Ụhịrẹyị 5:4 - IWE ỌNỊNỊ

⁴ Ama ẹngụkata anaā vatụra a, ọ̀ nyịrẹyị hu ẹchịpa, dị ọọ̄ tụ̀ ọza ụnava anka ụhwọ ọ nyị eyi ẹẹva avọọ nị.

Ụhịrẹyị 5:4 ပူးပေါင်းရင်းမြစ်များ

Ahẹ Ụgama 55:21

Ọ nyẹngụ kà ịrẹyị mẹnẹ-mẹnẹ, ama ịrẹkụ vi oni o tenyi tụ́ ịnị ayị Mị ka ọ̀ọ kà ịrẹyị, ụ ka ịrẹyị anị vị ẹngwọọrọ, ama ụhwọ vị oni o ne rị ụvọ.

Ahẹ Ụgama 57:4

Aza ana kara mị vị ana yà anka idu avọọ Ẹnịnị vi uye odivi ana aā na ọzaa rị Ẹ zụ sị ịrẹyị irenu ẹnịnị wụ̀ ọza obobooro anka ụhwọ Ịrẹyị ẹnịnị ọ zụ wụ̀ ọza anka ọpa ọnịrị ọha mẹ̀ẹ wụ̀ ọza avọọ.

Ụhịrẹyị 9:18

Ama anọrụ ana ngụ ọ ụvọ ẹ yị yẹ́ ka aza ana vịdị na ịzọọ vị ene su. Aza ana vịdị ngụ irehi anị aa sụ̀ aara ịdị aneku.

Ịrẹyị Ọzwọzịsa 7:26

Ọ kà ọnị ọ sị yẹ ka ọnyẹnẹẹ anaā sẹ̀ ịrẹka o divi huni iswọọza nị. Ọ̀ọ ka ọnị oo sì ịrẹyị awụ, ịrẹpa aa vàa zi wụ nị. Ọ̀ọ ha ụvọ kara awụ, vị aa sịị mẹẹ anka aa sị ẹba sụ ọza avọọ nị. Aza anaā mẹ ịsị ọnị Ohomorihi sị kẹnẹ ẹ zụ ha hụrẹ ẹ ụvọ nị, ama ịrẹpa anị vị ana vaa za aza anaā mẹ̀ ebira odivi.

Anihiburu 4:12

Yáa yẹ ka ịrẹyị Ohomorihi vị ana yára. Ọ́ọ nyị ụkata, ọ́ọ rẹ́ huna ụhwọ onyeyi ẹẹva. Ọọ̄ yẹrẹ ịsaa hụrị oze, dị ọ na huuu na ịzị ayị ọnịrị ụhwẹ na gẹ. Dị ọ na ngụ ịzị ẹgẹ ẹngụ ọnịrị ụhị nịnị na gẹ. Avaba ịsị ọza èe ro ịnị ayị anị, dị ọ sị ọ tụ́ ẹhẹ.