Ụhịrẹyị 6:19 - IWE ỌNỊNỊ

¹⁹ Dị ọ rẹ nyị ịhyẹrẹ ọza anaā dọ ivenu ireche, dị ọ tụ́ ịrẹyị tụ ịnị akakana ẹyịnyara.

Ụhịrẹyị 6:19 ပူးပေါင်းရင်းမြစ်များ

Ahẹ Ụgama 27:12

Aarịhịnị, asị ụ zẹẹ ka ọpa ọnịvị amị ọ̀ nọ ịzị eyi ẹnịnị kà agụvị ka ẹnịnị vi ene ee cheechee kú mị di e yee si mị ẹnị ẹẹ̄ mẹ ọnya.

Ahẹ Ụgama 35:11

Aza edivi ệ kwẹẹtẹ e yee cheeche kú mị ẹ yaa họ̀ mị use ịrẹyị ene eyi amị ọ̀ yị hyakụ tù vụrụ-vụrụ.

Ọyịkụra 20:16

Wẹ yị nyayịnẹ dọ ivenu ireche kú ọza.

Ọyịkụra 23:1

Asị ụ na gana ịrẹyị ireche hị́ ẹtẹ. Ọza ọ̀ọ mẹ̀ ịsa odivi, asị ụ na dọ ivenu ireche ka wa sị gụ ọ ụvọ.

Ụhịrẹyị 12:17

Ọnịzẹyịza vị anaā dọ ivenu ịzẹyịza ama onireche vị anaā dọ ivenu ireche.

Ụhịrẹyị 14:5

Onivenu ịzẹyịza o mē cheeche ama onireche vi eneē cheeche.

Ụhịrẹyị 16:28

Aza ọhịmị vị anaā kụ ọza ịrẹsụ nya ẹngụ; ẹ́ẹ sị ireche jị ụna ọọtọta ana sị ayị yị ẹngụ nị.

Ụhịrẹyị 19:5

Ọza ana dọ ivenu ireche ịnị ikootu vị anaa rị ụya anị. Ẹ yị vaa mẹ̀ ẹ sịị rị.

Ụhịrẹyị 19:9

Ọza ana dọ ivenu ireche ịnị ikootu, ẹ yị rị ọ, a rị ụya anị, ọ sị ẹngụ anị wụ.

Ụhịrẹyị 21:28

Ọza anaa dọ ivenu ireche vaa rị ụya anị ama ọza anaa nyị ịzẹyịza a vaa dọ ịrẹyị anị tụ ịzọọ nị.

Ụhịrẹyị 22:10

Dụ ọza anaa ka chire ọza kwooze, ịraazị ẹ yị na vẹ, dị a vaa kụ ẹngụ ụhụ.

Ụhịrẹyị 25:18

Ọza anaa dọ ivenu ireche ku ọta anị sị mẹẹ anka ọza o che ọza ọpa, a vị ọza ọ̀ ka ọza ụhwọ, a vị ọza o hu ọza arubebe avọọ nị.

Ụhịrẹyị 26:20

Ẹ yị nyị ọkụ ịra vị ene mi, avọọ ẹ ị mẹ nyị ireche, aza ẹ yị naa zyaazị.

Ụhịrẹyị 6:14

Ẹnịnị vi eneē ro ịrẹyị odivi ọza pooro, dị ẹ yaa kụ aza ịrẹsụ nya ẹngụ;

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Imatiwu 15:19

agụvị ka ịnị ayị ọza áriro odiviī hụrẹẹ vẹ nị, anaā mẹ ka ọ̀ọ wụ̀ ọza, dị ọ̀ọ sẹ̀ ịrẹka, di òo yi oyi, di ò ree dọ ivenu ireche, di ò ree du ọza ịrẹsụ.

Imatiwu 26:59

Ohirẹsụ ẹbanyị irehi Ohomorihi ọnịrị avaba ọmọkarẹyị ê sì ịrẹyị ireche ẹnẹẹ vaa kụ́ụ za Ijeesu, agụvị dị ẹ̀ zụ wụ ọ;

Odeyi 6:13

Dị ẹ hị́ onivenu ireche vẹ, ana kà a ka, “Ọnọrụ ọnọnị vị ana aa mẹ akanya ịrẹyị odivi ọyịkà a hi irehi Ohomorihi, dị ọ raa kà ịrẹyị odivii hi ọda oni Imosiisi mẹ nị.

2 Itimoti 2:23

Asị ụ rẹ nyị ụvọ tụ́ ịnị ahankata ụra, agụvị ka wâ yẹ ka ịrazị ẹẹ̄ kụ́ụ vẹ nị.

Ijemiisi 3:18

Ọza eneē sì ẹngwọọrọ gụ aza ẹnẹsa ụvọ ka ẹnị ẹ̀ rẹ nyị ẹngwọọrọ. O vee re ka ịzẹyịza ọ vị ọdịrẹma ịsa ẹnẹ ẹyaa mẹ nị.