkoa ọ re ena khin. A ghi tie ẹre ukpo eva ne igbohiotọ ra sunu, vbe ẹghẹ ne Uzaia na gha re ọba e Juda, e Jeroboam na vbe gha re ọba Izrẹl, Osanobua keghi rhie emwi na hia vbe ekpa Izrẹl ma Emọs.

Emọs 4:5

Wa gie obọ kẹe ne uwa ya ye ebrẹd kpọnmwẹ Osanobua, ne uwa vbe gha ya ee rhuọ khian ighe emwi ne uwa ya ru yan emwi ihaoko. Egbe emwi vberriọ ọre a na miẹn uwa.

Maika 1:1

Ẹghẹ ne Jotam, Ehaz kevbe Hẹzekaia na gha re avbe ọba e Juda, ọ re Nọyaẹnmwa na gie Maika ne ovbi ẹvbo ne a tie ẹre Morẹsiẹt. E Nọyaẹnmwa keghi rhie avbe emwi na ma e Maika vbe ekpa Sameria kevbe Jerusalẹm.

Nahum 1:1

Uhunmwu ne a giee vbe ekpa Ninevi ọ re ọna khin, zẹ vbene ọ gbẹn ọẹn ye otọ vbe ekpa umian ne ọ miẹn ighe Nahum ne ovbi ẹvbo ne a tie ẹre Ẹlkos.

Habakọk 2:2

E Nọyaẹnmwa keghi wanniẹn mwẹ ẹmwẹ vbenian wẹẹ, “Emwi ne I rhie ma ruẹn, gbẹnnẹ ọẹn ẹse ye uhanhan vbene ọ gha na wa gie a gha tie ọwarọkpa.

Nọmbas 12:6

E Nọyaẹnmwa keghi kha wẹẹ, “Banbanna nian, danmwehọ ẹmwẹ ne I ra ta. A gha miẹn ighẹ akhasẹ rre uwu uwa, mẹ ghi rhie egbe mwẹ ma rẹn vbe umian, I ghi vbe gu iran guan vbe imina.

Nọmbas 24:16

ne ọ sẹtin họn vbene Osanobua kha hẹ, ne ọ vbe miẹn irẹnmwi ne ọ ke ọghe ne ọ yo sẹẹ rre. I rhan aro a gba daa, I keghi miẹn ọẹn vbe umian emwi ne Osanobua Ne Oghodua mu ma mwẹ,

Nọmbas 24:4

Ne ọ vbe sẹtin họn vbene Osanobua kha hẹ. I rhan aro a gbadaa, I ke ya bẹghe vbe umian, emwi ne Osanobua Ne Oghodua mu mẹ ghe.

Matiu 17:9

Iran ghi tuorre ke uhunmwu oke dee, Jesu tama iran wẹẹ, “Wa ghẹ ta umian ne uwa miẹn na ma ọmwa rhọkpa, a te do huẹn Ovbi Ọmwa kpao vbe orinmwi.”

Iwinna 10:17

Ọ keghi yan Pita unu uan wẹ de emwi ne a ya umian ne irẹn miẹn kha. Ẹghẹ na ne a kha na, emwa ne Kọniliọs gie miẹn ehe ne owa Saimọn ye nẹ, iran keghi mudia ye onurho.

Iwinna 26:19

“Erriọ nọ o, Ọba Agripa, I ma fieghe uhunmwu ye ẹmwẹ umian ne ọ ke ẹrinmwi rre ne I miẹn na.

II Kọrinti 12:1

I gha wa rhuọ, a gha rhe miẹn ighẹ ẹ i mwẹ esa ne ọ khin, sokpan emwi ne I ghi ra guan kan na, keghi re umian ne I miẹn kevbe oro ne Nọyaẹnmwa we ma mwẹ.

II Pita 1:21

Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.