Ụhịrẹyị 7:10 - IWE ỌNỊNỊ

¹⁰ Dị ọnẹẹ ọnọọ kụ́ ẹnya anka ọsẹrẹka na gẹrị ọ nị. Dị a mẹ̀ ọbọ ọnị aa sị vene ọmụha ọnọọ nị.

Ụhịrẹyị 7:10 ပူးပေါင်းရင်းမြစ်များ

Oyinyima 3:1

Ịnị avaba uye ịnị avị ọnị Ẹnẹyịmavara Ohomorihi tụ́, ẹ́wụ́ ọ vị ọnọbọ hu kere-kere nị. Ẹkụhị ọnya o vẹ tù ọnẹẹ ọnọọ dị ọ họ̀ ọ ka: Ho, aanị ka ẹ yị nyị ẹtụtụ ọchị ọnị Ohomorihi zẹẹ ka ẹ̀ẹ rị ịnị ẹtụtụ ene hi ini ụbazị ọnọnị aanị?

2 Ohinọyị 9:22

Ijorami ộ họ̀ Ijehu use ka: ẹngwọọrọ ọọ sị aa vẹ nị? Dị Ijehu ka, “á mẹmẹ zụ nyị ẹngwọọrọ ịrẹma ọnị ọpọchị ọnịrị ori ọnị ọnyị awụ Ijezebẹrị nyima anị yi hi ẹtẹ?”

2 Ohinọyị 9:30

Ijehu ộ va ngụ Ijezirẹẹrị, Ijezebẹrị ộ vịdị raà wụ ịsị ẹ mẹ, dị ọ mẹ ọvị nị. Ộ da ịsa sisi eyi anị, di o tenyi ẹyị anị ẹtẹẹtẹrẹ nị. Ini irehi ohinọyị ọnị ọ yà, dị o zi oze ini ozokete ee re ịsị aa na oze nị.

Ụhịrẹyị 23:28

Ẹnịnị vị eneē zi ọza anka anako nịnị avọọ. Ẹnịnị ẹ mẹ̀ ka asị anọrụ ọrụrụ-ọrụrụ mẹ ịzẹyịza ka ese ẹnịnị na nị. Ịrẹyị ana tụ ọ ẹwụrẹhịnta.

Ayịsaya 23:16

“Sị ọkangga awụ di wee hú ọ ngụ ịnị ẹkụraa zị, ẹwụ ọsẹrẹka eni e reè hi ayị anị. Hú ọkangga awụ ẹtẹẹrẹ dị waa jị ahẹ ịsavọọ à tamayị awụ.”

Ijeremaya 4:30

Sị ụ kụkụ aa mẹ, ẹwụ ana a sị gara ha aanị? Ọvị ịsị ụ kụkụ aa mẹ, dị ụ sị ịta ovivi akàaka ọnịrị igooru kụ hi ẹngụ, dị ụ kụ ịsa sisi eyi bẹẹ? Ọvị ọọhẹ kẹnẹ ụ kụkụ aa mẹ nị. Onyeehi awụ nịnị ẹ sị ụ hụrẹ ụvọ. Ẹnịnị vị ene kuku ee si u usu.

1 Itimoti 2:9

Mi ree sì ka anẹẹ nịnị ẹ̀ẹ kụ́ ẹhwị ẹnya, anka ọ mẹ̀ vọrọ tụra ọnyẹnẹẹ, dị ẹ̀ sị eyi pe ẹngụ ẹnịnị ịnị anị. Asị ẹ rẹ̀ mẹ ọvị ahaahara, ẹhụụ ẹyị ọkajuwa oyigu, àa vị igooru ọnịrị uweyi ọkatarihi ọyịhara hi ẹngụ, ọnịrị achị ẹbanyị-ẹbanyị!