Ụhịrẹyị 8:35 - IWE ỌNỊNỊ

³⁵ Ộ ka aza ana nyị ịrẹyọyẹ ẹẹ̄ mẹ ẹhẹ obooro nị. Ayị Ẹnẹyịmavara vee hine tu wa.

Ụhịrẹyị 8:35 ပူးပေါင်းရင်းမြစ်များ

Ụhịrẹyị 1:33

Ama ẹ yị nyị ịsị ẹ vaa mẹ̀ aza ana sị ụtọ pe ịrẹyị ịrẹyọyẹ. Angwa e yi vee hi wa.

Ụhịrẹyị 12:2

Ayị Ẹnẹyịmavara hine tu ọza ọyịza ama ọza ọhịmị ene ro ịrẹyị odivi vị ọnị ọ sị ụya rị.

Ụhịrẹyị 18:22

Ọza ọ jịrị ọnẹẹ nyị ọ́ sị ịsị ozoza hee. Ẹnẹyịmavara ọ da sì ịrẹyị anị kẹnẹ.

Ụhịrẹyị 3:22

Ịrẹyọyẹ vaa mẹ̀ ẹhẹ hine dị ọ rọ wu ẹngụ, dị ọ̀ mẹ ọza ku orubo.

Ụhịrẹyị 3:4

Wàa vavọọ aa mẹ, ayị Ohomorihi ọnịrị aza vee hine tu wu, dị ụ nyị ụbanyị.

Ụhịrẹyị 4:13

Sị ụvọ za ịrẹyị ana a ka yị wụ. Ịrẹyọyẹ ọza sị mẹ̀ ẹhẹ nị.

Ụhịrẹyị 4:22

Ịrẹyị ẹnẹẹ vị ana a mẹ̀ ẹhẹ zee yị aza, dị ẹ nyị ẹngwọọrọ.

Ụhịrẹyị 9:6

Ọ kà ọnụra ọ va hụụnị ututu anị di oo hu ahụ ịrẹyọyẹ.

Ịrẹyị Ọzwọzịsa 7:12

Ịrẹyọyẹ ọ zụ sere ọza anka ọza mẹẹ sị ẹkẹhị sere ẹngụ anị. Aha ana yà ịnị ka ọza ọ̀ yẹ ịrẹyị ọ vị ka, ọ vaa dọ ọzaa ha hụụnị ẹngụkata nị.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Ịjọọnụ 3:16

Ohomorihi ộ vavọọ sì ịrẹyị anẹhẹ pooro, ne tù ka ộ sị Ozi anị ikonya gene-gene yị anẹhẹ; ka ọza tụra ọza ana àa sị ayị tụra a, asị o kuku vu ẹtẹ, ama dị ọ̀ zụ yára ị́da Ohomorihi pooro zịna-zịna.

Ịjọọnụ 3:36

Ọza ana àa sị ayị tụra Ozi Ohomorihi ọnọọ, ộ yàra pooro zịna-zịna. Ama ọza ana àa mẹ akamawụ hi Ozi Ohomorihi ọnọọ, ọ yị vaa yàra pooro zịna-zịna.”

Anẹhwẹsọsị 1:6

À vẹ yaa ga Ohomorihi, agụvị ka ayamva anị ọ́ọ nyị ụbanyị ẹtẹẹtẹrẹ, ọnị ọ vị ka ộ vayị ayị ini oze Ozi anị oni o sì ịrẹyị anị ẹtẹẹtẹrẹ.

Anihwiripi 3:8

M mẹ̀ hụrẹ va yẹ Ijeesu Ikirisiti ka ọnị ọ nyị mị nị, avaba ịsa ana vọ vị ọnị mị kụkụ za ịrịka tụ́ ịnị ịsa kẹnẹ-kẹnẹ. Ọnọ o huna avaba ịsa ẹnẹẹ nị. Mé yi re wa anka ịhyẹrẹ, agụvị ma kụkụ va rị ọgụ obooro ana vị Ikirisiti.

Anikorasi 3:3

Wê wusu nịnị. A raà sị ụhwẹ awụ nịnị tẹ ị́dị Ikirisiti ana yà ịdị Ohomorihi.