Ụhịrẹyị 8:12 - IWE ỌNỊNỊ

¹² Ịrẹyọyẹ ka ọnịrị eyohweyi ọ́ọ vị pooro nị. Ọnị ọ mẹ ka aza ẹ yẹ́ ịsa, dị ẹ rẹ yara mẹ eto ịsị ẹ yàa mẹ nị.

Ụhịrẹyị 8:12 ပူးပေါင်းရင်းမြစ်များ

1 Ohinọyị 7:14

Ihirami ọnọọ vị ozi osoku ọnya aanị, dị ahịka ịpa ịrẹsụ Inahwitari ọ vị nị. Ada anị rẹ vị Anitaya, di oō tụ́ enyusẹ ana aā hị́ ịkọpa nị. Ộ yẹ eyi ụkọrọ ẹtẹẹtẹrẹ; avaba ẹngụ ọ sị yẹ eyi ụkọrọ nị. Ọ yara sị enyusẹ ịkọpa mẹ̀ ụkọrọ irenyi-irenyi. Ộ vẹ ịda Isoromọnị ohinọyị, dị ọ va mẹ avaba ụkọrọ anị yọ nị.

1 Ịtọpa 28:12

Ộ rẹ sị iwe á mẹmẹ vaa mẹ avaba ịsa ọnị ọ nyị tụ ịnị ayị ka à mẹ tụ ini ohweje irehi Ohomorihi ọnọọ yị Isoromọnị. Iwe á mẹmẹ vaa da aku ana a vaa kụ ẹnya ụkọrọ ini Irehi Ohomorihii hị́, ọnịrị aku ana a vaa kụ ẹyịza ana a sị va yị Ohomorihi hi vị ọnị ọ rẹ sị yị Isoromọnị.

1 Ịtọpa 28:19

Ohinọyị Idevidi ộ kà a ka avaba ịsa ẹnẹnị hi ini iwe a mẹmẹ vaa da irehi. Ẹnẹyịmavara ọnị ụvọta mẹ̀ kà a yị ọnị ka ọnị ọ̀ mẹ̀ ịsa ẹnẹnị a chẹrẹ iwe ọnọọ avọọ nị.

2 Ịtọpa 13:14

Ịjị isoja Anijuda nịnị kana eyi, di e re ka ẹnịnị ẹ raà kara ẹnị hi, dị ẹ da ịpẹ yị Ẹnẹyịmavara kà ọ gụ́ ẹnị ụvọ, dị ohirẹsụ irehi Ohomorihi nịnị hu ọpanyị ịrẹkụ ẹnịnị nị.

Ahẹ Ụgama 104:24

Ẹnẹyịmavara, ụkọrọ awụ ộ dà rụrụ kẹnẹ, ịrẹyọyẹ ụ vavọọ sị mẹ avaba anị nị. Ẹwa mẹ avaba ịsa ene hi ẹhẹ nị.

Ọyịkụra 35:30

Di Imosiisi kà a yị Anisirẹrị dị ọ kà Ẹnẹyịmavara ọ raà nyị Ibezareri ozi Uri ana ada anị vị Ihuri. Anijuda ẹ vị nị.

Ụhịrẹyị 1:4

Ọnị ọọ̄ si eyi obeduu hweyi nị, dị ọ mẹ̀ ka ezweyi ẹ yẹ ịsa, dị ẹ yẹ ịrẹyị.

Ụhịrẹyị 8:5

Aza ẹnẹ ẹẹ yị vịra ẹ kọsẹ dị ẹ mẹ̀ ebira ụvịra; dị ọnụra nịnị ẹ kọsẹ ịrẹyọyẹ.

Ayịsaya 28:26

Ohomorihi ọ́kụrịkụ ọ vavọọ si zụ̀ ọ a mẹ̀ vọrọ ka ọ̀ dà aarẹ nị.

Aniroomi 11:33

Ohomorihi ộ da nyị ụbanyị kẹnẹ! Ohomorihi ộ yẹ ịrẹyị ẹtẹẹtẹrẹ ọnị ọza ọ̀yị zụ kà. Ịsị Ohomorihi ọ̀ọ ka ọnị aa mẹ, ẹ yị nyị ọza ana zụ yẹ oze ana aa zịị mẹẹ. Ẹnẹ ka ọnị ộ yẹ oze Ohomorihi?

Anẹhwẹsọsị 1:11

Avaba ịsa vị ana vaa mẹ anka Ohomorihi mẹ̀ mẹ eto anị tịtẹ. Agụvị Ijeesu, Ohomorihi ọ sị yị nyị ka ya vị aza anị, agụvị ka avọọ o mè sì ọ nị. Ộ vịdị mẹ eto anị tịtẹ ka

Anẹhwẹsọsị 1:8

Ohomorihi vị ana nyayịnẹ mẹ ọyịza yị ẹtẹẹtẹrẹ. Ộ rẹ sị ịrẹyọyẹ obooro yị.

Anẹhwẹsọsị 3:10

Ộ vavọọ mẹ, agụvị ọyaanị Ohomorihi ọ̀ sị anịragụ anị mẹ ka anggẹẹrị irenyi-irenyi ana nyị ụkata hi ẹbẹẹba ẹ̀ zụ yẹ ịrẹyọyẹ oni Ohomorihi nyị ini oze irenyi-renyi.

Anikorasi 2:3

Ijeesu Ikirisiti ịnya kẹnẹ ọ zụ mẹ ka ya nyị ịrẹyọyẹ dị ya zụ yẹ ịzẹyịza nị. Ịrẹyọyẹ ọnọọ ọ́ọ nyị ọgụ ẹtẹẹtẹrẹ.